Populāri Bībeles panti no Génesis 27

Dalīties

Kꞌinia bɨ Tachi Akꞌõrepa pɨmaa eujã pia teemerã. Kꞌinia bɨ kꞌoi chepimerã aɨde ne–uu pia tꞌonomerã mãikꞌaapa chaumerã. Mãgá trigo waibɨa iru baitꞌee vino ome. Kꞌinia bɨ pɨa eperãarã chokꞌara iru bamerã pɨchi jua ekꞌari. Ma awara kꞌinia bɨ pꞌuuru pidaarã chokꞌaraara bedabaidamerã pɨ kꞌĩrapite, pɨ ɨ̃pemaarã paara. Pɨmaa ne–inaa kꞌachia oopataarã Tachi Akꞌõrepa aukꞌa kꞌachia ooitꞌeeda aji. Jõdee pɨmaa pia oopataarã aukꞌa pia ooitꞌeeda aji.

—Maperã iru Jacob tꞌɨ̃ bɨjidada aji. Kꞌũrada omé mɨ kꞌũraru. Naa jaraji mɨa teemerã mɨa jɨ̃aitꞌee pada pɨ jai–idaakꞌãri. Ɨ̃rá Tachi Akꞌõrepa mɨmaa jarapiitꞌee pada paara jãri atajida aji. ¿Mɨmaa ichiaba pꞌoyaa jara–ekꞌã aji, Tachi Akꞌõrepa jarapi bɨ?

Mãpai Tachi Akꞌõrepa jarapi bɨkꞌa Isaacpa mãgaji: —Tꞌɨmɨ́ banaitꞌeeda aji, eujã piadeepa mãikꞌaapa kꞌoi cheparimãiipa. Chõoyaa bapariitꞌeeda aji. Pɨchi ɨ̃pema jua ekꞌari bapariitꞌee. Mamĩda juataura beekꞌãri, iru jua ekꞌariipa uchiaitꞌeeda aji.

Mamĩda Esaupa waya chupɨria iidiji: —Akꞌõre, ¿pedee pia apida wẽ–ekꞌã aji, mɨmaa jaraitꞌee? ¡Ichiaba mɨmaa pedee pia jarapáde! aji. Mãpai waya jẽedachi.