Populiarios Biblijos eilutės iš Bruă Mơnuă 2

Dalintis

Pêtrôs laĭ glaĭ tui anai, “Kơhma̱l hăng tŭ baptem bĕ, rĭm čô amăng ƀing gih, kiăng kơ pơrơđah kơ tơlơi ƀing gih đaŏ kơnang kơ Yêsu Krist laih anŭn yua mơ̆ng anŭn yơh Ơi Adai či pap brơi hơdôm tơlơi soh gih. Giŏng anŭn, ƀing gih či tŭ mă Yang Bơngăt Hiam jing Pô Ơi Adai či pha brơi kơ ƀing gih yơh.

Ƀing gơñu ăt tŏ tui gưt tui kơ tơlơi ƀing ding kơna pơjao hlak pơtô, kơ tơlơi pơgop pơlir hăng tơdruă, ƀơ̆ng tơlơi ƀơ̆ng pơgop Khua Yang laih anŭn iâu laĭ hrŏm hơbĭt.

Abih bang ƀing gơñu tŭ git gai hlo̱m mơ̆ng Yang Bơngăt Hiam laih anŭn čơdơ̆ng pơhiăp tơlơi pơhiăp tuai phara, tui hăng Yang Bơngăt brơi ƀing gơñu dưi pơhiăp yơh.

Blĭp blăp hơmâo dơnai kar hăng jua angĭn kơtang thut rai mơ̆ng adai laih anŭn dơnai mơñi amăng abih sang anŭn, jing anih ƀing gơñu hlak dŏ be̱r. Ƀing gơñu ƀuh kar hăng lu jơlah apui čơlah bru bra laih anŭn sa jơlah anŭn rai găm ƀơi rĭm čô amăng ƀing gơñu. Abih bang ƀing gơñu tŭ git gai hlo̱m mơ̆ng Yang Bơngăt Hiam laih anŭn čơdơ̆ng pơhiăp tơlơi pơhiăp tuai phara, tui hăng Yang Bơngăt brơi ƀing gơñu dưi pơhiăp yơh.

Rĭm hrơi, ƀing gơñu pơjơnum nanao pơ anih wăl tơdron sang yang. Ƀing gơñu ƀơ̆ng hrŏm hơbĭt laih anŭn djă̱ hơdơr kơ tơlơi Ƀơ̆ng Pơgop Khua Yang amăng sang gơñu, mơak mơai hăng čơmah yơh pơpha brơi gơnam ƀơ̆ng gơñu. Ƀing gơñu bơni hơơč kơ Ơi Adai laih anŭn pơmơak pran jua abih bang ƀing ană plei. Laih anŭn, rĭm hrơi Khua Yang pơklaih thim lu mơnuih jing ƀing đaŏ kơnang kơ Ñu kiăng kơ mŭt amăng grup gơñu.

“ ‘Ơi Adai hơmâo laĭ: Amăng hrơi hơnăl tuč, Kâo či pơkiaŏ Yang Bơngăt Kâo ƀơi mơnuih mơnam djŏp anih yơh. Tui anŭn ƀing ană đah rơkơi đah kơmơi gih či pơhiăp laĭ lui hlâo, ƀing hlak ai gih či hơmâo tơlơi pơƀuh mơ̆ng Kâo, ƀing đah rơkơi tha rơma gih či hơmâo tơlơi rơpơi mơ̆ng Kâo yơh.

Abih ƀing hlơi pô đaŏ kơnang kơ Yêsu pơgop pơlir hrŏm hơbĭt laih anŭn pơpha abih bang dram gơnam gơñu hăng tơdruă yơh. Rĭm wơ̆t ƀing gơñu sĭ hĭ hơdôm dram gơnam kŏng ngăn gơñu, laih anŭn pơpha brơi prăk tui hăng tơlơi kơƀah kiăng rĭm čô yơh.

Laih anŭn hlơi pô kwưh rơkâo iâu đĭ biă mă hăng Khua Yang kiăng kơ pơklaih hĭ ñu, ñu anŭn či dưi klaih hĭ yơh yua mơ̆ng Khua Yang.’

Yang hrơi či pơrơđah kơnăm hĭ laih anŭn yang blan či pơrơđah hĭ mriah kar hăng drah anŭn či jing hlâo kơ hrơi yom pơphan ang yang tơdang Khua Yang či rai kiăng kơ phat kơđi abih bang mơnuih mơnam yơh.