Luke Dinyingululu
Dinyingululu
Lik asebile Musifu. Asebile ve ganegare digumi di bayikitsi ne bayikitsi babeyi ba Sesu Kristi. Te akingenge ne Pol kime Sesu mu minyalu myandi ne ayamuna yandi mu yisalu gyandi. Lik abeteende ne mugaande wu maambu mavagenge bakime ba Sesu. Gugare mugaande wuwu, Lik abaande wunyigule manenu ne dikyengi maambu mootsu mamanyi mu Sesu. Lik ateende maambu mene mu Basifu ne maloongu mamosi, mure bakeyabe re maambu maloonzu yawu mu Sesu, bile ke ma yimwanze. Lik ayambile mbili mu dyaambu di diroonde di Sesu: Diroonde dyandi mu batu basigeme, mu bikate, mu bagyetu ne mu beenyi.
Mugaande wuteende Lik wurungulu pasu makabu tsaambu
Gugare bibuku 1-2: Lik ateende mu dyaambu di diburu di Sa Batise ne diburu di Sesu. Abeteende mu bungyebe bu Sesu ne mu Mari ne Sakari ne Simeo babagitsa Nzambi ne miimbu.
Gugare bibuku 3.1‐4.13: Lik ateende na ruge Sa Batise mubale nzile Sesu, mubatise yandi ne na maangu yandi ne Sate.
Gugare bibuku 4.14‐9.50: Lik ayambile naloonze Sesu maambu ma Nzambi nubeeluse babeetsi gu museengi wu Galilé.
Gugare bibuku 9.5‐19.28: Lik ayambile na burugu Sesu gu Galilé muyende gu Serusalem ne mu maambu maseteendu mu mine migaande ne mamosi maloonze yandi. Abeyambile naloonzenge Sesu ne banoongu tsitsi: «Mwisi Samari wumunyi, yikiti gigane buyedi ne mwaane dibagele wutsyemugu nulabene.»
Gugare bibuku 19.29‐21.38: Lik ateende maambu mavage Sesu gu Serusalem ne musamu wuloonze yandi guune.
Gugare bibuku 22‐23: Lik ateende mu maguge ne difu di Sesu ne burambugulu bwandi ne munoongu wu supugile yandi bayikitsi baandi.
Gugare yibuku 24: Lik ateende mu munoongu wumake Sesu gu yulu ve yagene yandi ne bayikitsi baandi.
Šiuo metu pasirinkta:
Luke Dinyingululu: SNQ
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES