A’NPHUTNA ṬONGHLAMSÂT
ṬONGHLAMSÂT
English ṭonga Genesis hi “A’nphutna” tina kae. Lekharabua hin vânhnōi, mihringhei inphutna, raleichunga setna leh inrengna inphutna, khana Pathen in mihringhei chunga a-ensuina hei kha inzet a kae. A’nphutna hi akarôn pena rup hnia ṭhen thei kae: (1) Raleichung insyemna leh mihringhei insyemna thuhming. Hinahin Adam leh Eve, Cain leh Abel, Noah leh tuishânglen, Babylon Innpui chungchânga ka-om hei (Arup 1–11.) (2) Hinahin Israelhei anpa anpu sōnhei chungchânga inzet. Hma-inkei kha Abraham, ataksenna leh aṭong juina kha manhret a rahōi kasōk inkhat kae. Abân kha asapa Isaac, leh atupa Jacob (Israel um anti), khana Israel phung 12 hei ṭhutpui Jacob sa 12 hei thuhminghei kha kae. Hinahin Jacob sapahei kâra Joseph intipa chunga kakhôk det a hrina ka-om, ama pha shunga apa Jacob leh asahei seng Egypt ram leijōnna omchen kha leikasōk (arup 12 – 50).
Hiva lekharabu hin mihringhei thuhming ahrina shunga, ahma kakei leh achung katōngpen khachu Pathen ṭōn leitlo hei kha kae. Pathen in vânhnōi hi asyem tina hin aphut a ama’n amihei chunga a-ensuina hei hi injônṭhak sik tina khan atorna amanchang. Lekharabu ashung katlung bit a Pathen khan mikaṭhamak-hei chunga ṭongkatan leh karâkna kapek, amihei kaching leh inthōpui, khana anmani thuhming seng kasyem kha kae tia amalâr. Hiva tenlaia lekharabu hi mihring rup inkhat hei taksenna kha daṭhakna sik a leh khava antaksenna kha ahring ṭhakna sik a ale’nzet inkhat kae.
“A’nphutna” shunga hin a’nzetpa rahming hi insunsa mak; khana hiva lekha hi Moses intet mak hma century 3 ven khan ‘A’nphutna’ ṭong hi le’nchai jo. Kha’num Ṭongtep Marō leh Ṭongtep Ther shung heia lekha hi Moses talei mazet kae tina ka-om hei (Sōk 17.14; Mj 33.2; Jos 8.31; 1 Rn 2.3; 2 Rn 14.6; Eze 6.18; Neh 13.1; Da 9.11,13; Mal 4.4; Mt 8.4; Mk 12.26; Lk 16.29; 24.27,44; Jn 5.46; 7.22; Ṭōn 15.1; Ro 10.19; 1Cor 9.9; 2 Cor 3.15). Athemna kha ni-ena Moses talei sun kae ti hi inhuia kae (Te roh Ṭōn 7.22.) Moses talei sun kae tina hi in-erpui sik a tu inkhat ratha kaneitak a lasōk tor mak hei.
A’nphutna hi Sōksōt (1445 B.C. ven) kahnunga, khana Moses athi (1405 B.C. ven) mak hma ale’nzet kachang sik. Moses hringkhō thuhming bongkhat kha Sōksōt 1–6 a enroh.
Aka-om seng
Vânhnōi leh mihringhei insyem 1.1–2.25
Setna leh inrengna inphutna 3.1–24
Adam a inphut Noah katlung 4.1–5.32
Noah leh Tuishânglen 6.1–10.32
Babylon Inn chung inshâng 11.1–9
Shem a inphut Abram 11.10–32
Israelhei pusōn: Abraham, Isaac, Jacob 12.1–35.29
Esau Sōn leh Pârhei 36.1–43
Joseph leh asōpuihei 37.1–45.28
Egypt a Israelhei leiom 46.1–50.26
Šiuo metu pasirinkta:
A’NPHUTNA ṬONGHLAMSÂT: KOMRBSI
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.