مادتھا متّی شوقبُوئی سکور۔
متّی شوقبُوئی سکور۔
گومے عبادت خانہے لابکھان گونی، اِ شوقبُوبو حضرت عیسیٰ مسیح رسُول چوگنییسّی نانگنے چیگ، متّی ڈِیستے اینکھانبو گوا تانّگانوگ۔ متّی ٹھال نینکھان جیک اِنپین، حضرت عیسٰے توسلا کھو بنی اِسرائیلی نانّگا یودپین، کابوا حضرت عیسٰے گیابنے ڈانگستے لوبٹوک گُونی نانگنے چیگ گیور مولس۔
اِ شوقبُو حضرت عیسیٰ ٹونگستے سونتیا جانگستے ستینگنے لو 17 نی نیکھورلا ڈِیازادتے اینوگ۔ اِ شوقبُوبو متّی کھاگچان چوستے مانگچھیا یہُودی پا، تینے یہُودی پے چھوس شیسکھانّی یہُودی مانکھان گُونی پھیا ڈِیازادتے اینکھانبو سالپو ہاگوانوگ۔
متّی دودپا نی، شوقبُو سنینگپے نانّگا خُدے مسیحا، کھوم چُوک کھن تانگ گیالپو سکیودچیسّی لونگستان زادکھانبو، حضرت عیسیٰ سی کھونگرانگ اینکھان سیلکھانگونلا ہاگوچوگچیس اینوگ۔
متّی، حضرت عیسیٰ سی شیکھانگون سونتیا لانگچوگچیس، نادپاگون پھانچوگچیس، ردود جوگسکھانگون پھینگچیس تانگ، لونگتشوب چھادچوگچیسّی چھاگلاس گُون زادتے خُدے تسوگسّی وانگچھا تانگ شید یودکھانبو نگاتانگونلا ستانّانوگ۔ اِین نانگ کھونگی چھاگلاس ٹاگشوگپو میگون دِیگپے کانے تھارچُوگستے گیالکھاگجیک چوا زادچیسپو این، کاگون خُدے نیامپو نامکھے نانّگا توسگیون دوگین۔
اِ شوقبُو ستینگجوگپویکا حضرت عیسیٰ سی کھونگرانگی لوبٹوگس گونلا دُنیائی کھاگ تشانگما سونگتے میگونلا کھونگی کا ایمان چوستے کھونّگا ڈانگشیسلا چھوس شود زیرتے ستینگجوگی کلام بو سالس ۔
Šiuo metu pasirinkta:
مادتھا متّی شوقبُوئی سکور۔: LBJNT
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Ladakhi Bible by The Love Fellowship is licensed under Creative Commons Attribution-ShareAlike 4.0 License.