cēnisis 14
14
1ēkosi ki ihkin o kisikāmihk āmrahpil kihci okimāw, sāinar kā ohcit, ēriyāk kihci okimāw ilasār kā ohcit, kitorlēomar kihci okimāw, ilām kā ohcit, mina taital o kihci okimāmiwāwa aniki pitos ayisiyiniwak; 2ēwakonik oki kā ki natopayistawacik pira kihci okimāw sātam kā ohcit, mina parsa kihci okimāw kamāra kā ohcit, mina sainap kihci okimāw ātma kā ohcit, mina simipar kihci okimāw sipāyim kā ohcit, mina kihci okimāw pila kā ohcit, ēwakwānima soār. 3kahkiyaw oki ki māwasakopayiwak anita sittim wāyatināhk, ēwako anima siwihtākani sākahikan. 4mitātaht nisosāp tahto piponwa ki atoskawēwak kitorlēomara, ē ati nistosāp tahto piponiyik ki wēpinēwak. 5ē ati nēosāp tahto piponiyik māka ki pē takosin kitorlēomar, mina kihci okimāwa kā wicēkot, ē ki notinācik māka anihi ripēima anita āstiroht kārnēimihk, mina sosima anita hāmihk, mina imima anita sēpā kiriyatēimihk. 6mina hāraita anita o wacimiyihk siyar, piyis anita ēlpēran, kisiwāk kā pikwataskamikāk. 7ēkosi ki pē kiwēwak, ē ki pē otitahkik ētomispāt, ēwako kētis, ē ki pē notinācik kahkiyaw āmalikaita, asici māka āmaraita, anita hēsisāntēmar kā ot askiyit. 8ēkota māka ki ohci wayawiwak kihci okimāw sātam kā ohcit, mina kihci okimāw kamāra kā ohcit, mina kihci okimāw ātma kā ohcit, mina kihci okimāw sipāyim kā ohcit, mina kihci okimaw pila kā ohcit (ēwako soār); ē ki māwasako wicinotinitomācik anita wāyatināhk sittim: 9kitorlēomar kihci okimāw ilām kā ohcit, asici taital o kihci okimāmiwāwa aniki ayisiyiniwak, mina āmrahpil kihci okimāw sāinar kā ohcit, mina ēriyāk kihci okimāw ilasār kā ohcit; nēw kihci okimāwak ē notinācik niyanan. 10anima māka wayatinaw sittim ki sākaskinēwa askiwipikiwi wāta; ēkosi aniki kihci okimāwak sātam, mina kamāra kā ohcicik ki sipwēyāmowak; ēkota māka ki kwayasitēpayiwak; aniki māka wiya ēkā kā ki kwayasitēpayicik wacihk ki itāmowak. 11ēkosi māka ki otinamwak kahkiyaw kēkway sātamihk mina kamāraihk kā ayāyiki, mina omicimimiyiw, ēkosi ē ki ati sipwētēcik. 12mina lāta ki otinēwak, ēprām ociwāma okosisiyiwa, kā ki wikit sātamihk, mina otayāwiniyiwa, ēkosi ē ki ati sipwētēcik.
13ki pē takosin māka pēyak kā ki tapasit, ē wihtamawāt ēprāma anihi hiparowa; cikēmā wiya ē ki wikit o maskawātikomiyihk māmri āmarait, ociwāmiyiwa ēskal, mina ociwāma ēnir: ēwakoni ohi kā o wicēwakanit ēprām. 14ispi māka ēprām kā pēhtahk ociwāma ē ki otinimiht, ki sipwētaēw ē nakacihtāyit ot atoskēyākana, kā ki nihtāwikiyit tipiyaw wikihk, nistwāw mitāhtomitanaw mina mitātaht ayinānēosāp, ē ki ati nawaswātāt piyis anita tān. 15ēkosi ki niswayakiowak wiya mina ot atoskēyākana, ē mēkwā tipiskāyik, ēkosi ē ki notināt, mina ē ki nawaswātāt piyis hopaihk, namatinihk itēhkē kā ayāk tamāskasihk. 16ēkosi kahkiyaw kēkway ki pē kiwētatāw, asici ki pēsiwēw kāwi ociwāma lāta, mina otayāwiniyiwa, asici mina iskwēwa, mina ayisiyiniwa.
17ēkosi sātamihk kōhcit kihci okimāw ki natāwi nakiskāk, ē pē kiwēt ē ki nipahāt kitorlēomara, mina kihci okimāwa kā wicēwikoyit, anita sāpē wāyatināhk ēwako kihci okimāw o wāyatinām. 18#hiparowa 7:1-10mina mēlkisitēk sēlim kihci okimāw ki pē wayawitatāw pahkwēsikana, mina somināpo: wiya māka ki ot ayamihēwiyinimiw māmawēyēs kā kihcāyiwit kisēmanito. 19ēkosi ki miyokiswātēw, omisi ē ki itwēt, ēprām kita wi sawēyimik māmawēyēs kā kihcāyiwiyit kisēmanitowa, kā tipēyihtahk kihci kisik mina aski; 20mina kata miyokiswātāw māmawēyēs kā kihcāyiwit kisēmanito, kicihcihk kā ki pakitinamāsk kinotinākana ki miyēw māka pēyak ē ki mitātahtohtāt kahkiyaw kēkway. 21wiya māka sātam kihci okimāw ki itēw ēprāma, miyin kiyām aniki ayisiyiniwak, māka wiya otinamāso ayowina. 22ēprām māka ki itēw sātam kihci okimāwa, ni ki ispakēnamawāw nicihciyiw kā tipēyihcikēt mamawēyas kā kihcāyiwit kisēmanito kā tipēyihtahk kihci kisik mina aski. 23ēkā kita otinamān ahpocika sēstakwēyāpi ahpo cistanakwanēyapi, mina namawiya kēkway kiya kit ayān ni wi otinēn, māskoc ahpo ki ka itwān, ni ki wēyotisiwāw ēprām: 24piko anima oskinikiwak kā ki micicik, mina ē ispayik kita ayācik aniki ayisiyiniwak kā ki wicēwicik, ēnir, ēskal, mina māmri; kiyām wiya kata otinamwak ē ispayik kita ayācik.
Šiuo metu pasirinkta:
cēnisis 14: KKMR
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
This Bible text is a transliteration of a corrected edition of the 1908 Western Cree Bible; it is in the public domain.