Luka 4
4
Satana aa tumaura Yesu
(Mat 4.1-11; Mar 1.12-13)
1Yesu wa hukire ku tunda ku Jorodani o ku na yara Mupepo Oukenu. Mupepo Oukenu wa mu twarire mu dikunguthsitu, 2oku a ka mu tumawerire shamaonga mu mayuwa o makumi ane. Ka a dire mwao mayuwa, ku hura wa fire nthzara.
3Shamaonga wa mu amberire ci: “Ngeci yowe o Mwana Nyambi, o tumine edi diwe di piruke dikende.”
4Yesu wa mu tawire ci: “Ku na ñoriwa ci: Munu tumba a yoyo ko dikende pohuma.”#Mura 8.3.
5Shamaonga wa mu thzinithsire pa mukinya no ku mu monithsa kamanana ofumu ouhe o kaye. 6Shamaonga wa mu amberire ci: “Kenge ni ku pa ouhe ou okoro no kutethzima kwao, inene na i piwa ku kwange, karo naa twethsa ku i pa yomuhe oyu ni na foto. 7Mweyo, ngeci o ni rombere, kenge ni i ku pa yoyihe.”
8Yesu wa mu tawire ci: “Ku na ñoriwa ci: O tongamene Fumu Nyambi woe karo o kwamene aye pohuma.”#Mura 6.13.
9Satana wa mu twarire ku Yerusalema no ku ka mu thzinithsa pa mutuya o Tembere. Wa mu amberire ci: “Ngeci yowe o Mwana Nyambi, o reere pashi. 10Inene ku na ñoriwa ci:
“Kenge a ku tumina tungeru twenthzi ku na ku nyunga,
11na tu kwakwere ko moko ato,
ci katere thsi kuruke thsidyato thsoe ku diwe.”#Mem 91.11-12.
12Yesu wa mu tawire ci: “Ku na ambiwa ci: ‘Katere o ereke Fumu Nyambi woe#4.12 Mura 6.16..’ ”
13Shamaonga ou a manine ku tumaura Yesu, wa mu yembukire shime apa a wanenine thsikati karo.
Yesu aa tateka ekwama yenthzi
(Mat 4.12-17; Mar 1.14-15)
14Yesu wa hukire ku Galilea o ku na yara okoro o Mupepo Oukenu. Muthzimbu keyi yenthzi wa thzire kokuhe muya mu ditunga. 15Wa rongithsire mu masinagoge o, anu wahe a mu shangarire.
Yesu aa kaniwa mu Nazareta
(Mat 13.53-58; Mar 6.1-6)
16Yesu wa thzire ku Nazareta ku diumbo dyenthzi oku a kurerire. Eci edi naa kwamanga, wengenine mu sinagoge dyo Savata. Wemanine ku vara diywi, 17a mu pire vuka thza Mukwakukethza Isaya. Wa thsikurire vuka no ku wana apa ku na ñoriwa ci:
18“Mupepo wa Fumu pa pange u di:
inene naa ni wethse
ku na honga ahepwe Muthzimbu Ouwa.
Aa ni tuma ku na honga yo kupaturiwa kowa na kupariwa,
no ku na monithsa tupuputwa,
ku na patura awa a nyandithsiwa,
19 #
Mali 25.10-12. no ku na dimukithsa yo mwaka ou thsa ku monahara thsihemo thsa Fumu.”#Isa 61.1-2.
20Wa thsikire vuka no ku thzi pa mukwakunyunga sinagoge no kwikara pashi. Anu wahe awa ekarire omo mu sinagoge a mu rupukerire. 21Yesu wa tatekire ku wa rongithsa ci: “Rero edi Diñoro di na citombora neyi a ñorire mukwakukethza Isaya mwahe o ku mu ciyuvera.”
22Wahe a tatekire ku amba yoiwa keyi yenthzi, a komokire maywi o thsihemo aa a tundire mu kanwa kenthzi, awopo a amba ci: “Ene oyu ne kadi yodiyo mwana Josefa?”
23Aye wa wa amberire ci: “Ni na dimuka ci kenge mu ni tera mutangu o ku amba ci: ‘Mukwakupanga o ciporithse othsinda!’ Eyi na tu yuvu ci shime waa i kwama ku Kapenauma o i kwame no kuno ku diumbo dyoe.”
