मर्कूस कीताबौ परीचय
कीताबौ परीचय
इसे सेछ समाचार मर्कूसै इट डेयार सुरु जाट्नने- “परमेश्वरौ मीजा येशू ख्रीष्टौ बारेयाङ सेछ समाचार” इला येशूओ काम र अधिकारौ बारेयाङ रीक्ङने। होसको अढीकार डुप्च ब्यक्टी हो डेच कुरा होसकै भूतको छ्युक्नाङ, भर्मीकुङ पापको क्षमा जाट्नाङ होसकै शिक्षा यान्हाङ होसकौ कामको लकीङ डाङ्ले। येशूये भर्मीकोलाक पापलकीङ जीवाक्की लहो प्राण समेट याखी राछ “भर्मीयो मीजा” हो डेमने।
इला मर्कुसै येशूओ अर्ती र शिक्षाकी डेनाङ होसकै जाटार टान्हाक्च कामकी जोड याहार रीक्ङने। बप्तिस्मा याछ युहन्ना, येशूओ बप्तिस्मा र होसकुङ परिक्षाओ बारेयाङ टुन्छ परीचय याछ बीट्टीकै मर्कूसै येशूये जाट्च चङ्गाइ र शिक्षा याछ सेवो बारेयाङ बयान जाट्ले। येशूये लहो सेवाकाइ जाट्चै नुङ्नाङ होसकुङ चेलाकै होसकोकी झन सेम्हजा बुझडीस्की ठाल्ले टर होसकुङ विरोधीकै चहीँ होसकोखाटा झन दुष्मनी बट्डीले। इसे कीताबौ अन्टीमाङ येशूओ जीवनौ न्हुङ्लकुङ हप्ता, खास जाट्न होसको क्रुसाङ सीच र फेरी जीवाम सोच बारेयाङ रीक्ङने।
विषय-सुची
सेछ समाचारौ ठालनी १:१-१३
येशूये गालीलाङ जाट्च काम १:१४–९:५०
गालील लकीङ यरुशलेम सम्म १०:१-५२
यरुशलेमाङ बीटडीस्च अन्टीम हप्टा ११:१–१५:४७
येशू सीच लकीङ जीवाम सोच १६:१-८
प्रभुकी डाङ्च होटै स्वर्गाङ नुङ्च १६:९-२०
Šiuo metu pasirinkta:
मर्कूस कीताबौ परीचय: EMGP
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© 2024 (Active), Wycliffe Bible Translators, Inc. All rights reserved.