Jean 10
10
Nongu jimubungulitsi ubindombu
1Guluanu nyidutsinguli rie: Dingensa jandi agugekoti o yivanga va munu ndagu tumba ekoti va diluta aji mudayitsi na yikongu. 2Tumba jandi oyikoti va munu ndagu aji mubungulitsi ubindombu. 3Mukelisi umunu ndagu emudibulili na bindombu bigulu diufi diandi. Ebinengili na miina mogu na ebipalisi o dulombili. 4Ava jandi epalisili bindombu biandi ewendi va gusu na bindombu bimuduki mu mbari bijabi diufi diandi. 5Bigoduka muenyi tumba biumurina mu mbari bigejabi diufi diandi.
6Jesus amababuayila nongu eni tumba basamajaba divindugulu.
Jesus la mubungulitsi ubindombu uboti
7Jesus amamuebatsingula rie: Dingensa menu nyivu munu ndagu bindombu. 8Botsu abamateyila baji badayitsi na bikongu tumba bindombu bisamabagulu, via! 9Menu ia munu ndagu. Pa mutu ekoti muna ogobulu; okotanga na opalanga na odilanga biguji. 10Mudayitsi edayi, eboki na ebungi; menu nyimaruga yiri batu boba na monyu aguifuningi.
11Nyiji mubungulitsi ubindombu uboti. Mubungufitsi ubindombu uboti eveyi monyu andi mu diambu dibindombu biandi. 12Tumba oyisali yika udila mbongu agugaa mubungulitsi ubindombu, esili bindombu mu mbari bigaa biandi; mbana ava elabili minsi uruga miruyi erini na mibimborumuni na mibipansi. 13Musalitsi esili bindombu mu mbari agebilabi munyongu. Menu nyiji mubungulitsi ubindombu uboti. 14Nyijabi bindombu biami na bionyi binjabi, 15nana Taji enjabili menu nyimujabi na nyiveyi monyu ami mu diambu dibindombu biami. 16Nyikivu na bindombu bisusu abigaa o yivanga yieyiyi. Nyubikotisa wandi; biugulu diufi diami na voba mugamba umosi buandi aguvu na mubungulitsi umosi.
17Taji etondi mu mbari nyikeveyi nesi te na dufu yiri o gusu nyudila monyu. 18Mutu agokoma tumba meʼ beni nyina nsala ukevega. Nyina musuga ukevega na nyina musuga udila monyu. Nyimadila musuga eni ombu Taji ami.
19Vamamueba dugabu va gari baJuif mu diambu dimambu meni. 20Bapuela va gari ogu bamavosa rie: Jandi ana yinyunyi yibi! Aji dilagu! Mu mbari yi dumugululu?
21Bamosi bamavosa rie: Mutu aguvu na yinyunyi yibi agevosi nana evosili. Mungo yinyunyi yibi orungula utiemusa bidunga?
BaJuif bamabusa Jesus
22Ava mfula, feta jidubiatsu jimalilu o Jerusalem. 23Jesus amalinganga o Ndagu Nsambi va piasu Salomon. 24BaJuif bamamutsiengila nomuwivula rie: Temu yi gutusunsila mirima? Pa ndeju guji Christ tutsinguli dionyi na buranga.
25Jesus amabagabusila rie: Nyimaledutsingula dionyi na dugedivayili yitu. Bisalu abi nyisali mu diina diTaji ami bisingisili bumbeji buami. 26Tumba dugevayili yitu mu mbari dugaa bindombu biami. 27Bindombu biami bigulu diufi diami; nyibijabi na binduki. 28Nyibiveyi monyu umutubu na bionyi bigotsiemuga na mutu agobipatula va dikaka diami. 29Taji ami omabipega aji muneni uviolila botsu na mutu agorungula ubipatula va dikaka diTaji ami. 30Jetu na Tata tuji umosi.
31Mbana baJuif bamamuebola mamanyi umutindila. 32Jesus amabatsingula rie: Nyimadulasa bisalu biboti abimaruyila ombu Tata, mu diambu dibisalu bieni jenu duitindili mamanyi? 33BaJuif bamamugabusila rie: Tsiri mu diambu dibisalu biboti tuigutindili mamanyi tumba mu diambu didisabu na mu mbari ndeʼ aguvu mutu, guivayi nderi guji Nsambi.
34Jesus amabawivula rie: Digaa disonugu mu migaga mienu rie: Nyimavosa rie: Jenu duji bansambi? 35Tuijabi yiri Bisonu bivu bingensa na muna jandi enengili jogu abamalonsu malongi maNsambi, bansambi. 36Mbe ka menu, Tata amansola na amansindiga o bulongu. Kabogu dibandu yi duivosili yiri nyisabuli Nsambi ava nyivosili rie: Nyiji Muana Nsambi? 37Pa ngesali bisalu biTata kabogu duyapayila yitu. 38Tumba pa nyibisali ne pa dugopayila yitu vayilanu bisalu yitu nojaba yiri Tata amafubana murima nami na nyimafubana murima na Tata.
39Bamamueronda umugaanga tumba amabarina.
40Jesus amamuesabuga o disimu dina diJourdain o mbura aji Jean amalebatisilanga, amayetsana guna. 41Puela batu bamawendanga ombu gandi na bamavosanga rie: Jean asamavaga ne yimaga yimosi tumba motsu ama Jean amavosa mu diambu dimutu egugu mavu mangensa.
42Va mbura eni batu bapuela bamavayila Jesus yitu.
Šiuo metu pasirinkta:
Jean 10: PUU1992
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
La sainte Bible en langue Yipunu © Alliance Biblique du Cameroun, 1992.