San Mateo 1
1
I. KAJ CH'IJI A JESÚS
(1.1—2.23)
U nukio' a Jesucristo
(Lc. 3.23-38)
1A je' lʌji' u k'abo' u ka nuki a Jesucristo a lʌji' u ka nuki a David y a Abraham.
2A Abraham lʌji' u ti'a a Isaac, a Isaac lʌji' u ti'a a Jacob, a Jacob lʌji' u ti'a a Juda y yete u xi'ra u bojo' a Juda. 3A Juda lʌji' u lak' a Tamar y ti'ano' y u k'aba' Fares y Zara. A Fares lʌji' u ti'a a Esrom, a Esrom lʌji' u ti'a a Aram. 4A Aram lʌji' u ti'a a Aminadab, a Aminadab lʌji' u ti'a a Naasón y a Naasón lʌji' u ti'a a Salmón. 5A Salmón lʌji' u ti'a a Booz y u nʌ' lʌji' a Rahab, a Booz lʌji' u ti'a a Obed y u nʌ' lʌji' a Rut y a Obed lʌji' u ti'a a Isaí. 6A Isaí lʌji' u ti'a a David u t'oji wes.
Y a David u t'oji wes lʌji' u ti'a a Salomón a lʌji' u nʌ' a u lak' ka'chik a Urías. 7A Salomón lʌji' u ti'a a Roboam, a Roboam lʌji' u ti'a a Abías y a Abías lʌji' u ti'a a Asá. 8A Asá lʌji' u ti'a a Josafat, a Josafat lʌji' u ti'a a Joram, a Joram lʌji' u ti'a Uzías. 9A Uzías lʌji' u ti'a a Jotam, a Jotam lʌji' u ti'a a Acaz, a Acaz lʌji' u ti'a Ezequías. 10A Ezequías lʌji' u ti'a Manasés, a Manasés lʌji' u ti'a a Amón, a Amón lʌji' u ti'a a Josías. 11A Josías lʌji' u ti'a a Jeconías y a yʌno' u xi'ra u bojo', a lʌji' u k'ini tio' kaj chuka' u winki Israel ij bisa' ix Babilonia.
12Pachi kaj bisa' u winki a Israel ix Babilonia, a Jeconías lʌji' u ti'a a Salatiel y a Salatiel lʌji' u ti'a a Zorobabel. 13A Zorobabel lʌji' u ti'a a Abiud, a Abiud lʌji' u ti'a a Eliaquim, a Eliaquim lʌji' u ti'a a Azor. 14A Azor lʌji' u tia' a Sadoc, a Sadoc lʌji' u ti'a a Aquim, a Aquim lʌji' u ti'a a Eliud. 15A Eliud lʌji' u ti'a a Eleazar, a Eleazar lʌji' u ti'a a Matán, a Matán lʌji' u ti'a a Jacob; 16A Jacob lʌji' u ti'a a José u lak' a María, a to'o lʌji' u nʌ' a Jesús a ku ya'bati' u k'aba' Cristo.
17Toj lik' u yaj chuni a tiʌ a Abraham hasta to' a David tu woro mʌni catorce u yʌj chuni winik jay k'axʌ' u yaxk'ini jujuntu jujuntu y tuk'in kuxʌ' a David hasta kaj chuka' u winki Israel ij bisa' ix Babilonia mʌni u jer catorce u yʌj chuni winik y u jer catorce u yʌj chuni winik mʌni tuk'in kaj chuka u winki Israel hasta kaj siji a Jesús.
Kaj locha' Jesús ten u nʌ'
18A Jesús bex kaj siji: K'atʌ' u k'ʌ' a María tea José, tuk'in mo' tey u yʌj much'e u bʌjo', a María p'atij mo' uts'k'inti' yete u muk' u Pixʌn K'uj. 19A José u lak' a María a ti' tsoy u tuku y ku jach uik' u t'ʌn K'uj, muj nʌj a'a tu pimai ti' muj ya'ba ti' ba' a María, ben toj jai' tu tukra u bʌj u p'ʌtik mukra'bi. 20Y bex tu tukra u bʌj u metik y lʌji' kaj u yira ix u weak' junturi' u ángel ak Ts'uri y bex a'bti': «José u ka' ti'a David, ma' tukrik a bʌj tuka bin a ch'eik a María, u cho ti'a lʌji' yete u muk' pixʌn K'uj tu ts'a u p'ata mo' uts'k'inti'. 21Y ku bij siji u ti'a, cho xi'ra y ka bin a tʌk'e u k'aba' Jesús, lʌji' ku bin u take a winik ti' mu' bo'tik u si'po'.»
22Tu woro a je' a ba' mʌni tiu nup'u a tu ya'a ak Ts'uri tia profeta, ka tu ya'a:
23«Junturi' ch'upra a mo' nʌj wenek yete xi'ra ku bij yʌntʌ u ti'a
y cho xi'ra ku bij siji,
y ku bin u tʌk'e u k'aba' Emanuel»
(u nu'ku ku yei'k lʌji': «K'uj tiʌ yete to'»).
24Y kaj aji a José, tu meta a bex a'bti' ten u ángel ak Ts'uri y tu ch'a a María ti' u waysik u lak'. 25Chen mo' naj weni yete hasta kaj siji u cho ti'a y tu tʌk'a u k'aba' Jesús.
Šiuo metu pasirinkta:
San Mateo 1: PLacNaha
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Sociedad Biblica de México AC