Wrúfè 1
1
Ɛ̀límílɛ̀ wãã̀ e píékee mɛ̀nù wò lò Móà sɛ̀ gɥ́
1Lɛ̀ é kǝ̀ kwɛ̀i kǝ̀ kíŋ yaá kǝ kũ̀ Ézrɛ̀ sɛ̀ gɥ́, kǝ mɛ tàkòzǝ-mɛ̀nù wò tũ̀ líésɥ̀ Ézrɛ̀ sɛ̀ káɛ, dĩ gbéè è dà sɛ́ ɓɛ gɥ́. Àmɔ̃́ɔ̃̀wɔ̃̀ã̀ɛ̃̀, gɔ̃ɔ̃̀ do é go Bɛ́fléhɛ́n pɵɵ, Zúdà sɛ̀ gɥ́ɛ wãã̀ à bɔú é kpàa à gbɵnù pèètɛ ɓàɛ̀ wò wrùù wó lo Móà sɛ̀ gɥ́ ɓɵ̀pǝ̀ mɛɛ̀sɥ̀a. 2Gɔ̃ɔ̃̀ ɓɛ wà lɛ̀ Ɛ̀límílɛ̀, wóà bɔú lɛ̀ Nìómà, é à gbɵnù pèètɛ ɓɛɛ wó wo lɛ̀ Málɔ̀n wãã̀ Kɛ́lɔ̀n. È kǝ̀ Ífrà mi ká, wó kǝ̀ yàɥ̀ká Bɛ́fléhɛ́n pɵɵ, Zúdà sɛ̀ gɥ́. Wò wrùù wó lo Móà sɛ̀ gɥ́ wó yà má. 3Kǝǝ lɛ̀ wó kǝ̀ máɛ Ɛ̀límílɛ̀ é kǝ̀ Nìómà gɔ̃̀ káɛ, è gà, é nǝ́gɔ̃ɔ̃̀nù pèètɛ ɓɛ wãã̀ wo le Nìómà wó to. 4Wò Móà sɛ̀ gɥ́ nǝ́lonzǝ̀ pèètɛ wóo tɔ́ lɛ̀ Ɔ́pà wãã̀ Wrúfèɛ̀ sɥ̀ leká. Lɛ̀ kwɛ̀ gɔ́ɔ̀do yà zieɛ, 5Málɔ̀n wãã̀ kɛ́lɔ̀n dèe wó ga pɵ́, é Nìómà è to e sróóká, à gɔ̃̀ wãã̀ à gbɵnù waà lɵ̀ gbɔɔ.
Nìómà wãã̀ Wrúfè wò nù Bɛ́fléhɛ́n pɵɵ
6Lɛ̀ Nìómà yà tó Móà sɛ̀ gɥ́ yàà ma nɛ̀ɛ̀ Yàwɛ yà lúàkpɔ́ yaa mɛnù ɓà ɓɵ̀pǝ̀ káɛ, kǝ wãã̀ à gbɵnù bɔúnù pèètɛ ɓɛ wòo dèpǝ̀kǝlà wɔ̃̀ɔ̃̀ gó Móà sɛ̀ gɥ́ wɔ̃̀ɔ̃̀ ló wo plɵ̀ɵ̀. 7Lɵɛ kǝ wãã̀ à gbɵnù bɔúnù pèètɛ wó ɓɛ wò yeà zɛ̃ã wò lóà Zúdà sɛ̀ gɥ́, kǝǝ lɛ̀ wó kǝ̀ lólɛ̀àɛ̀, 8Nìómà yà pɵ̀ wo lǝ̀, “Ka yíɛ́ ka zɥ́ káló ka le nù píé kee. Gó Yàwɛ è grúsǝ̀ kǝ kaá nɛ̀zɛ̃ã ká grúsǝ̀ kǝ̀a mɛ wà gaɛ wo ká, é ká kǝ̀a n ká pɵ́ɛ lɵ́. 9Gó Yàwɛ è wéàɓà ka do do kã́ã̀ ka fùàlɛ̀ ye ka gɔ̃̀ gbɛnù píé.”
Lɛ̀kɔ̀ɔɛ é wo bɛ̃̀mɥ, é wóo wò sɥlúú wó gbɵbɔ gbéèká. 10Lɛ̀kɔ̀ɔɛ wô pɵ à lǝ̀, “Éèɓoò, yi lò to ɥ píé é kwá yìɛ̀ kwa zɥ́ kwá lo ɥ mɛ̀nù píé.”