24Wa shumunine ci: “Naa mi tongwera yoshemwa ci kwithsa Mukwakukethza o ku tamburiwa nawa mu ditunga dyenthzi. 25Yoshemwa kwekarire mafakathzi oangi mu Isiraele mu thsikati thsa Eliya mvura ou a kanine ku roka mu myaka thzihatu no maonda mutanu na thzofoci, ou kwekarire ndombo thzothzikuru mu ditunga dyodihe. 26Unone Eliya ka a tumiwire shaanga kwa munu yofoci powo mafakathzi, unone wa tumiwire ku difakathzi o ku Sarepita mu ditunga dya Sidoni. 27Karo kwekarire akwengondwe owangi mu Isiraele#2 Maf 5.1-14. mu thsikati thsa mukwakukethza Elisha, unone kwithsa shaanga yofoci oyu wa porithsiwire, shime Naamani o ku Siria.”
28Anu wahe awa ekarire mu sinagoge a anthzipire nene ou a yuvire eyo. 29A katukire no ku mu tundithsa mu mbongi no ku mu twara peuru thzo mukinya apa thza umbiwerire mbongi ci a ka mu thsindekere pashi. 30Unone aye wa wa pitire mu kaciko no ku cithzera.
Yesu aa porithsa munu o mupepo oumango
(Mar 1.21-28)
31Yesu wa urumukire ku thza ku Kapenauma, diumbo dyo mu Galilea. Wa rongithsire anu mu diyuwa dyo Savata. 32A komokire kerongithsa yenthzi, inene wa rongithsire kokoro.
33Omo mu sinagoge kwekarire munu oyu wekarire no mupepo o muthzimu, mupepo oumango. Wa kumbire ko diywi dyodikuru ci: 34“Waa fota thsine ku kwetu, Yesu wa Nazareta? Ene waa keyera ku na twipaa nji? Ni na ku dimuka yowe O Shokenu wa Nyambi!”
35Yesu wa kutururire oo mupepo oumango ci: “O tutware! O tunde koyu munu!” Mupepo oumango wa mu huwerire pashi anu o kwa na tanekera, wa tundire ku kwenthzi ko kukana ku mu kurura.
36Anu wahe a komokire, a ambire ci: “Edi diywi dyenthzi ne dya ngepi? Aa tumina mathzimu kofumu nokoro karo aa mu yuvera no ku tunda!” 37Muthzimbu keyi ya Yesu wa thzire mu ditunga dyodihe.
Yesu aa porithsa ngumwenya Simoni nanu amweya
(Mat 8.14-17; Mar 1.29-34)
38Yesu wa tundire mu sinagoge no ku kengena mu nthzio thza Simoni. Wa ka wanine ngumwenya Simoni o ku kora nene dihokoma, a mu rombire ci a mu kwathse. 39Wa thzire no ku kemana ku nyonga thzodidi apa a rarire no ku tumina dihokoma ci di tunde. Dihokoma dya mu pwire, popo wa katukire no ku tateka ku wa kwamena edya.
40Ou dya tokire diyuwa, anu wahe awa a korithsire apo mawethzi o mishovoshovo a wa retire ku kwenthzi, wa na wa porithsire ko ku kambeka moko peuru thzo munu no munu. 41Mathzimu a tundire kwanu owangi o ku a ka thza o kuerera ci: “Yowe O Mwana Nyambi!” Unone Yesu wa a kutururire karo ka a a tawethzire ku amba, inene ao po a dimukire ci yodiyo Mesiya.
Yesu aa honga mu masinagoge
(Mar 1.35-39)
42Popa dya vire diyuwa wa tundire mu diumbo no ku thza kokumengi. Anu owangi a tatekire ku mu fota. Ou a ka mu wanine, a erekire ku mwinda ci a thza kumweya. 43Unone Yesu wa wa amberire ci: “Naa roera ku thza ku ka honga Muthzimbu Ouwa o Kutumina kwa Nyambi ku maumbo amweya, inene eyo yodiyo na ni tumiwera.” 44Mweyo, wa thzire o honga mu masinagoge oahe mu Judea.
Šiuo metu pasirinkta:
Luka 4: mho
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
©2023 The Seed Company