Populiarios Biblijos eilutės iš Maatiyee 6

Dalintis

Ɩcalɩnɩ ñɩnʋʋ Ɛsɔ Kewiyaɣ nɛ mbʋ́ e-liu wɛɛ yɔ nɛ ɛtɛzɩ-mɩ haʋ mbʋ́ pɩtɛɖɩɣ-mɩ yɔ pɩtɩŋa payɩ.

Pʋ-yɔɔ lɛ, ɩtaayɔkɩ mɩ-ñʋŋ cee tɔm yɔɔ sɔnɔ nɛ pɩkɩlɩ. Mbʋ́ pʋyɔɔ yɔ, paa kɩyakʋ ŋgʋ́ nɛ kʋ-tɔm.»

Yesu tasɩ-wɛ heyuu se: «Ɩtaanɩɣzɩ mbʋ́ ɩɩtɔɔ nɛ ɩñɔɔ nɛ wondu ndʋ́ iisuu mi-wezuu caɣʋ taa yɔ pʋ-yɔɔ. Mbʋ́ pʋyɔɔ yɔ, wezuu kɩlɩ tɔɔnaɣ wazaɣ nɛ tomnaɣ ñakɩlɩ wondu wazaɣ.

Ña lɛ, yee ŋsɛɣ Ɛsɔ lɛ, ŋsʋʋ ño-kuduyuu tɛɛ nɛ ŋɖɩɣ ñɔ-yɔɔ nɛ ŋsɛɛ Caa weyi paanaɣ-ɩ yɔ. Ɛnʋ naɣnɩ mbʋ́ ŋlakɩ mɛsaɣ tɛɛ yɔ nɛ ɛkɔɔ ɛhɛyɩ-ŋ.

Mɩ lɛ, ɩsɛɛ Ɛsɔ se: ‹Đa-Caa weyi ña ŋwɛ ɛsɔdaa yɔ, ña-hɩɖɛ ɛsɛɛ paa le. Ñe-kewiyaɣ ɛkɔɔ, yele pala ñe-liu ñɩm tataa cɩnɛ ɛzɩ palakʋʋ ɛsɔdaa yɔ.

Ha-ɖʋ sɔnɔ kɩyakʋ tɔɔnaɣ.

Kpeɣ-ɖʋ ɖa-kɩwɛɛkɩm ɛzɩ ɖikpeɣu ɖɔɖɔ mbá payʋsɩnɩ-ɖʋ yɔ.

Taayele nɛ pɩtakɩ-ɖʋ, ɛlɛ́, lɩzɩ-ɖʋ Satanɩ nesi taa. [ Mbʋ́ pʋyɔɔ yɔ, ñatɩnɩ kewiyaɣ nɛ ɖoŋ nɛ koboyaɣ patɩŋa payɩ tam. Pɩla ḿbʋ́!]›

«Meheyiɣ-mɩ se: yee ikpeɣ ɛyáa lɛlaa pa-kɩwɛɛkɩm mbʋ́ palabɩ-mɩ yɔ yɔ, mɩ-Caa weyi ɛwɛ ɛsɔdaa yɔ, ekpeɣiɣ-mɩ ɖɔɖɔ mɩ-ñɩmbʋ.

Ɩcɔnɩ sumasɩ ɛsɔdaa nɛ ɩna: siiɖuu, sɩɩkʋŋ. Sɩfɛyɩnɩ kpoŋ. Paa ḿbʋ́ yɔ, mɩ-Caa weyi ɛwɛ ɛsɔdaa yɔ, ɛcalɩɣ-sɩ. Mɩ mɩtakɩlɩ-sɩ wazaɣ tam sakɩyɛ Ɛsɔ ɛsɩndaa yaa we?

