Luke 7
7
1Zaiwakthought ayi manush all orrai nizor forthi hatha funaie yourai, thoai Capernaum orth giyai. 2Ayi town orr officer akzorn orhtu garzor loai maribor waktha' auaidi gularm akzorn aresai, officer' rai ayi gularm orai bishi ador garai. 3Eibayai Isar habor funiyourai Yahudir hoeugua buzurga' murabi all orrai eibar hanasai difairieyai, are eibarai dorhars goairjai, thoai aieyourai eibar gulam orrai arum goairjai. 4hoai eiba Isar hanasai ireshai, are eithara baishi mahnorth gari huwarshuru goaijai, eiba yarn orr layak, thoai eibar hathairayi yarn goor. 5Kiyourla hoailai eibayai anarar koam orai ador gawrai, are anarar Ayibadoth hana rai eibayai banieyai. 6Isa eitharar funwathi giyai.
Ma'gor zaiwakthought eiba garor hanrsayi foainshai, thoai officer rai barus dosthaw allorai Isar hanasai difairie yourai, Aie usthard thakalif nagarai, kiyourla hoailai ornai anar garor sarlor thalai gailibadai yarn orr layak aine nor. 7Ayithorlabali aine nizorrai nizai yow ornor hanasai ieyournorai layak na'buzi, kinthu zuburnai hoaidilai anr gularm arum fiebow. 8Kiyourla hoailai aineyow are oainaw zornorr thorloua, are anar lamtah yow military all aresai, are zadi akzorn orrai hoailai zar, eithai zar, annr gularm orai thuai yarn goor hoailai thoai eithai yarn garai. 9Isayai yarn funiyourai tharjub auaiyai, thoai eibar fisai aiyardai manush allorai fissa firi sieyourai hoaiyai, Aine tharai hoair, andoaila Iman orr bishuch orrai Aine Israel orr butarai hornaw wakthought nadaiki. 10Are Fansie diyaidai manush allayi wapas aieyourai gularm orrai arimi yourth fieyai. 11Kisu bardaia Nain num orr town orth giyai, Are eibar Shagririth all are baishi manush fuwanthi ireshai. 12Zaiwakthought eiba town orr gate orr hanasai foainshai, thoai manush allayi ougua murdar lash orai daffan garieborla town orr barai nailie ainenai, ayi mara eiba ougua rari mayafuwar aguaila fuwa. Town orr baishabishi manush allow eibar fuwanthi giyai. 13Eibarai daiki yourai, Isarthu raham ireshai are eibarai hoaiyai, nahandis. 14Thoai eibayai dakai ieyourai janazarai doairjai, are handoth loya all thiyie giyouai, are eibayai hoaiyai, aie juwarn, Ine tharai hoair out. 15Ayi murda ouri boair sahi, are mathar shuru goairlow, thoai eibayai eibarai either marai ga'sie diyai. 16Thoai boggon darie giyouai, are Allahthalar shukuriya ga'ri huwarshuru goairlow, ougua ba'ra' Na'bi anarar buthorthu aireshai, are Allahthal yai nizor munshor owrai na'zor diiyai. 17Thoai eibar ha'bor fura Yahud orth are thamum ayilakarth foligiyoai. 18Thoai Yahya rai eibar Shagririth allayi forthi hathar ha'bor diyai. 19Yarn orr owrai Yahya yai, nizor Shagririth allor buthorthu duaizorn orrai marthie yourai Isar hanasai, yarn fuser loaiborla difairieyai, difairie yaidai eiba ornai nai, naki dusara zornorai soain' ga'ra fa'ribow. 20Eithara eibar hanasai aieyourai hoaiyai, Yahya park gusall dowyai Anarari thor hanasai fusar loaithow difairieyai, are yow yar ki ornai niki, orthoba anarathu dusar are akzorn orai soain ga'rafaribow? 21Ayiwakthought eibayai boath biarimea all, are arforth orla are ha'ruf jinn orthu basieyai, are bishi anada all orrai sugai daikai forn ga'ridiyai. 22Eibayai juwarb orr mazai eithararai hoaiyai, Zaikisu thuai daikoss are fuainors zieyourai Yahya'rai boaiyarn gorgoai, anda daikair langaira'yai hanra-fira garair, kuruss orlarai park suff goairjai, nafung'ayi funair, murda'rai zinda goairjai, ga'rib all orrai hoosha'bor funare. 23Ouba Mubarak ziba anare zoriyar dill ha'ruf nor. 24Zaiwakthought Yahyar ha'borgoua giyouai, thoai Isa'yai Yahyar shomorndai manush all orrai huwarshuru goair'jai, thuai jangle'ormazai kiyourla gilii? Boaiyar orr laradai “furoin” arenuli guss orai niki? 25hoai ki daikithow giila? Kimorthi fushark findai dai eibarai niki? Daikaw zibayai shamorkdar fushark findai, are gom hafiya are shondoairja fushark orai findi yourai aish hushith thakaya alldasai barshar thohthor mazai thakai. 26Thoai thunwanra ki daikithow gila? Ki ougua Na'bi? Auai, Aine thunwan rarai hoair balkai Na'bir thuwaro baraw. 27Eiba ouaiba zibar baborth ayi laika arsai,
