Populāri Bībeles panti no Lukas 10

Dalīties

Mej ua tuab zoo noog! Kuv tub pub fwjchim rua mej lawm, mej yuav tsuj tau naab hab raubris teb, hab mej yuav muaj fwjchim kovyeej dlaab Ntxwgnyoog, hab yuav tsi muaj dlaabtsi ua rua mej raug mob.

Tug Tswv teb has tas, “Mathas, Mathas! Koj txhawj hab ntxhuv sab rua ntau yaam num kawg le, tabsis tsuas muaj ib yaam zoo xwb. Malis tub xaiv yaam zoo ntawd lawm, tsi muaj leejtwg yuav txeeb tau yaam kws nwg muaj ntawd moog le.”

Tug txivneej ntawd teb has tas, “Hlub tug Tswv kws yog koj tug Vaajtswv kuas kawg sab kawg ntsws, kawg plaab kawg plawv, hab kawg tug dlaag tug zug. ‘Hab hlub koj tej kwvtij zej zog ib yaam le yug hlub yug lub cev.’ ”

Yexus has rua puab tas, “Cov nplej kws zoo hlais lawm muaj ntau, tabsis cov tuabneeg kws hlais muaj tsawg. Mej ca le thov tug tswv teb kuas nwg khaiv dlua ib cov tuabneeg moog paab hlais nwg cov nplej.

Yexus nug has tas, “Koj sim xaav saib, peb tug nuav, tug twg yog tug kws tubsaab ntaus ntawd tug kwvtij?” Tug xwbfwb kws qha Vaajtswv txuj Kevcai teb has tas, “Tub yog tug kws hlub tug kws tubsaab ntaus ntawd ntaag.” Yexus has rua nwg tas, “Koj ca le moog ua ib yaam le ntawd.”

Mej ca le moog! Kuv khaiv mej moog ib yaam le paab yaaj kws yuav moog rua huv paab maa.