MAK 9
9
1Vunu mo kwaha maira taliku mo viti “Kareaki na viti lakwakamu, ratuaki rau tu hike maiau ranahe mate tea tarisaki hi rana tagai na huirana noi God ne maravuti, vae i God ne hugwe koro na bulana tangaloi.” #Mak 13.30
A tarabehi i Jisas mo bohi mo vavarama
(Mat 17.1-13; Luk 9.28-36)
2Vunu a rani kaiono koro, i Jisas mo lavi i Pita, i Semis, i Sione, mo tomuakinira hake vaki lo vuti aulu, aira kahera. Ramo taga tiluna, a tarabehina mo bohi. #Mat 10.2; Mak 1.29; 3.16-17; 5.37; 13.3; 14.33; Luk 5.10; 6.14; 8.51; Bol 1.13 3A lugwana mo lotu mo vilavila u sileti na lugwa savia. Hete tangaloi lo varamana kwara ne vai na lugwa ne lotu hokinia. 4Vunu ramo tagai Elaesa mai Mosis, raru mo toko kwaha mai Jisas. 5I Pita mo kwaha mai Jisas mo viti “Hugwe*, mo karea i kami hike, vae kena vai na ingwa haleki kaitolu, katukwale huriko, katukwale huri i Mosis, katukwale huri i Elaesa.” 6Mo viti kwehi huri he kikilai tea kwara ne viti aha, huri rau mataku haburu.
7Vunu a taenalangi mo malumalu korora, a dilao mo tangi lolo taenalangi mo viti “Hikani i Natugu, a Natu tabe. Tulu rongohuria.” #a Sam 2.7; Mat 3.17; 12.18; Mak 1.11; Luk 3.22; 2 Pita 1.17; b Dut 18.15; Bol 3.22 #2 Pita 1.17-18
8Bulu maia ramo tagataga laliki rahe taga te tangaloi vake, i Jisas aia kahea maira.
9Lolona ramo duvule tina vuti, i Jisas mo surira mo viti “Tulu ne hatu viti lakwa na tangaloi laliki a havakinau hi tulu mo taga tarisaki i nau, a Natu* na Tangaloi, vae nana maraka taliku tina mateana.” #Mat 12.16; Mak 8.30
10Vae aira rau kwiribibi na leo hi, aira kahera ramo uhiuhira kwara a marakaana tina mateana a domianaki kworohokinia. 11Vunu ramo uhi Jisas ramo viti “?Kworoho a tangaloi* kikikila na Uliuli* Kokona ramo viti kwara i Elaesa ne vanamai tomua?”
12Aia mo daraki lakwara mo viti “Kareaki i Elaesa u vanamai tomua u vai rarai na kinau savia. ?Vae a Uliuli Kokona u viti kworoho huriau, kwara i nau a Natu na tangaloi na rongo hati lo kinau savia, a tangaloi rana taga bulakikiau? #Mal 4.5-6 #Sam 22.1-18; Aes 53.3 13Vae na viti lakwakamu, i Elaesa u vanamai ba, vae a tangaloi rau vai a kinau vovohia hokinia rau lengaia, hoki na uliuliki huria mo viti.” #Mat 11.14
I Jisas mo vakahiki na natu ngwera kelekele tina tanungwe hati
(Mat 17.14-21; Luk 9.37-43)
14Lolona ramo maravuti mana nona ngwalagelo ratuaki, ramo tagai na vao lakua dalidalira, a tangaloi* kikikila na Uliuli* Kokona ratuaki ramo toko vikwahaki maira. 15Lolona a vao ramo taga dilai Jisas, ramo mamarutiki, ramo kwalao huria ramo lai tabetabekinia.
16I Jisas mo uhira kwara, “?Tulu tuku vikwahaki huri aha?”
17Vae katukwale tina vao mo daraki mo viti “Tisa, nu lavi natugu a ngwera vanamai vaki maiko, a tanungwe hati luna mo vaia he kwaha lai tea. 18Vae lolona mo rovokinia hi u tuku visakinia tilo tano, a gavina ramo vilaiki, mo kati raharahaki na livona, a tarabehina ramo toratoraka. Nomo kwaha mana nomu ngwalagelo kwara rana livutia letiu vae rahe vai lai tea.”
19I Jisas mo daraki lakwara mo viti “!I kamu a hava tangaloi hika, nomiu hauhuriana mo tikei! ?Na va loli maikamu tarisaki ave? ?Nari va rongo karea kikamu kihokua? Tulu lavi na natu hi vanamai vaki maiau.” 20Vunu ramo lavia vaki mai Jisas.
A tanungwe hati mo taga dilai Jisas, vae heheriki a tanungwe hati hi mo tokiki suri na natu hi tilo tano, a gavina ramo vilaiki, mo toko talele doridori.
21I Jisas mo uduhuri ki tamana kwara, “?A kinau hika u tinakaki luna kihokua?”
I tamana mo daraki mo viti “Lolona hi u kelekele radu nga. 22Vakarusa u vohokinia tilolo kabu vunu tilolo kwai kwara ne vai mateia. Vae diko kona vai lai ko hakavikami, ko hago maikami.”
23I Jisas mo viti lakwae viti “!Diko i nigo ko vai lai! Savisavi na kinau rau magemu lakwa na tangaloi hinea u hauhuri.” #Mat 21.21; Mak 11.23-24; Luk 17.6
24Bulu maia a tama na natu hi mo ngara karakara mo viti “!Hugwe*, nu hauhuri! Ko hago maiau nana hauhuri vakevake.” #Luk 17.5
25I Jisas mo tagai na vao ramo kwalao vakatukwalekinira huria, mo hora na tanungwe hati hi kwara “I nigo a tanungwe hati ku vai na tangaloi he kwaha lai tea a gwerona mo vono, nu horako ko vano tina natu kelekele hika, konahe soro te vohoki tiluna taliku.”
26A tanungwe hati hi mo ngara karakara mo vai na natu mo rurururu haburu, mo vano tiua, a natu mo saro hokinia u mate. Mo vai hokinia, a tangaloi ramo viti kwara u mate. #Mak 1.26 27Vae i Jisas mo hago lo kabana mo tabea mo maraka. #Mat 9.25; Mak 1.31; 5.41; Luk 8.54; Bol 3.7 28Vunu i Jisas mo soro tilolo ingwa, a nona ngwalagelo ramo uhi raravekinia kwara, “?Kworoho kehe va livu lavi na tanungwe hati hi te tiua?”
29Mo viti lakwara kwara, “A kinau hokinia hika nehe livuana lai tea kina kinau dolua vae kina tiutangaroa kehekeheki.”
I Jisas mo matangwasaraki vakairuaki kwara vae ne mate vunu ne maraka taliku
(Mat 17.22-23; Luk 9.43-45)
30Hikani i Jisas mana nona ngwalagelo ramo tiraki na vanua hi ramo lakao lo vanua Galili*. I Jisas he lengaia tea kwara te tangaloi haro ne kikilai kwara aia ave, 31huri u tuku huhui na nona ngwalagelo mo viti lakwara kwara, “I nau a Natu* na Tangaloi, vae a tangaloi rana tirakiau tilo kaba na tangaloi hinea vae rana kwohi mateiau. Vunu takuni tina rani kaitolu na maraka taliku.” #Mat 16.21; 20.18-19; Mak 8.31; 10.33-34; Luk 18.32-33; 24.7
32Rahe kikilai na domiana na leo te hi vae rau mataku kwara rana uhia huri.
A tangaloi hinea u lakua karakara
(Mat 18.1-5; Luk 9.46-48)
33Hikani ramo vanamai vaki lo gwatuivanua Kavaneam, ramo soro tilolo ingwa. I Jisas mo uduhuri kina nona ngwalagelo mo viti “?A havakinau hini tulu mo toko vikwahaki luna lo hala?”
34Vae ramo hugu butu, huri lo hala rau tuku vikwahaki huri kwara ihe u lakua karakara. #Luk 22.24 35I Jisas mo hugu hivo mo kware na nona ngwalagelo hangavulu dongwana kairua vaki maia, mo kwaha maira mo viti “Diko te tangaloi u lengaia kwara ne tomua, vae aia ne lavi na tanotano takuni halaradu, vunu ne kwareki a tangaloi boloki lakwara vunuhira.” #Mat 20.26-27; 23.11; Mak 10.43-44; Luk 22.26
36Mo lavi na natu kelekele, mo taua mo tu lo livukaga, vunu mo haka tataloa mo kwaha maira 37mo viti “Te tangaloi ne lai tabetabeki na natu kelekele katukwale tiura hikani lo hinagu, u lai tabetabekiau. Aia hi u lai tabetabekiau, he lai tabetabekiau te kehekeheki, aia vae u lai tabetabekinia hinea vake mo horeau.” #Mat 10.40; Luk 10.16; Sione 13.20
Ihe hi hete noda tavaluivuro aia buluida
(Luk 9.49-50)
38I Sione mo viti lakwae kwara, “Tisa, keu tagai na tangaloi u tuku livu a tanungwe hati maira lo hinamu, vae kemo suria huri aia hete lo noda bulubulu.”
39Vae i Jisas mo viti “Tulu hatu suria, huri hete tangaloi kwara ne vai a vaisea lo hinagu vunu nete kwahakwaha hati vovohiau. 40Ihe hi hete noda tavaluivuro aia buluida. #Mat 12.30; Luk 11.23 41Kareaki na viti lakwakamu, te katukwale ne hile na kwai lakwakamu tulu ne inumia huri i kamu a nogu tangaloi hinea i nau i Vurae*, kareaki aia ne hagwe na kaitakwena huri.”
A kinau hinea rau sina na tangaloi ramo sovi tilo hatiki
(Mat 18.6-9; Luk 17.1-2)
42Vunu i Jisas mo viti “Diko te tangaloi katukwale ne sinasina na natu kelekele tiura hikani hinea rau hauhuri lugu ba, vaki lo hatiki, a tangaloi hi ne kwali na kakadiki u huira haburu. Vae diko te tangaloi ne likoti na vatu dongwolingwoli lakua lo kusuna, ne vohokinia tilolo tahi ne dono, hi u hati haburu. Vae a kakadiki hinea kwara vae ne kwalia lo taroki, ne huira haburu siletia hi. 43Vae diko a kabamu u vaiko komo halebohi tilo hatiki, ko tai utuhia leletiu. U karea lakwako kwara kona hagwe na ahiana vaki tuai mana kabamu katukwale siletia hi a kabamu kairua, vae raru ne vaiko kona vano tilolo kabu na kakadiki hinea he toko mate lai tea. #9.43: Lo Buku Kokona tuaki hinea a tangaloi rau ulira tuai, rau hoke na leo hika kina leo hinea mo viti kwara, “44 Takwahini a nuvega ranahe mate lai tea, a kabu nehe mate lai tea.” 45Diko a garumu u vaiko komo halebohi tilo hatiki, ko tai utuhia leletiu. U karea lakwako kwara kona hagwe na ahiana vaki tuai mana garumu katukwale siletia hinea a garumu kairua, vae raru ne vaiko kona vohokiana tilolo kabu na kakadiki. #9.45: Lo Buku Kokona tuaki hinea a tangaloi rau ulira tuai, rau hoke na leo hika kina leo hinea mo viti kwara. “46 Takwahini a nuvega ranahe mate lai tea, a kabu nehe mate lai tea.” 47Vake diko a matamu u vaiko komo halebohi tilo hatiki, ko dangea leletiu. U karea lakwako kwara kona soro tilolo Vanua Karagwa hinea i God u hugwe koroa mana matamu katukwale siletia hi a matamu kairua vae raru ne vaiko kona vohokiana tilolo kabu na kakadiki. #Mat 5.29 48Takwahini a nuvega ranahe mate lai tea, a kabu nehe mate lai tea. #Aes 66.24
49“I God ne vai na tangaloi savia rana ngwasara kina kabu hokinia a tangaloi rau tau a solo lo noga kairoroi* hinea rau hile lakwai God. 50A solo #9.50: solo. Lo vanua Isrel rau lai a solo tina tano, vae a tano u rokeroke mana solo, vunu lo taroki a solo u huki tiua, a tano vuroki u eno. Vunu a kokonaki u tikei. u kokona aia a kinau karea. ?Vae diko a kokonaki ne tikei vae tulu ne vai kworohokinia kwara vae ne kokona taliku? A kokonaki ne eno lumiu, tulu ne toka ne tangwata maikamu savikamu.” #a Mat 5.13; Luk 14.34; b Kol 4.6; d Rom 12.18; 1 Tes 5.13
Šiuo metu pasirinkta:
MAK 9: HWT
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Havakinau New Testament © Bible Society of the South Pacific, 2016.