Populiarios Biblijos eilutės iš Bruă Mơnuă 3

Dalintis

Tui anŭn, ƀing gih kơhma̱l sĭt bĕ hăng Ơi Adai, kiăng kơ Ơi Adai dưi pap brơi hlo̱m ƀo̱m tơlơi soh gih laih anŭn Khua Yang či pơphrâo hĭ ƀing gih nanao

Giŏng anŭn, Pêtrôs laĭ tui anai, “Prăk mah kâo ƀu hơmâo ôh, samơ̆ hơget gơnam kâo hơmâo, kâo pha brơi kơ ih yơh. Yêsu Krist pô jing Pô Nazaret ră anai či pơsuaih hĭ ih, tui anŭn tơgŭ rơbat bĕ!”

Pêtrôs mă ƀơi tơngan gah hơnuă pô rơwen anŭn hăng djru gơ̆ tơgŭ đĭ. Ƀơi mông anŭn mơtam, plă̱ tơkai hăng boh kañ gơ̆ kơjăp rơjăng glaĭ. Gơ̆ kơdăt đĭ laih anŭn čơdơ̆ng rơbat nao yơh. Giŏng anŭn, gơ̆ mŭt hrŏm hăng ƀing gơñu pơ wăl tơdron sang yang, ñu rơbat jai kơdăt jai, laih anŭn bơni hơơč kơ Ơi Adai.

Hăng tơlơi ƀing gơmơi đaŏ kơnang amăng anăn Yêsu, jing Pô ƀing gih ƀuh hăng thâo hơmâo tŭ kơjăp rơjăng laih mơ̆ng Khua Yang. Anŭn jing, yua mơ̆ng tơlơi ƀing gơmơi đaŏ kơnang kơ Yêsu yơh, Khua Yang hơmâo pơsuaih hĭ laih hlo̱m ƀo̱m kơ pô anŭn, tui hăng mơta tơlơi abih bang ƀing gih hơmâo ƀuh laih.