ZABUR 2
2
Raje piléqan ALLAH
1 #
Kis. 4:25-26
Kembéq bangse-bangse miaq keributan
dait suku-suku bangse ngerencaneang saq sie-sie?
2Raje-raje dunie besiep-siep
dait pare penguase bemupakat ngelawan ALLAH dait ngelawan raje saq Ie piléq.
3Penguase-penguase nike bebase,
“Silaq ite ancurang kekuasean ie pade
dait ngerebut kemerdékeante!”
4Léman tahte-Ne léq sorge Junjungan Saq Mulie réréq
dait ngoloq-oloq rencane ie pade.
5Semprak-Ne ie pade siq murke,
dait tetinjotang siq murke-Ne.
6Manik-Ne, “Léq Sion, bukit Tiang saq suci
sampun Tiang sahang raje piléqan Tiang.”
7 #
Kis. 13:33; Ibr. 1:5, 5:5 Basen raje, “Tiang mélé ngumumang
napi saq sampun tetetepang siq ALLAH.
Manik-Ne léq tiang, ‘Side bije saq asalne léman Tiang,
léq jelo niki Tiang sampun jari Bapa side.
8Pade tunas, make selapuq bangse Tiang béng tipaq side,
dait seantéro gumi Tiang jariang dowénde.
9 #
Why. 2:26-27, 12:5, 19:15 Ie pade gen side polakang siq gegade besi
dait side belaqang maraq keméq.’ ”
10Jari pade perhatiang, hai raje-raje,
pade inget hai penguase-penguase dunie!
11Pade ibadah tipaq ALLAH siq rase takut,
12sujut léq arepan-Ne siq ngijik,
ndaq jangke ALLAH jari murke
dait side langsung tebinaseang,
séngaq murke-Ne selung-selung nyale.
Bahagie dengan
saq berlindung léq ALLAH !
Šiuo metu pasirinkta:
ZABUR 2: LAISAS
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės