Populiarios Biblijos eilutės iš Maatiyee 7

Dalintis

Yesu tasɩ-wɛ heyuu se: «Ɩsʋlʋmɩ Ɛsɔ, ɛhaɣ-mɩ, ɩñɩnɩ ɛ-cɔlɔ, ihikiɣ, ɩma pɔɔyʋʋ yɔɔ, ɛtʋlʋʋ-mɩ.

Mbʋ́ pʋyɔɔ yɔ, weyi ɛsʋlʋmʋʋ-ɩ yɔ, ɛhaɣ-ɩ, weyi ɛñɩnɩɣ ɛ-cɔlɔ yɔ, ehikiɣ, weyi ɛ́lɛ́ makɩ pɔɔyʋʋ yɔɔ yɔ, ɛtʋlʋʋ-ɩ.

Yesu tɛm-wɛ yɔɔdɩnaʋ lɛ, eheyi-wɛ se: «Weyi ewelesiɣ tɔm tʋnɛ tɩtɩŋa nɛ ɛɖɔŋ tɩ-yɔɔ yɔ, ɛwɛ ɛzɩ lɔŋsɩnɖʋ weyi ɛma ɛ-ɖɩɣa ɛwaɣ yɔɔ yɔ.

Pʋ-yɔɔ lɛ, mbʋ́ ɩcaɣ se ɛyáa ɛlabɩ-mɩ yɔ, mɩ ɖɔɖɔ ɩlabɩ-wɛ ḿbʋ́. Ḿbʋ́ Mooyiizi weyi Ɛsɔ cɛlɩ paɣtʋ yɔ nɛ náyaa paɖʋwa se ɩla.»

Đɛɛmɛnɖɛɛ nɛ nʋmɔsɔka patɩŋnaʋ wɛ kaɖɛ, ɛlɛ́, yee ɩtɩŋnɩ-wɛ yɔ, ihikiɣ wezuu. Ɛlɛ́, mbá panaɣ-wɛ yɔ, pɔtɔɖɔɔ.»

Yesu tasɩ-wɛ heyuu se: «Ɩtɩŋnɩ ɖɛɛmɛnɖɛɛ taa nɛ ihiɣ wezuu. Nɔnɔɔ kɩwalaɣ nɛ nʋmɔʋ kɩwalʋʋ patɩŋnaʋ fɛyɩ kaɖɛ. Yee ɩtɩŋnɩ-wɛ yɔ, ileki. Ɛlɛ́, ɛyáa mbá patɩŋɩɣnɩ-wɛ yɔ pɔɖɔ sakɩyɛ.

Mbá mɩ ɩkɛ azaɣ́a yɔ, itekizi haʋ mi-piya mbʋ́ pʋwɛ ɖeu yɔ nɛ pɩcandɩnɩ mɩ-Caa Ɛsɔ weyi ɛwɛ ɛsɔdaa yɔ? Ɛhaɣ mbʋ́ pʋwɛ ɖeu yɔ mbá paba sʋlʋmʋʋ-ɩ yɔ.

Yesu tasɩ-wɛ heyuu se: «Ɩtaahʋʋnɩ nɔɔyʋ nɛ Ɛsɔ ɛɛhʋʋnɩ-mɩ. Mbʋ́ pʋyɔɔ yɔ, ɛzɩma mbʋ́ ɩhʋʋnɩ lɛlaa yɔ, ḿbʋ́ ɖɔɖɔ Ɛsɔ kɔŋ-mɩ hʋnaʋ. Mbʋ́ ɩmaɣzɩɣnɩ lɛlaa yɔ, ḿbʋ́ ɖɔɖɔ Ɛsɔ kɔŋ-mɩ maɣzɩnaʋ.

Piyele weyi ɛ́lɛ́ welesiɣ tɔm tʋnɛ tɩtɩŋa nɛ ɛɛɖɔŋ tɩ-yɔɔ yɔ, ɛwɛ ɛzɩ kɩmɛlɛŋ ŋgʋ́ kɩma kɩ-ɖɩɣa kañɩŋa taa yem yɔ.

Pɩlabɩ ɛzɩma nɛ ŋnaɣ kemaɣ ŋgá kɛwɛ ña-taabalʋ ɛsɩyɛ taa yɔ nɛ ŋŋnaɣ ɖaʋ ŋgʋ́ kɩwɛ ña-ñɩnɖɛ taa yɔ? Ɛzɩma ŋpɩzɩɣ ŋheyi lɛlʋ se: ‹Sɩŋ malɩzɩ ñɛ-ɛsɩyɛ taa kemaɣ› nɛ ŋŋnaɣ ɖaʋ ŋgʋ́ kɩwɛ ña-ñɩnɖɛ taa yɔ?

Yesu tasɩ-wɛ heyuu se: «Ɩɖɔkɩ mɩ-tɩ nɛ mbá pɛcɛtɩɣ se pɛkɛ náyaa yɔ. Pɔkɔŋ mɩ-cɔlɔ lɛ, pɛwɛ ɛzɩ heŋ, naze lɛ, pɛkɛ kpemtɔɔyɩsɩ kañadɩnaa. Ɩkɔŋ-wɛ sɩm nɛ pa-lakasɩ ɛzɩ pasɩŋʋʋ tɩʋ nɛ ki-pee yɔ. Paakoyuu leemuu ŋgone yɔɔ yaa hiyikajásɩ sɔɔ tɩʋ yɔɔ.

Tɩʋ kɩbaŋgʋ lʋlʋʋ pee kɩbana nɛ tɩʋ kɩdɛkɛdʋʋ ñalʋlɩ pee kɩdɛkɛdɛɛ.

Tɩʋ kɩbaŋgʋ ɛɛpɩzɩɣ kʋlʋlɩ pee kɩdɛkɛdɛɛ nɛ tɩʋ kɩdɛkɛdʋʋ ñaapɩzɩɣ kʋlʋlɩ pee kɩbana.

Tɩʋ ŋgʋ́ kɩɩlʋlʋʋ pee kɩbana yɔ, pɛsɛtɩɣ-kʋ nɛ paɖʋ-kʋ miŋ taa.