JUHAN KAXPONGWANG
KAXPONGWANG
Kaxho Müikya Juhan makhange Jisu a: Khünak ang achang laxle kem khato ngole hüikya Zang Kax changpu le ahole. Ija laipex jaojaoe akaxle: Ija Kaxho Müikya laipex a ekyabue; Jisu a tsaole thomdaokya Khosünpa tamchu Zang Hosa changpu le ong angkya hanpakma changle. Ija hwom mongong makhange hwom ang khüzün naxtüi kox ang (20.31).
Kaxpongwang ma, Jisu Zang Kax changpu le wünkya füima, pongwang chikao Kaxho Müikya ma, Jisu Khrista a tsaole thomdaokya Khosünpa tamchu Zang Hosa changpu le aho angkya kuxmale, chixe mokkya ohünotün mwotbu mo wünle. Laipex ichikao ma züizüi Jisu to ong laxle chemle chix man tokyabu ang achang, ikoxchu züizüie chix füi alünle ajong laxle chix to chiong, ibu bama wünle. Ofong 13-17 ma ojak lowüilole, chix kopkya ja Jisu chix wangshembu füi tomle asoxkya tamchu chix takle langüi thoma atha anyem angkya hia mongchyen kax zale thomle. Akiakya ofong ma: Jisu kopkya, chix kaxfünkya, chix takle langkya, chix azangle zokya, azangle zokya füima wangshembu hato chix ngaile ahokya, ibu bama wünle.
Chinunchakkai ma kopkya mixcha tuita mowün a (8.1-11) breket ma thomle. Chemthüikoxle pongwang pongkya laitai tamchu owang pongma zale bangkyabue ija a chilaxle amütle, ilaxle mamabue ija a mama khato apütle tüile.
Juhan-e oshuk chitüikya tsün a Jisu makhange hüikya hingho changpu le thüile; hingho oja athax owang wangle tüipuix tamchu oja hingho: Jisu a otsing lomtang, otsingtsing üntoxle khüzün tsün changpu le pongle laxpuix, ibu hato ngui angkya changle. Chasa mwotlom awanle lax ang tom angkya hanpakma Juhan-e, nyixfokya to keme ngünle ngokya jali füi apyenle wünle, thütba: ti; an; zangngai; chun-nyetmix; chun; grep le nyakkya zu hia ija oziak, iningkyabu.
Omong ma Tüikya
Kax ka dap 1.1-18
Baptikya mix Juhan hia owang pongkya Jisu wangshembu 1.19-51
Jisu-e Noknu thüntho ma Mokkya mwotbu 2.1—12.50
Jerusalem hia ozui to akiakya hatdang 13.1—19.42
Jowanpa azangle zokya hia ngaikya 20.1-31
Kaxkhom; Galili to ngaikya mama 21.1-25
Šiuo metu pasirinkta:
JUHAN KAXPONGWANG: WANCBSI
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.