Kenesis 13
13
1In Ebram yĭvesah yĭmnē Ityĭpt, iyi ĭm retepon eni, momwi sū eni, ĭm Lot ūndū iyi, mō mūve devsego empak. 2Im Ebram yĭmetĭpe nōete eni tamas, ov nūrah sū ĭm sĭlver ĭm kōld. 3Miyi yĭmavan yĭmnē empak ra Betel, nūrū iyūi yĭpmetipe tent eni ĭlebōteven Betel ĭm Hēī, 4ra nūrū mori iyi yĭpmumpi nefati, iyūi Ebram yōmovrugi ra nin eni Iehōva.
5Im Lot sugkū mori yĭmpe ūndū Ebram, iyi yĭmetipe eni ōvun sĭmsĭmak sū mōvun nūrah, mōvun tent. 6Im nūrū yūi yetū faneteme worovugun‐ōra sugkū ma irora wantĭndōwi sĭmsĭmugi popōwo ugi tamas nōete en irora; mirora dūtū faneteme woretĭndōwi sĭmsĭmugi. 7Mov navles ra ōvun sĭmsĭmak sū eni Ebram meni Lot dūōil; ĭm ra nĭmpugon mori ōveteme Kēnan, mōveteme Perĭs dūmūtĭndōwi ra nūrū mori.
8Im Ebram yĭmenūwi pugi Lot memokū Etūōil irag miram, ya kum magkū aremi woretūōil iranda ov navles enyx menugkĭk, ĭt kos kūti ovalx sīteven. 9Nūrū su oti ūnĭmtum, ku? Ya kum magkū aremī kos mūtūvav?-?wokos; nagkū kĭk umagkū ugi woreve ra moor, ĭm ya kampe ra mevĭs; ĭm nagkū kĭmagkū woreve nūrū ra mevĭs ya kampe ra moor.
10Im Lot yilasah mō mokesi nūrū sū nagkx ugi Yordan, ōvun sĭlnovanū sikat ra nūrū sū iyūi sugkū sī umampe devsego Sōar, sugkū denūok eni Iehōva, ĭm sugkū nūrū Ityĭpt; ra nĭmpugon mori Iehōva yetūtĭvavtĭti Sodom ĭm Komora. 11Im Lot yĭmtampoli nĭsekon iyi nūrū sū nomolsep ra Yordan; ĭm Lot yĭmavan devsego ūnurū miroran dūrū dūtūvafw‐ōra. 12Im Ebram yĭmetĭndōwi ra nūrū Kēnan ĭm Lot yĭmetĭndōwi ran tĭmne sū nagkx ugi Yordan, miyi yĭmetĭpe tent eni potipot Sodom. 13Mōveteme Sodom dūti ōvetemĭndi mov nareki sat sū en tamas ūnĭpmi eni Iehōva.
14Im Iehōva yenūwi pugi Ebram penūri Lot yetū?-?vafwi marugi memokū, Elasah, mokesi nūrū sū empak, mempatap, 15ĭm nelekompeni; nūrū sū omwi sū mori kĭk umagesi, ya kampunok, ĭm pun ōra ov novsen enugkĭk ūvum nevi sū ĭndōwi. 16Im ya onumpi ov novsen enugkĭk sugkū navivon nemap; nagkū sī oti faneteme woresepi navivon nemap, iyi asepi irora ov novsen enugkĭk. 17Etūok, mamtĭn‐navan ra mumpon nūrū sū iyūi, ĭt ya kampunok sū mori. 18Im Ebram yitasi tent eni moĭmpe woretĭndōwi ra nūrū Mamre ra Hebron; miyi yōmumpi yūi sī nefati iran Iehōva.
Šiuo metu pasirinkta:
Kenesis 13: ERGOT
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Published by the British and Foreign Bible Society: Genesis in 1914, and Ruth in 1932.