11Kǝǝ Nìómà yà pɵ̀ wo lǝ̀, “Kà yíɛ́ ka zɥ́ n lú nù, mǝkǝ̀ ká lo to m píé kwã́ã̀ lóe? Nǝ́ gɔ̃ɔ̃̀zǝ̀nù wò tũ̀ n zòɔ píé ã́ã̀ wo kpɔ́ wɔ̃̀ɔ̃̀ kɔ̀ kǝsɥ̀à ka gɔ̃̀nù káa? 12Kà yíɛ́ ka zɥ́ ká ló, n lúnù, ɓií má kǝ klɵ̀, n káló gɔ̃ɔ̃̀ gbɛ sɥ́ gbɔ̀. Kɵ́dèe kɛ̃̀ɛ̃̀ a n zòtà nɛ̀ɛ̀ zòtǝ̃̀ã̀lǝ̀ wɔ̃̀ è lɵ̀ kǝ ã́ã̀ gɔ̃ɔ̃̀ gbɛ sɥ̀ gbeingɥ́à ã́ã̀ nǝ́gɔ̃ɔ̃̀nù kpɔɛ, 13kalò dɔ waa yi gɔ̀ nyɛ̀ɛ̀ toápɵ́ wɔ̃̀ɔ̃̀ kpɛà wɔ̃̀ɔ̃̀ kǝ gɔ̃ɔ̃̀nù káa? Ka mɔ̀à kã́ã̀ dɔ waa yi gɔ̀ é kaáló gɔ̃ɔ̃̀ gbɛɛ sɥà? Éèɓoò, n lúnù, ɓií è glɥ́ɥ́zǝ̀ dùò m ɓà, é tɔɔ Yàwɛ yà liɛ̀ n gɔ̀, é n dàsɥ̀ lɵ́ mɥ̀ ka yéngɥ́ duo.”
14Lɛ̀kɔ̀ɔɛ wó ye gbɵ bɔsɥ̀à zɥ́. Lɛ̀kɔ̀ɔɛ Ɔ́pà èye gɔ̃̀ le bɛ̃̀mɥ lɛ̀apíé dààlǝ̀sɥ̀ ká, kǝǝ Wrúfè zǝ̀ è krù à ɓà dã́dã́lɵ. 15Lɵɛ Nìómàà pɵ Wrúfè lǝ̀, “Lɛ̀gà zɵ, ɥ mà gà é yaa lóɓoà e mɛ̀nù píé ĩ́ĩ́ yaa aaɓinù píé ɓǝ. Ƃò yíɛ́ ɥ zɥ́ ká ló kaá pɵɵ.”
16Kǝǝ Wrúfè è wè é pɵ, “Kɵ́kǝ̀ ɥ́ pɵ n lǝ̀ á gó ɥ zɥ̀ á ló ĩ́ĩ́ á n tà ye ɥ ɓà á ló. Lɛ̀ ɥ́ lo loàɛ̀ a lò loà, lɛ̀ ɥ́ lo kǝàɛ̀ a lò kǝà, ɥ mɛ̀nù wò lò kǝ m mɛ̀nù ká, é ɓa Aaɓi è kǝ̀ ma Aaɓi ká. 17Lɛ̀ ɥ́ lo ga àɓàɛ̀ a lò gaà ɓà, é lɛ̀ ɓɛ wó m bĩ̀ àɓà. Gó Yàwɛ è wɔ̃́ ɓo n kwíí gbéè ká dèèdè, àyé pǝ gbɛ é yaà ga káɛ yà ko kã́ kóàɛ̀ ká.”
18Lɛ̀ Nìómà yàà yeá nɛ̀ɛ̀ wo ló wɔ̃̀ è gà à gɥ́ɛ, é bo wélɛ̀à à píé.
19Lɛ̀kɔ̀ɔɛ lonnù pèètɛ ɓɛɛ wó tà é toá pɵ́ wó dàa Bɛ́fléhɛ́n pɵɵ. Lɛ wà dà pɵɵɛ, pɵ kpɔ̀n ɓɛ è vĩ̀ gbã̀lɵ wó nu wo gàlɛ̀à, é lonnù ɓɛɛ wo têtũ waà pɵ̀, “Kɛ́à ka pɵ̀ Nìómà dè é nɛ̀à?”
20Kǝǝ yà pɵ̀ wo lǝ̀, “Kɵ́kǝ̀ ká n lɛ̀ Nìómà gbɔɔ, kà n lɛ̀ Márà#1.20: Nìómà wãã̀ Márà: Híbrúù wò gɥ́ɛ Nìómà gɥ́ é tɔɔ “Nɛ́ɛ́nɛ̀”, é Márà zɥ́ lɵ́ tɔɔ “Glɥ́ɥ́zǝ̀.” ɓií Aaɓi é à píí lɵ́ gbéèɛ̀ yà kǝ̀ɥsɥ̀ kǝ m ɓà glɥ́ɥ́zǝ̀ dùò. 21A gò zɵ n kwɛ paɥ̀zǝ̀a, kǝǝ Yàwɛ è nù n ká n kwɛ fèèzǝ̀a. Mǝ̀ ká loà mɔ̃́ɔ̃̀ n tɔ́ lɛ̀ ɓo Nìómà é Yàwɛ é Píígbéèmɛ̀ káɛ yà za wrò n tuo yà nu wɔ̃́ líézǝ̀ ká n làɛ̀ káɛ?”
22Zɛ̃ã ɓɛɛ é Nìómà è goá Móà sɛ̀ gɥ́ wãã̀ Wrúfè é kǝ̀ Móà sɛ̀ gɥ́ nǝ́lezǝ̀ ká, é kǝ̀ à gbɵ bɔú káɛ ká, wó dà Bɛ́fléhɛ́n pɵɵ, bálè kã́sɥ̀ zɥ dɔ yì ká.
Šiuo metu pasirinkta:
Wrúfè 1: DHB
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės