MATIU 28
28
I Jisas mo maraka taliku tina mateana
(Mak 16.1-10; Luk 24.1-12; Sione 20.1-10)
1A Rani* na Mabuana mo rovo, vunu lo Sade sirovobongi bise i Meri a vavine Maktala mai Meri kairuaki vake raru vano kwara raru ne tagai na tabu hi. #Mat 27.56,61; Mak 15.40,47; Sione 19.25 2Heheriki mo ruru u huira vohoki. A kaihora nona Hugwe tina taetae mo hivo mo taleleki na vatu tina gwaru-malanga* hi, mo hugu luna. #a Mat 27.51; b Mat 27.60; Mak 15.46 3A nakona hoki na vila, a lugwana u lotu u diovuka vohoki. 4A kaitagahuri ramo mataku haburu, a huiga ramo rururu ramo vai hoki na tangaloi rau mate.
5A kaihora tina taetae mo kwaha mana vavine kairua hini mo viti kwara, “Kuru hatu mataku. Nu kikilai kwara kuru taga haro i Jisas hinea ramo durua tilo kaibetu. 6U tikei hike. U maraka hokinia mo viti. Kuru vanamai hike kuru tagai na tanotanona hi mo ngwalulu eia. #Mat 12.40; 16.21; 17.23; 20.19; Mak 8.31; 9.31; 10.34; Luk 9.22; 18.33; 24.7 7Vunu kuru vano heheri kuru viti lakwa na nona ngwalagelo kwara u maraka tina mateana, vae hika u vano tomuakikamu vaki Galili*. Tulu ne tagaia takwa-hi. Kuru domidomi-bibi na havakinau hini nomo viti lakwakamurua.” #a Mat 26.32; Mak 14.28; b Mat 28.10,16; Sione 21.1-23
8Hikani raru mo tiraki na tabu heheriki, raru mataku haburu vae vake u havutirarua haburu. Raru mo kwalao kwara raru ne viti lakwa na nona ngwalagelo.
9Heheriki nga i Jisas mo hagwerarua mo viti kwara, “A magemuana ne eno maikamurua.”
Raru mo vano vaki maia, raru mo kwiribibi na garuna, raru mo vai mavakinia. 10I Jisas mo kwaha mairarua mo viti kwara, “Kuru hatu mataku. Kuru vano kuru viti lakwai ratuagu kwara rana vano vaki Galili rana tagaiau takwahini.” #a Sione 20.17; b Mat 26.32; 28.7,16; Mak 14.28; Sione 21.1-23
A leo nona kaitagahuri
11Lolona a vavine kairua raru mo mule, a tangaloi na vuro ratuaki hinea rau tagataga mana tabu ramo mule taliku vaki lo gwatuivanua lakua ramo viti huri na kinau savia lakwa na tangaloi* lingilingi lalakua.
12A tangaloi lingilingi lalakua mana ngwarasea* vano hi ramo tovotovo, vunu ramo bete na mane* u lakua lakwa na tangaloi na vuro. 13Ramo kwaha maira ramo viti “Tulu viti hokinia hika kwara, ‘Bongi, lolona keu maturu, a nona ngwalagelo ramo vanamai, ramo baluki na tarabehina.’ #Mat 27.64 14Diko a kavman ne rongo kwehi, i kami kena kwaha tabetabeki maia, i kamu a kinau tikei kwara tulu ne rongo hati luna.”
15Hikani a kaitagahuri ramo lavi na mane ramo vai luna hokinia hinea a tangaloi lingilingi lalakua ramo viti lakwara kwara rana vai. Vae a leo hi u kwalao laliki radu nga mana gwaloana noi Isrel* vaki na hika kwahale.
I Jisas mo vosangia sibona lakwa na nona ngwalagelo
(Mak 16.14-18; Luk 24.36-49; Sione 20.19-23; Bol 1.6-8)
16Hikani a ngwalagelo noi Jisas hangavulu dongwana katukwale ramo vano vaki lo vuti lo vanua Galili*, hinea i Jisas mo viti lakwara kwara rana vano vaki eia. #Mat 26.32; 28.7,10 17Lolona ramo tagaia, ramo sovi hivo vovohia kina domi mavakiana, vae tuaki rau domi kairua kinia. 18I Jisas mo vanamai vaki garagarani maira, mo kwaha maira mo viti kwara, “I God u bete na huirana savia lakweau lolo taetae vake lo varamana. #Dan 7.14; Mat 11.27; Sione 3.35; 13.3; 17.2; Eves 1.20-22; Vil 2.9-10 19Vae huri hi, tulu vano vaki mana tangaloi savia vataha na mahagweki lo varamana, tulu huhuira kwara rana mulemai ki nogu ngwalagelo, tulu bavtaesira lo hina i Tamagu, lo hinagu i nau i Natuna, lo hina na Tanungwe Kokona. #Bol 1.8 20Tulu huhuira kwara rana vai na kinau vunuhia hinea nomo vitira lakwakamu. Vae tulu domidomi-bibi, i nau maikamu tigwaravu vae tarisaki a varamana ne rovo.” #a Hag 1.13; Mat 18.20; Sione 14.23; b Mat 13.39,49; 24.3
Šiuo metu pasirinkta:
MATIU 28: HWT
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Havakinau New Testament © Bible Society of the South Pacific, 2016.