Mathayo 4
4
1Ɣɔn ke Yecu leere Jɔŋdit roor bii durieth lɔ them. 2Ku te cen thieel ne akol yic keethiɛrŋuan ku weer yic keethiɛrŋuan, ke jɔl kuk. 3Go duthem bɛn ku yook, Ye na ye Wen de Nhialic, ke yin yɔɔke keekurke bik ya cuin. 4Go dhuk jiɛm, Ye kee gɔɔr, Ya raan aci bi ya piir ne cuin nyin yetok, ee ya wɛt ebɛn wɛt ye bɛn bei ne Nhialic thok. 5Go durieth laar pandiit lajik; ku tɛɛu ne yekalu nom tethoi, 6ku yook, Ye na ye Wen de Nhialic, ke yin cuate rɔt piny: ee gɔɔr,
Ya kabi malaikaike cɔk ye yi ŋem apiath:
Ku bik yi ya muɔk nhial ne kecin,
Kɛlke yin bii kuur kaak cok piny ne dhuŋ.
7Go Yecu bɛɛr yɔɔk, Ye kee gɔɔr, Ya duɔne Nhialic Bɛnydiitdu duɔne ye them. 8Go durieth bɛɛr laar ne kuur baar areet nom, ku nyuth ceŋ de piny ebɛn, ku dheeŋden; 9ku yook, Ye keekake kedhia aabake yiɛn yin, te bin yinhiɔl tuk ne anom ku dor a. 10Go Yecu yɔɔk, Ye nyai, Catan: ee gɔɔr, Ya yin bi Bɛnydit Nhialinydu aba ya door, ku kede yetok eka ba ya loi. 11Go durieth jal puɔl; ku ŋɛmka, malaikai kaa bɛn, ku konyki.
12Na ɣɔn ye piŋ gɛm de Jɔn, go jaal ne Galili; 13ku pɛl Nadhareth, bii ku ceŋ ne Kapernaum, pan thiaak ke bardit, ne aken de Dhebulun thok ke Naptali: 14bi ke ci luel ne Yithaya nebi bi ya yic, jiɛm,
15Ye piny de Dhebulun, ku piny de Naptali,
Te lɔ bardit, ne Jordan lɔŋti,
Galili de Juurkɔk,
16Kɔc ye reer ne cuɔlic
Aa ɣɛɛr dit ŋem,
Ku kɔc rɛɛr piny de thou ku tiɛpde,
Keeka ci ɣɛɛr ke tuɔl.
17Yekole ekee gɔle Yecu weet, ye jam, Ye wɛlka wepiɔth, ceŋ nhial ee ɣeet.
18Ku te ciɛthe Yecu ne bar yɔu de Galili, ke ŋem ŋɛk ke manhe, Thimon ci cɔɔl Petero ku manhe Andereya, e ke deep alɛɛth bɛɛr; aake ye kɔc ke dɛp de rec. 19Go ke yɔɔk, Ye biathka ɣa, ku we bake cɔk ye adeep ke kɔc. 20Goki alɛɛthken dac waan, ku biɔthki cok. 21Ku beer ye jiɛl etɛɛn, ke beer yi ŋɛk ke manhe ŋem, Jakob wen de Dhebedayo ku manhe Jɔn, ne tɔ riɛi kene Dhebedayo wuɔnden, e ke ruk alɛɛthken; go ke cɔɔl. 22Goki riai dac waan kene wuɔnden, ku biɔthki cok.
23Go Yecu piny de Galili caath ebɛn, yee kɔc piɔc ne luekken ke gueer yic, ku yee ke wɛɛt ne welpiɛth ke ceŋ, ku cɔk kɔc cɔk dem ne bec ebɛn ku tɔɔk ebɛn. 24Go thoŋde lɔ ne Thuriaic ebɛn: goki yiɛn kɔc tok kedhia, cike muk ne benye ke benye ku kaluc ke, ku ci ke dɔm ne jak rac, ku nok, ku keu, ku adhiɛɛk; go ke cɔk dem kedhia. 25Go biɔth cok ne duut ne Galili, ku Dekapoli, ku Jeruthalem, ku Judaya, ku Jordan lɔŋti.
Šiuo metu pasirinkta:
Mathayo 4: LEKJOT
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© British and Foreign Bible Society 1940, 2017
Sužinoti daugiau apie Lek Jot de Jecu Kritho 1940