Populiarios Biblijos eilutės iš Yôan 16

Dalintis

My’are ṉwè bulinya p’isam̃u yiṉo, ko ṉwè dwaṉa n’am̃ènjè gôre myè. Aṉwè be jeṉe njuke gô ntye yiṉo; ndô zindyaṉ’irèm̃i yaṉi, my’are keṽa pe ntye yiṉo.

Ndô gô be diwô ôzindyô abyeṉi, wô n’Iṉiṉa ny’ôrèti, gambèṉè nyi be kèndya ṉwè g’ôrèti wôdu; konde nyi ze kambe nyômè, ndô nyi be bulya isam̃u yôdu yi be jogo nyô, amyeza ṉwè kè isam̃u yi re gô bya.

Kwanga gw’egômbe ziṉo aṉwè pa bamby’ezom̃a gw’ini nyam̃. Ṽambyaṉi, gambèṉè aṉwè be pô, ko igeṽi nyaṉi jônya.

Vanga yeṉo, mi bulinya ṉwè ôrèti inè, are mbya gôre ṉwè inè, mi ga gènde, konde ja my’agènda, gambèṉè ôzindyô aṽye gôre ṉwè; ndô ja my’akènda, gambèṉè mi be tôm̃a wô gôre ṉwè. Na gô be bya wô, wi be surye ntye g’ômwanja w’ibe, na g’ômwanja w’ôgôre, na g’ômwanja w’ijèkèlya

Aṉwè kè, aṉw’are n’ekèṽa vèṉo; ndô mi be tô jeṉa ṉwè, ko irèm̃i yaṉi jeṉ’igeṽa, n’igeṽi nyaṉi e zel’ôma wi be bongiṉa ṉwè nyô. Gô ntyugu mèyoṉo aṉwè ze bambye myè ezom̃a. Giligili mi bulinya ṉwè inè, ezom̃’edu zi be bambyô ṉwè gôre Rerè gw’ini nyam̃, e be pa ṉwè zô.

Giligili, mi bulinya ṉwè inè, aṉwè be deṉ’edingô ko ṉwè sèla, ko ntye yi be jeṉ’igeṽa; aṉwè be dwaṉa n’ekèṽa, ndô ekèṽi zaṉi zi be kalw’igeṽa.