MATIUS 17
17
Ruma Isa d̄ikad̄ese ra kantasa
(Mrk. 9:28-36, Luk. 9:28-36)
1 #
2Ptr. 1:17-18
Ininai sawa'u b̄a ede Ruma Isa wa'ana la Petrus lab̄o la Yakub ro cinana la Yahya, lao pesona weki d̄i sab̄ua doro ma d̄ese. 2D̄itando siad̄oho, Ruma Isa lai pahuna: Pahu-Na ndad̄i taroa b̄une liro ro kani ra lombo-Na lanta kancilo. 3Sawa'u b̄a ede tolu dou mab̄atuna ede edana la Musa ro la Elia manuntu lab̄o Ruma Isa. 4Edempara la Petrus nggahina d̄i Ruma Isa, ”Ruma, nawancuku caruna ndai ta ake. Nggara ca'usi Ita Ruma, la mada d̄imatu'una tolu mbua kema ta ake: sab̄ua d̄i ru'u Ita Ruma, sab̄ua d̄i ru'u la Musa, ro sab̄ua wali d̄i ru'u la Elia.”
5 #
Kej. 22:2, Ul. 18:15, Mzm. 2:7, Yes. 42:1, Mat. 3:17, 12:18, Mrk. 1:11, Luk. 3:22 Wunga la Petrus mbuipu nuntuna, apu ma taroa poda mab̄onto siad̄oho, d̄i ade apu ede ringa eli ma nggahi, ”Akera Ana-Ku rameci-Ku. Sia makasana wea ade-Ku. Ringa ra kade'epu d̄i Sia!”
6Wakatu ringana eli ede anamori-anamori Ruma Isa, nawancuku dahuna sampe siad̄oho suncuna awa dana. 7Pala mai Ruma Isa tuduna siad̄oho. ”Tu'ura,” nggahi-Na, ”aina dahu!” 8Wunga ntanda b̄a siad̄oho, watid̄u edana cou-cou, selasi Ruma Isa mpoampa.
9Wakatu londo siad̄oho rad̄i doro ede, Ruma Isa ngoa ra kawarana siad̄oho, ”Aina ngoamu d̄i cou-cou au ra'eda b̄a nggomid̄oho akande, sawatipu Ana Manusia d̄ikamori mbali rad̄i madena.”
10 #
Mal. 4:5
Anamori-anamori Ruma Isa sod̄ina Sia, ”B̄ab̄auku guru-guru agama nggahina b̄a one Elia pab̄ua d̄imamai ulu?”
11Cambe b̄a Ruma Isa, ”Poda Elia maina ro sia d̄imakanggorina samenana lampa rawi. 12#Mat. 11:14 Pala Nahu manggahi d̄i nggomid̄oho, Elia wa'ura maina, pala dou-dou wati wara mapata sia; karawi d̄i Elia b̄era ne'e siad̄oho. Ro ndede rauku siad̄oho karawina d̄i Ana Manusia.”
13Edempara samenana anamori-Na loana ka'ao b̄a one Ruma Isa nuntuna mab̄oha la Yahya Mataki kandeu karaso dou.
Ruma Isa katahona ana dou to'i ralu'ukai b̄a roh seta
(Mrk. 9:14-29, Luk. 9:37-43a)
14Wakatu Ruma Isa ro tolu dou anamori-Na mai mbali d̄i dou mamboto ede, mai sab̄ua dou mone, sujuna d̄itando Ruma Isa, 15ro nggahina, ”Pa, takasi to'ikaipu adeta d̄i ana la mada. Sia nasupu finca jara. Naronggasi finca jarana nawancuku ipina ndad̄ina ntuwura mab̄una d̄i ade afi ro ntuwu d̄i ade oi rau. 16Wa'ura wa'a b̄a mada d̄i anamori Ita, pala siad̄oho wati loana kataho sia.”
17Cambe b̄a Ruma Isa, ”Heba poda nggomid̄oho ake! Nggomid̄oho poda dou-dou ma wati karawi rakaukai b̄a Nahu ro wati imbimu. Sampe b̄une aiku Nahu pab̄uaku ngge'e sama lab̄o nggomid̄oho ro sabakai d̄i nggomid̄oho? Wa'a ca'arapu ana dou to'i ede!” 18Edempara Ruma Isa kauna losa roh seta ma wara d̄ei ana dou to'i ede. Ro roh seta ede losana, edempara ana dou to'i ede tahona wakatu ede wa'u.
19Sawa'u b̄a ede anamori-anamori Ruma Isa mai kalaina d̄i Sia ro sod̄ina d̄i Sia, ”Pa, b̄ab̄auku madad̄oho d̄idaloakaimu b̄aka kalosa roh seta ede?”
20 #
Mat. 21:21, Mrk. 11:23, 1Kor. 13:2 Cambe b̄a Ruma Isa, ”B̄ara nggomid̄oho kura imbimu. Kawarapu! Nggara nggomid̄oho mantausi imbi b̄une na'e isi sawi, nggomid̄oho maloaku nggahi d̄i doro to'i ake, ’Lao pesopu wekimu ta aka!’ pasti doro to'i ede d̄imalao peso weki. Wati wara d̄idaloa karawi b̄a nggomid̄oho! [21Pala roh seta b̄une ake, cuma loamu b̄aka kalosa kai do'a ra puasampa!]”
Ruma Isa nuntu ra nggahi walina mab̄oha made-Na
(Mrk. 9:30-32, Luk. 9:43b-45)
22Wakatu anamori-anamori Ruma Isa kab̄orona weki d̄i Galilea, Ruma Isa nggahina d̄i siad̄oho, ”Watid̄u ntoi walina, Ana Manusia d̄i d̄onggo d̄i kuasa manusia. 23Sia d̄i hade, pala d̄i ainaina katolukaina Sia d̄ikamori mbali.”
Edempara anamorid̄oho-Na ndad̄i ncoki poda adena.
Cola bea Bait Allah
24 #
Kel. 30:13, 38:26 Wakatu Ruma Isa ro anamorid̄oho-Na ronggana d̄i Kapernaum, dou-dou mataki tagi bea Bait Allah maina d̄i la Petrus ro sod̄ina, ”Guru nggomi colana bea Bait Allah atao wati?”
25Cambe b̄a la Petrus, ”Cola!”
Wakatu dula la Petrus, rojo ulu b̄a Ruma Isa sia, ”Simon, b̄une kananu b̄a nggomi? Couku d̄imapab̄ua colana bea atao kalasi d̄i sangaji-sangaji dunia ake? Ela ra douna atao dou lai rasa?”
26”Dou lai rasa,” cambe b̄a la Petrus.
”Nggara ndedesi,” nggahi Ruma Isa, ”Ela ra douna wati paraluna cola. 27Pala ndaita aina ka'iha wea ade doud̄oho ede. Ndad̄i, laora nggawi aka ndano. Wehapu uta masarambakai rakamu. D̄i ade asa uta ede nggomi ma'edaku piti ma ncihi d̄icolakai bea ndai d̄ua. Wehapu piti ede ro colapu d̄i siad̄oho bea ndai ru'u Bait Allah.”
Šiuo metu pasirinkta:
MATIUS 17: LAIBHP
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės