Jean 13
13
Jesus ususa esusi makulu mabadukitsi bandi
1Ne feta Paque jikatola, Jesus amajaba yiri diweru diandi dimatola usila bisi bulongu buebubu uwenda ombu Taji. Amarondanga abamatsananga nandi na amabarondulilanga te na bamakakana.
2Yiotsu ayi Jesus na badukitsi bandi bamabila va tavula Judas muana dibaala uSimon Iscariote amarumu kala na diabu umufunda. 3Jesus amajaba yiri Taji amamuvega musuga uotsu; amajaba yiri amaruyila ombu Nsambi na amajaba yiri ogabuga ombu Nsambi. 4Banomana uji, Jesus amavula yijungi na amabonga tsanda aji amatunga mu dilungu. 5Mbana anowitila mamba mu mulumbu amabanda ususa makulu mabadukitsi na amamafienyi na tsanda eni. 6Amatola ombu Simon Pierre agumavosa nandi rie: Ndeʼ Fumu, gukasusa makulu mami?
7Jesus amamugabusila rie: Namunyi gugejabi adi nyivayi tumba gudijaba o gusu.
8Pierre amamugabusila rie: Kokolu, gugosusa makulu mami.
Jesus amamutsingula rie: Pa ngogususa makulu kabogu gugaa mudukitsi ami.
9Simon Pierre amamugabusila rie: Kabogu tsiri yika makulu buandi Fumu, meʼ uotsu.
10Jesus amamutsingularie: Agumabuila kala ana nsala yika ususa makulu tsiri jaʼ uotsu. Jenu dumaliomusu tumba tsiri botsu.
11(Amajabanga jandi ogumufunda; la dibandu amavosila rie: Tsiri jenu botsu duvu dulioma.) 12Anomana ubasusa makulu na anomueduara yijungi amagabuga va tavula na amabawivula rie: Dibandu yi nsidususila makulu? 13Jenu duindengili Mulonsi na Fumu; duivayi buranga mu mbari anana nyivu. 14Kabogu pa menu aguvu Fumu na Mulonsi nyidususi makulu, jenu wenu durungula ususasana makulu. 15Nsidulasa yibagunu yiri jenu duvaganga nana nsiduvayila. 16Nyidutsinguli rie: Dingensa musalitsi ageviolili fumu andi na yilumbi ageviolili omamusindiga. 17Kabogu dunojaba mambu meni, mavayianu yiri dulaba nsangu.
18Adi nyivosi ngevosi ombu jenu botsu; nyijabi aba nyimasola. Tumba vengu Bisonu biudugusu rie: Jandi oyiji nami omfunda. 19Ubanda namunyi nyidutsinguli dionyi yiri ava diambu diulabinina jenu dupayila yitu. 20Nyidutsinguli rie: Dingensa jandi oyidili agu nyusindiga endili na jandi oyindili edili jandi omansindiga.
Jesus amatubula yiri Judas omufunda
(Matt 26.20-25; Marc 14.17-21; Luc 22.21-23)
21Jesus anomana uvosa nana amalaba keri na amatubula rie: Dingensa nyidutsinguli rie: Umosi va gari enu omfunda.
22Badukitsi bamagengasana mu mbari bamakambulu mu dionyi. 23Mudukitsi umosi, jandi agu Jesus amarondanga amatsana bebeli nandi. 24Simon Pierre amamugebula novosa nandi rie: Muwivuli anyi? 25Mudukitsi eni amakueka ombu Jesus, amamuwivula rie: Fumu, anyi?
26Jesus amagabusila rie: La jandi agu nyuvega yibuku yibotugu.
Vana vana Jesus amabotiga yibuku na amayivega ombu Judas muana dibaala uSimon Iscariote. 27Yika yibuku yivegu, Judas amafubana murima na Satan; Jesus amamutsingula rie: Adi guvaga lensa nodivaga.
28(Tumba abamaba va tavula basamatsiyisa adi amavosa nandi. 29Judas amakelisanga mbongu la dibandu bamosi bamatasila yiri Jesus emusindiyi usumba biguji bifeta vo rie: emusindiyi uvega mbongu ombu bijaga.) 30Kabogu Judas anobonga yibuku amapala mbangu. Pisama mbe jimasunda.
Diruma digona
31Judas anopala Jesus amavosa rie: Namunyi Muana Mutu omatusu na Nsambi ododusu mu diambu diandi. 32Pa Nsambi ododusu mu diambu diandi, Nsambi omudodisa, jaʼ beni omudodisa namapapa. 33Baana bami bageyi nyikivu nenu mua temu. O gusu dutomba. Nyidutsinguli namunyi nana nyimaletsingulila baJuif rie: Jenu dugorungula utola o nyiwendi. 34Nyiduveyi diruma digona rie: Rondasananu nana nyimadurondila, kabogu jenu wenu, rondasananu. 35Anana botsu bojaba yiri duji badukitsi bami pa duirondisiningi.
Jesus ubiga ebiyi yiri Pierre omugala
(Matt 26.31-35; Marc 14.27-31; Luc 22.31-34)
36Simon Pierre amamuwivularie: Fumu agunyi guiwendi?
Jesus amagabusila rie: Namunyi ndeʼ gugomuerungula utola o nyiwendi tumba yilumbu gunduka.
37Pierre amamuwivula rie: Fumu, dibandu yi ngorungulila uguduka namapapa? Nyusinga uboku mu diambu diagu.
38Jesus amamuwivula rie: Dingensa gusinga uboku mu diambu diami? Nyigutsinguli rie: Ne koku akavosa, gukala kumba yirieru.
Šiuo metu pasirinkta:
Jean 13: PUU1992
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
La sainte Bible en langue Yipunu © Alliance Biblique du Cameroun, 1992.