LUKAS 3
3
Sisikon i Yohanes anu Mompalamandikan
(Mat. 3:1-12, Mrk. 1:1-8, Yoh. 1:19-28)
1I Taun sampulu'mo ka' olima' ko na i Tomundo Tiberius nompalentah, i Pontius Pilatus tinimbalimo gubernur i Yudea, ka' i Herodes nompalentahmo i Galilea. I Filipus, utus i Herodes nompalentahmo i da'erah Iturea tiba Trakhonitis, sadang i Lisanias nompalentahmo i Abilene. 2Anu nontoongi to ima-imam daka' aitumo, i Hanas ka' i Kayafas. I Taun aijo'mo na Tumpu notatae hi Yohanes, anak i Zakharia i padang bone'. 3Saba' i Yohanes namba noyaya i songko-songko na tampat nu Kaunyo Yordan, ka' nompotoka lele lengkat mae hi Tumpu. Noloboo' na i Yohanes, “Balatobatmo na komiu bolimo komiu mombau dosa', ka' komiu tionyo opalamandikan, da Tumpu mongampuni komiu.” 4#Yes. 40:3-5 Aijo' pokakana anu tinulis i uno nu Kitab Nabi Yesaya:
“Daagi' ko mian anu molo-moloboo' i padang bone',
‘Posadia na jalan nu Tumpu,
pohata na kajalanan-Nyo.
5Iya na anu ma'oa' o tabuhi,
iya na bungkutnyo ka' puge'nyo opohata.
Jalan anu minggeo-geo', tionyo opohodi',
ka' jalan anu milebo-lebok opohata.
6Songko-songko na mian i dunia montoaje
Tumpu momposalamat mian!’ ”
7 #
Mat. 12:34, 23:33 Manjoo' na mian toka hi Yohanes, da o palamandikan. I Yohanes notatae hi aha, “Komiu mian ma'idek! Ihe na nontaloakon komiu madi' mohumpak hukuman lengkat hi Tumpu anu toka mae? 8#Yoh. 8:33 Potoa'i kalakuanum, de komiu binala tobatmo, madi'mo mombau dosa-dosa' miu! Boli montampu'uni motatae, tukoo miu i Abraham aijo' mompolee' miu! Inau': Te batu pe'e aiya, Tumpu moko ala mombau lee' i Abraham! 9#Mat. 7:19 Bobolo' sinadiamo pontaa' kau' toka i baka-bakatnyo. Batu-batu anu madi' mimbua' ma'ima' o taa' ka' o alin i uno nu apu.”
10“Jadi, apaa na anu tionyo obau mami?” pinokilawa nu to mia-mian hi Yohanes.
11I Yohanes nontaami, “Mian anu ko baju' ohua', tionyo mombee'i sa'angu' hi mian anu madi' ko baju'; ka' anu daagi' ko kaanon tionyo mombagi.”
12 #
Luk. 7:29
Anu saja' montage hasin tinoka suele hi Yohanes da o palamandikan. Aha nompokilawa, “Tuumangku Gulu', apaa na anu tionyo obau mami?” 13I Yohanes nontaami, “Boli montage hasin molingkuduimo apaa na anu pinoko tantukanmo.”
14Daagi' mule' ko' suludadu anu nompokilawa, “Mosia na kami? Apaa na tionyo obau mami?”
I Yohanes nontaami, “Boli mompagala mongala mau mule' pa' hi he, ka' boli mongagoi doi, pula-pula mompisala'i anu madi' totu'u. Sukupmo na gajium!”
15Tempo'nyo aitu to mia-mian montampu'unimo mompoki-pokilawa, pa' i Yohanes Tomundo anu Momposalamat, anu nunu tanda'i nu aha. 16Mokonyo aijo', i Yohanes notatae hi aha iwi-iwi', “Aku mompalamandikan komiu nu uee, panyo tokajemae na mian anu lebe daka' molingkudui aku. Mombukai segot nu sapatu-Nyo pe'e, aku madi' pantas. Nupalamandikanje na komiu nu Roh nu Tumpu ka' apu. 17I lima-Nyo ko kiapan bau pontapii ingko-ingkot na gandum sampe belesi'. Gandum Nu posa'angu' i uno nu alang, panyo iwi-iwi' na ota'nyo Nu papui i uno nu apu anu madi' ko kapateannyo!”
18Sumo aiya na i Yohanes nompokinde'i to mia-mian tiba ngangahan nu jalan, tempo'nyo ia nompolele Lele Ma'ima'. 19#Mat. 14:3-4, Mrk. 6:17-18 Panyo i Herodes anu mongkuasai Galilea pinokinde'an i Yohanes mongkona po'osoan-Nyo tiba i Herodias bengkele' nu utusnyo, ka' mongkona iwi-iwi' na kalakuan ma'idek sangga'at anu binaunyomo. 20Panyo i Herodes ola ahi' nompaka bau ka'idekannyo ka' nomposoop i Yohanes i uno nu talungku'.
I Yesus pinalamandikan
(Mat. 3:13-17, Mrk. 1:9-11)
21Salatan iwi-iwi' na mian aijo' pinalamandikanmo, i Yesus suele pinalamandikanmo. Ka' hau-haunyo Ia binalado'a langit tinabuka'mo, 22#Kej. 22:2, Mzm. 2:7, Yes. 42:1, Mat. 3:17, Mrk. 1:11, Luk. 9:35 ka' Roh nu Tumpu nintau'mo i buan-Nyo sumo tomonsi' malapati'. Lantas i hongo na potatae nu Tumpu nontaloakon, “Beleyum na Anak-Ku, anu Kuku kalibosi. Beleyum momposanang kinyonyoang-Ku.”
Daputan nu mompolee' i Yesus
(Mat. 1:1-17)
23Tempo'nyo i Yesus nontampu'unimo pakalaja'annyo, umunnyo kila-kila tolumpulu'mo na taun. Koonyo nu pikilan nu mian, Ia anak i Yusuf, anak i Eli, 24anak i Matat, anak i Lewi, anak i Malkhi, anak i Yanai, anak i Yusuf, 25anak i Matica, anak i Amos, anak i Nahum, anak i Hesli, anak i Nagai, 26anak i Maat, anak i Matica, anak i Simei, anak i Yosekh, anak i Yoda, 27anak i Yohanan, anak i Resa, anak i Zerubabel, anak i Sealtiel, anak i Neri, 28anak i Malkhi, anak i Adi, anak i Kosam, anak i Elmadam, anak i Er, 29anak i Yesua, anak i Eliezer, anak i Yorim, anak i Matat, anak i Lewi, 30anak i Simeon, anak i Yehuda, anak i Yusuf, anak i Yonam, anak i Elyakim, 31anak i Melea, anak i Mina, anak i Matata, anak i Natan, anak i Daud, 32anak i Isai, anak i Obed, anak i Boas, anak i Salmon, anak i Nahason, 33anak i Aminadab, anak i Admin, anak i Arni, anak i Hezron, anak i Peres, anak i Yehuda, 34anak i Yakub, anak i Ishak, anak i Abraham, anak i Terah, anak i Nahor, 35anak i Serug, anak i Rehu, anak i Peleg, anak i Eber, anak i Salmon, 36anak i Kenan, anak i Arpakhsad, anak i Sem, anak i Nuh, anak i Lamekh, 37anak i Metusalah, anak i Henokh, anak i Yared, anak i Mahalaleel, anak i Kenan, 38anak i Enos, anak i Set, anak i Adam, anak nu Tumpu.
Šiuo metu pasirinkta:
LUKAS 3: LAILOE
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės