Génesis 7
7
Y ojaho'ipa yvy
1Ñandejára he'i Noépe:
—Eike ygára guasúpe nde rogagua maymáva ndive. Ajuhu nde añoite ne marangatuha nde javegua apytépe. 2Tymba ipotĩvagui,*f** ehupi 7 máchova ha 7 kuñáva. Ipotĩ'ỹvagui katu, peteĩ máchova ha peteĩ kuñáva. 3Guyra kuéragui emoinge 7 máchova ha 7 kuñáva, oikove ha oñemuña haguã yvy ári. 4Ohasa rire 7 ára amongýta yvy ári 40 ára ha pyhare pukukue, ha ahundíta opa oikovéva ajapo vaekue.
5Noé ojapo opa mba'e Tupã he'i haguéicha chupe. 6Y ojaho'i ramo guare yvy, Noé oguereko vaekue 600 áño. 7Noé oike ygára guasúpe#Sab 14.6; Mt 24.38-39; Lc 17.27. hembireko ndive, ta'ýra kuéra ha hembireko kuéra ndive oñemo'ã haguã y okakuaávagui.
8Tymba kuéra ipotĩva ha ipotĩ'ỹva, guyra kuéra, ha opa yvýre otyryrývagui, 9oike Noé ndive, peteĩ máchova ha peteĩ kuñáva, Tupã he'i haguéicha. 10Ohasa rire 7 ára y oñepyrũ ojaho'i yvy ape.
11Noé oguereko 600 áño. Ha upe áño pegua ára 17, mes mokõiháme hérava Iyyar, osoro sapy'a opaichagua yvu osẽva yvy ruguágui. Ha yvága rokẽ guasu y jokoha ojepe'a avei.#2 P 3.6. 12Oky yvy ári opi'ỹre 40 ára ha pyhare pukukue. 13Upe árape voi Noé ha hembireko oike ygára guasúpe, ita'ýra kuéra Sem, Cam ha Jafet, ha hembireko kuéra ndive. 14Ha hendive kuéra oike opaichagua tymba: mymbáva, hesaitéva, tuicháva, michĩva, yvýre otyryrýva, opaichagua guyra ha ovevéva guive. 15Opa umíva oike mokõi-mokõi Noé ndive ygára guasúpe. 16Opavavégui oike peteĩ máchova ha peteĩ kuñáva, Tupã he'i haguéicha Moiséspe. Ha upéi Ñandejára omboty ygára guasu rokẽ.
17Y okakuaa yvy ári 40 ára pukukue ha ygára guasu oñepyrũ ovevýi y apére. 18Y katu ojupi yvateve ohóvo, ygára guasu ovevýi aja hi'ári. 19Ha ojupi ojaho'ipa peve umi yvyty ijyvatevéva, 20hu'ãgui 7 metrohápe. 21Omano opa tekove: yvýre otyryrýva, guyra kuéra, mymba kuéra ha opaichagua tymba yvy arigua ha yvypóra oĩ haguéicha. 22Opaichagua ipytuhẽva yvy ári omano. 23Ñandejára ohundi opa tekove oĩva yvy apére: yvypóra, mymba, yvýre otyryrýva ha guyra kuéra. Oĩ haguéicha oñehundipaite. Noé añoite ha umi hendive oĩ vaekue ygára guasúpe oikove. 24Y ojaho'i yvy 150 ára pukukue.
Šiuo metu pasirinkta:
Génesis 7: GPC2006
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Guarani DC Bible © Sociedad Bíblica Paraguaya, 1996.