Populāri Bībeles panti no Gɔ̃mèjèje be Xoma 27

Dalīties

Mawu ne na wò jiŋùkusi be àhũ jàja ku ànyigbã nyuɛ̃wo, èlù kudo vɛ̃ lè gbɔsùsu mè! Ne ànyigbã ji dùkɔ̃wo ne sumɔ wò eye dùkɔ̃wo ne do èta gũ lè ŋùkɔ̀ na wò! Wòa nyi èga na nɔ̀viwo, eye ne ènɔ̀ wò be viwo woa do èta gũ lè ŋùkɔ̀ na wò! Kpɛ̃sɛ̃ na àmè kè la sɛ̃kpɛ̃ na wòa, sìtu na àmè kè la tu sì na wòa!”

Esaò yì e ji: “Ɖo ekè e tɔ̀ Yakɔb ŋuti ye be trɔ mù to e mè zè èvè sɔ̃ŋu ɖoa? E xɔ̀ ŋùkɔ̀gbevi nyinyi nyèa eye kpɔɖa fifìa e gbà xɔ̀ àpe sìtua cã. Wò mu gble sìtu ɖe kpɔ̀tɔ̀ na mù a?”

Eye Izàk xɔ̀ ènyà gblɔ̃ be: “Kpɔ, ànyigbã nyuɛ̃a godo ye àxue wò la nɔ̀ eye wò mu la kpɔ jiŋùkusi be àhũ jàja ò. Wò la nɔ̀ àgbè to èwui wòa ji, vɔ̀a wò la sumɔ nɔ̀vi wòa, eye lè àpo àgbàgba jèjewo mèa, wò la ɖè yebe kɔ̀kùtia jo lè àpo èkɔ̀.”

Esaò ɖo e ŋuti na ètɔa be: “Sìtu ɖèka kpò ye lè àsi wòa, ètɔ nyè? Tusì na mù, ènyè cã!” Esaò kɔ ègbè yì ji, fã àvi ŋutɔ.