Populāri Bībeles panti no wandījo 27

Dalīties

Ū Mulungu akwinhe lūme kwīnga kwigūlū, na shizeeze kūfuma mu būsabi bo ha sī; na mhona ya shilīwa na wingī wa divai. Mahanga ga banhū gakūtūmamīle, na ng'anda ja banhū jiiname kū būtongi wako; Ūbize ntaale kū baana ba ng'wing'we, a baana ba ng'wa noko biiname kū būtongi wako. A bose abo bakūkūzuma bagwīlwe izumo; na a babo bakūkūfuuha nabo bīīlūkīlwe mbango.”

Ū Esau ūhaya, “Ū ng'wenūyo batantūngīlīgije ū kūng'wilīka gīkī Yakobo? Nguno washisha ng'hangala ibīlī lūūlū ī haha akūninyeekejaga. Akandya ūnitaaja būbyalwa wane wa kwandya, ī haha ūūyū wajisola nī jane!” Hūna ūbūja, “Ūtanilekeelelile nūūlū hado nane ī mbango?”

Ū ise ū Isaka ūng'wīla gīkī, “Ū wikalo wako būkūbiza kūle nī shizeeze sha kūfuma mu būsabi bo ha sī; kūle na lūme lwa kwīnga kwigūlū. Ūkūyūlya sha kwikoobela na līlūshū, nīyo ūkūbiza nsese ū kūlī ndūgūyo. Alīyo ūlū ūdūla kwihuluguma, Ūkūlīponya ī lijooki lyakwe lītizikala līkūkandīkīgije.”

Ū Esau ūng'wīla ū ise gīkī, “Ūlī na lūbango lūmò dūhū baba? Baba nifuuhage nane” Ū Esau ūlīla no n'ilaka lya higūlya!