Maitiú 3
3
Caibidil III
Seanmóireacht Eoin: baisteann sé Críost.
1Acht ins na laethe sin tháinic Eoin Baiste ag seanmóireacht i bhfásach Iudaia,
2Agus ag rádh: Déanaigidh aithrighe#3, 2 Déanaigidh aithrighe. Poenitentiam agite (Gr. Metanoeite). Do réir na Scrioptúirí agus na n-Aithreach Naomhtha, cialluigheann an focal sin ní amháin aithrighe agus leasughadh beatha, acht pionós mar throscadh agus a leithéidí eile de cholann-smacht mar shásamh ins na peacaidhe a rinneadh.;#Marc. 1, 4; Lúc. 3, 3. óir tá ríoghacht na bhflaitheas druidthe linn.
3Óir is é seo an té ar labhradh air tré Isaias, fáidh, a dubhairt: Guth duine ag glaodhach san fhásach:#Isaias 40, 3; Marc. 1, 3; Lúc. 3, 4. Ullmhuighigidh slighe an Tighearna; déanaigidh díreach a chasáin.
4Bhí culaith de fhionnadh camall ar Eoin é féin, agus crios leathair fá n-a choim; agus ba lócuistí agus mil fhiadhain a bhiadh.
5An uair sin théigheadh Ierusalem, agus Iudaia go h-uile, agus an ceanntar go h-uile thart fá’n Iordáin amach chuige.#Marc. 1, 5.
6Agus bhaisteadh sé iad san Iordáin, agus iad ag admháil a bpeacaidhe.
7Agus nuair a chonnaic sé mórán de na Fairisínigh agus de na Sadducaigh#3, 7 fairisínigh agus...Sadducaigh. Dhá aicme iad sin a bhí ar na h-Iúdaigh. Bhí an chéad dream iomráidhteach mar bhréagchráibhthigh, agus dearcadh leathan ag an dream eile ar chúrsaí creidimh. ag teacht chuig a bhaisteadh, dubhairt sé leo: A shliocht#Lúc. 3, 7. naithreach nimhe, cé thaidhbhsigh díbh-se teicheadh ó’n fheirg atá le theacht?
8Ar an adhbhar sin, tabhairigidh uaibh toradh is dual do’n aithrighe.
9Agus ná samhluighigidh a rádh libh féin: Tá Abraham ina athair againn;#Eoin 8, 39. óir deirim-se libh gur féidhir do Dhia clann a thógáil do Abraham as na clocha sin.
10Tá an tuagh leagtha cheana féin ar bhun na gcrann: Ar an adhbhar sin, gach crann nach dtabhrann déagh-thoradh, gearrfar agus caithfear san teinidh é.
11Baistim-se#Marc. 1, 8; Lúc. 3, 16; Eoin 1, 26; Gníomh. 1, 5. sibh leoga le h-uisce chun aithrighe; acht an té atá le theacht i mo dhiaidh, is treise é ná mise, agus ní fiú mé a bhróga d’iomchar: baistfidh seisean sibh leis an Spioradh Naomh agus le teinidh.
12Agus tá a shluasad cháithte ina láimh aige, agus glanfaidh sé a urlár buailte, agus cruinneochaidh sé a chruithneacht isteach san scioból, acht dóighfidh sé an cháith le teinidh dho-mhúchta.
13Annsin tháinic Íosa#Marc. 1, 9. ó’n Gailile go dtí an Iordáin chuig Eoin le baisteadh d’fhagháil uaidh.
14Acht chuir Eoin ina aghaidh, ag rádh: Is damh-sa ba chóir baisteadh d’fhagháil uait-se; agus an amhlaidh atá tusa ag teacht chugam-sa?
15Acht d’fhreagair Íosa é agus dubhairt leis: Ceaduigh é an uair seo: óir is mar seo is cuibhe dúinn gach dá bhfuil cóir a chóimhlíonadh. Annsin ghéill sé dó.
16Nuair a bhí Íosa baistthe tháinic sé aníos láithreach as an uisce, agus féach, foscladh na flaithis dó, agus chonnaic sé Spiorad Dé ag teacht anuas i riocht colmáin,#Lúc. 3, 22. agus ag tuirling air.
17Agus féach, guth as na flaithis ag rádh: Is é seo mo Mhac dílis ina bhfuil mo mhór-thaitneamh.#Marc. 1, 11; Lúc. 9, 35; 2 Pead. 1, 17.
Šiuo metu pasirinkta:
Maitiú 3: ASN1943
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
rights held by the Bible Society in Northern Ireland