Dak! Aine nizor ha'borgua “poaigumbor” thor argai difai rieyii,
Zibayai thor rustharai thor argai thoaiyar garibo. 28Aine tharai hoair, zibarai maya fuwyinedai “auai” biyaieyai, onnor butharai Yahya park gusall daiday eibarthua row hanika bawraw naie, magor Allahthalr barshayi'r mazai sha'nraw dai eiba Yahyar thuwaro baraw. 29Are zay wakthought forthi manush allayi Eibar ginn fuainai, thoai hazaina thulaya allayi yow “foainai” Allahthalar loai razi auai yourai, Yahyar thu park gusall loaiyai. 30Magor Pharisees all are shariyath'or Alam all aiydasai eibarthu park gusall naloai yourai, Allahthalar rustharai nizai barzai ba'rth goairjai. 31Thoai ayizabanar munsharai Aine horndoaila maisarl ditherm, are eithara horndoaila? 32Owfuwine dordoail, zaithara bazarorth boai thakiyourai akzorn orai akzornayi fuser gari horr,
Ane thorla bashi bazie laiyow
Thunwanra na-nasor,
Aine guzawri lai you
Thunwanra naw harn'daw. 33Kiyourla hoailai Yahya “park” gusall dowyai nor ruti har are nor ungor'or rosh fiyai, arero thunwanra haw eibarai haruff napark jinn ayi fieyai. 34Munshor fuwadai haa fiiya gari ireshaidai wakthought thunwanra hoaiba, daikaw, eiba howya are sha'ruff fiyaidai hazaina lowya allorr are gunnah gar manushloai dousthi ga'rai. 35Kinthu hakmorth nizor forthi fuwine dorr zoriya rustha sabath auaiyai. 36Tharfor ougua Pharisees ayi eibarai dorhurs goairjai, eibarai eitherar fuwanthi harna hieborla, thoai eiba ayi Pharisee'ir garoth zieyourai harna hieborla boaish shai. 37Daik ougua haruff myafuwa ayi town orr, eiba ayi Pharisees'eir garoth harna hieborla boairshai daiyarn zarni yourai, Bishi kimorth aresaidai anthor orr dani loai airesahi. 38Are eibar tang orr dakai handi handi fisai thiyie yourrai eibar tang sugorr fani laoi buri zargoai, are nizor mathar soul loai yourrai eibarai fusi diyai, are eibar tang orai bishi shumar diyai are ayirai anthor loai dilelai. 39Eibarai daworth dowya Pharisees'yai daiki yourrai nizor baboth'ayi huwarshuru goair'jai, zadi manush eiba Na'bi auithow, eibarai doair jaidai eiba horndaiyarn zarnithow, eiba hoain doaila mayafua kiyourlabali hoailai sorla sall haruff. 40Ayiwakthought Isayai eitharai, Simon, tharai anrthu hatha akarn hoaibor aresai, Simon ayi.
Aie Ousthard fusar gari fariba hoaiyai. 41Hawnaw oudar dowyarthu duaizorn haross orla aresai, akzorn farn's shorth dinari irr are akzorn fornjiesh dinari'r. 42Zaiwakthought eitharar hanasai fuzibor kisunie, thoai eibayai duni zorn orrai marf garidiyai, thoai eitharar buthorthu hornayi eibarai bishi ador garibow? 43Simon ayi juwarb orr mazai eibarai hoaiyai, anar bafar mazai eibayai zarai bash marf goairjai.
Are eibayai eitharai hoaiyai, thoai soaiyi fiesaila goairjos. 44Are ayi mayafuwa eibar ozu firiyour rai eibayai Simon orai hoaiyai, thoai ayi maya fuwarai daikorr? Aine thor garoth ireshi, Thuai anar tang duai borla fani nadoss, magor eibayai anar tang orrai sugor fani loai byeburie diyai, are nizor soul loai fuaishai. 45Thuai annarai shuma nadoss, ma'gor eibayai Aine ireshi latha shuru gari owzirani nizirie yourai shuma dair 46Thuai anar mathart thel na'doss, ma'gor eibayai anar tang orai anthor diyourai fusi loaiyai. 47Ayithorla Aine tharai hoair, eibar gunah dai zin baishi bash marf auai giouai, kiyourla hoailai eibayai bishi ador goairjai, magor zibarthu Thura gari gunah marf auai giouai eibayai Thura gari ador garai. 48Thoai ayi maya fuawa'rai hoaiyai, thor gunah marf auaiyai. 49Ayirai zaithara eibar fuwanthi ha'na hieborla boairshil, eitharrai eithara huwahoai garair, eiba horn gunah marf garaya? 50Ma'gor eibayai mayafuwar hoaiyai thor eiman ayi tharai barsie loaiyaidai, shanthir san'thai zar.
Šiuo metu pasirinkta:
Luke 7: trpv-rv
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
This translation of the Rohingya Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.