Yesu tasɩ-wɛ heyuu se: «Ɩtaañɩnɩ ñɩm nɛ ikpeɣli-pʋ kedeŋa yɔɔ. Mbʋ́ pʋyɔɔ yɔ, ŋgbam nɛ kálɩkɔ́daɣ pamʋʋ-pʋ yaa mɩ́láa yɔkʋʋ nɛ pamɩlɩ-pʋ. Ɛlɛ́, ikpeɣli-pʋ ɛsɔdaa ɖenɖe ŋgbam nɛ kálɩkɔ́daɣ paapɩzɩɣ pamʋʋ yaa mɩ́láa ɛɛpɩzɩɣ pɔyɔkɩ nɛ pamɩlɩ yɔ. Mbʋ́ pʋyɔɔ yɔ, ɖenɖe ña-ñɩm wɛɛ yɔ, peeɖe ɖɔɖɔ ña-lɩmaɣza wɛɛ.»

Yesu tasɩ-wɛ heyuu se: «Nɔɔyʋ ɛɛpɩzɩɣ ɛla caanaa naalɛ tʋma. Yee ɛlakɩ ḿbʋ́ yɔ, ɛpaɖɩɣ lɛlʋ nɛ ɛsɔɔlɩ lɛlʋ. Yaa pʋtɔma, ɛnɩɣnɩ lɛlʋ nɛ eyele lɛlʋ. Ḿbʋ́ ɖɔɖɔ pʋwɛɛ: ɩɩpɩzɩɣ ɩsa Ɛsɔ nɛ ɩtɛ ɩwɛnɩ liidiye laɣzaɣ.»

Lidaʋ pazɩ tɩnaa mɩ! Ɛsɔ tekizi haʋ ñɩtʋ ndʋ́ tɩwɛ hayɩm taa sɔnɔ nɛ cee pɔkɔŋ-tʋ ɖʋʋ miŋ taa yɔ ɖeu nɛ pɩcandɩnɩ mɩ na?

Ña lɛ, yee ŋhaɣ kʋñɔndɩnaa nabʋyʋ yɔ, taayele nɛ ñɛ-ɛgbaɣdɩnaa maɣmaɣ na. Ha-wɛ mɛsaɣ tɛɛ nɛ ña-Caa weyi ɛnaɣ mbʋ́ ŋlakɩ mɛsaɣ tɛɛ yɔ, ɛhɛyɩ-ŋ.»

Yesu tasɩ-wɛ heyuu se: «Ɩkpa mɩ-tɩ! Ɩtaala mbʋ́ pʋpɔzʋʋ se pala Ɛsɔ nʋmɔʋ taa yɔ ɛyáa samaɣ taa se pana-mɩ. Pɩtɛkɛ ḿbʋ́, ɩɩmʋʋ kɩhɛyʋʋ nakʋyʋ mɩ-Caa weyi ɛwɛ ɛsɔdaa yɔ ɛ-cɔlɔ.

Yesu tasɩ-wɛ heyuu se: «Yee ɩhɔkʋʋ nɔɔ lɛ, ɩtaañɩŋ mɩ-ɛsɩndaa ɛzɩ tɛɛ nɛ pʋ-yɔɔ ñɩma lakʋʋ yɔ. Peyeki se pɛ-ɛsɩndaa ɛlɛɣzɩ nɛ ɛyáa tɩŋa na-wɛ se pɔhɔkʋʋ nɔɔ. Toovenim lɛ, meheyiɣ-mɩ se pɛtɛm pa-kɩhɛyʋʋ mʋ́ʋ. Ña lɛ, yee ŋhɔkʋʋ nɔɔ yɔ, ñɔɔzɩ ña-tɩ camɩyɛ nɛ ɛyáa ɛtaatɩlɩ se ŋhɔkʋʋ nɔɔ. Ɛlɛ́, ña-Caa weyi paanaɣ-ɩ yɔ, ɛnʋ naɣna mbʋ́ pʋwɛ mɛsaɣ tɛɛ yɔ nɛ ɛkɔɔ ɛhɛyɩ-ŋ.»