Populiarios Biblijos eilutės iš လုကာ 8

Dalintis

“မြေအကောင်းမာ ကျစာမျိုးစိတိစာ ထိုစကားတော်ကို နားထောင်ကတ်စာ အရာလည်း အခြားလူတစ်မျိုးနတူကတ်တေ။ သူရို့စာ ထိုစကားတော်ကို ကြားရေအတိုင်း ရိုးသားခြင်းန နုညံ့ခြင်းစိတ်ကို ထားရို့ နနောင်းတည်းထားကတ်တေ အရာ သူရို့စာ တတိုင်းမမြိုင်း နီထိုင်ရို့ ကောင်းစာအသီးကို သီးကတ်တေ။”

“စူးခြုံတောမာ ကျစာမျိုးစိတိစာ ထိုစကားတော်ကို နားထောင်ကတ်စာ အခြားလူတစ်မျိုးနတူကတ်တေ။ သူရို့စာ ထိုစကားတော်ကို ကြားရို့အတိုင်းလည်း သူရို့မာ အိမ်ထောင်ရေး စဉ်းစားခြင်း၊ ပစ္စည်း-ဥစ္စာကို တွယ်တာခြင်း အရာ စဉ့်စိမ်ချမ်းသာခြင်းစာ သူရို့ကို ဖိထားရေ။ ယင်းအတွက်န သူရို့ ဘဝမာ ကောင်းစာ အသီးတိ မသီးနိုင်။

“အရာ ကျောက်နရောစာမြေမာ ကျစာမျိုးစိတိစာ ထိုစကားတော်ကို နားထောင်ကတ်စာ လူတစ်မျိုးနတူကတ်တေ။ သူရို့စာ ထိုစကားတော်ကို ကြားရေချက်ချင်း ဝမ်းသာရို့ လက်ခံကတ်တေ၊ ယေကေလည်း ထိုစကားတော်စာ သူရို့ စိတ်နှလုံးမာ အမြစ် အလှပ မထိုးနိုင်။ ယင်းအတွက်န သူရို့စာ တစ်ရက်နှစ်ရက်တောက်ရာ ကျုံကတ်တေ၊ ယေကေလည်း သူရို့စာ စုံစမ်းခြင်းကို ခံရရေခါ နောက်ဆုတ်လားခကတ်တေ။

သူစာ တပည့်ရို့ကို ပြောလီရေ၊ “နင်ရို့မာ ကျုံခြင်းတရား ဇာမာလည်း?” တပည့်ရို့စာ ကြောက်ပြီးကေ အံ့ဩရို့ ကိုယ်ရို့အချင်းချင်း ပြောကတ်လီရေ၊ “ဒေလူ အသူလည်းဝေး? လီန ရီကိုတိုင်အောင်ပင် အာဏာချကေ သူ့စကားကို နားထောင်ကတ်တေကား!”

လမ်းနားမာ ကျစာမျိုးစိတိစာ ထာဝရဘုရား၏ စကားတော်ကို နားထောင်ကတ်စာ လူတစ်မျိုးနတူကတ်တေ။ သူရို့စာ ထိုစကားတော်ကို ကြားရို့အတိုင်းလည်း မာရ်နတ် လာရို့ သူရို့ စိတ်နှလုံးက စကားတော်ကို နုတ်ယူလားခရေ၊ အကြောင်းကား မာရ်နတ်စာ သူရို့ကို ကျုံခြင်းတရားကနီရို့ ကယ်တင်ခြင်းကို မရစီချင်။

အကြောင်းကား မပေါ်ထွန်းလတ်အောင် ဖုံးရွှက်ထားစာ အကြောင်းအရာ တစ်ခုလည်း မဟိ။ အရာ မသိနိုင်လတ်အောင်၊ မဟုတ်ကေ မပေါ်ထွန်းလတ်အောင် ဖုံးရွှက်ထားစာ အကြောင်းအရာ တစ်ခုလည်း မဟိ။

ထိုမိန်းမစာ တစ်ခုပိုင်လည်း ဖုံးရွှက်ရို့ မတိန်ဆိုစာကို သိရေခါ တုန်ရို့ တုန်ရို့ ယေရှု ရှိက အပြားဝပ်လီရေ။ ယင်းနောက် သူစာ အားကုံးသူ ရှိက ယေရှုကို ဇာ အကြောင်းန ကိုင်လီရေလည်းဆိုစာကို အရာ ကိုယ် ဇာပိုင်ပျင်ရို့ ချက်ချင်း ကောင်းလီရေလည်းဆိုစာကို ယေရှုကို ပြောပြလီရေ။ ယင်းခါ ယေရှုစာ ထိုမိန်းမကို ပြောလီရေ၊ “အယွေ၊ အယွေ ကျုံရေအတွက်န အယွေမာ ရောဂါကောင်းလားခဗျာ။ စိတ်အီးချမ်းသာန ပြန်လားလီဖိ။”

သူရို့စာ ယေရှုအနားတို့ လားရို့ သူ့ကို နှိုးကတ်လီရေ၊ “အသျှင်၊ အသျှင်၊ အကျွန်ရို့ သီရပါဖို့ဗျာ!” ယင်းခါ ယေရှုစာ ထရို့ လီန ရီလှိုင်းလုံးကို ဟောက်လီရေ။ အရာ ချက်ချင်း လီန ရီလှိုင်းလုံးစာ တန့်လားခလီရေ အရာ ဟိသမျ အားကုံး ငြိမ်းလားခလီရေ။