Populiarios Biblijos eilutės iš Yôan 15

Dalintis

Myè n’ôgoli, aṉwè n’ampari. Ayè yi dwaṉa gôre myè, na myè gôre yè, ayè jaṉ’ilônd’imyenge, konde aranga myè aṉw’ayolye dende mpongo.

Lwaṉaṉi gôre myè, gambèṉè mi be dwaṉa kè gôre ṉwè. Ga nt’ar’ivari ny’ayolye jaṉ’ilônda nyômè, kaô ny’adwaṉa bata g’ôgoli, yeṉo kè aṉw’ayolye jaṉ’ilônda, kaô aṉw’adwaṉa gôre myè.

J’aṉw’adwaṉa gôre myè, ko agambi mam̃ dwaṉa gôre ṉwè, ṽambyaṉi ôsam̃u edu wi belô ṉwè, gambèṉè wi be pô gôre ṉwè.

Arang’aṉwè avinji myè; ndô my’avinji ṉwè, alôṽya ṉwè, ko ṉwè kènda, ayaṉ’ilônda, ko ilôndi yaṉi dwaṉa, gô ntiṉa nè, ôsam̃u edu wi be bambyô ṉwè gôre Rerè gw’ini nyam̃, e be pa ṉwè wô.

E zel’itonda sipôlô vyagaṉô na siṉo inè, gôr’ôma gô p’em̃èṉo zè g’ômwanja w’indegô sè.

Ivary’edu nyi re gôre myè nyi re nyi pa jaṉ’ilônda, e tômba nyô; n’ivary’edu nyi jaṉ’ilônda, e sènga nyô, ko nyô tô jaṉ’ilônda vyagaṉô.

Wiṉo n’ôzômbyô wam̃ inè: Rondaṉaṉi, ga nt’are myè tonda pa ṉwè.

J’aṉw’ajaṉ’ilônd’imyenge, gambèṉè Reri yam̃ e be pendizyô gô ndaga yiṉo, na yeṉo be dwaṉa ṉwè iṉèngi yam̃.

Myè n’ôgoli wa rèti, ni Reri yam̃ n’ôma wi penjavenja wô.

Jog’ôma alwaṉa gôre myè, gambèṉè afalô, egolaṉi g’ivari, ayôm̃a; ko aṉaga kum̃inya mô, avunga mô g’ôgôṉi, ko mô pya.

My’are ṉwè bulinya p’isam̃u yiṉo inè, igeṽi nyam̃ nyi ga lwaṉe gôre ṉwè, na inè igeṽi nyaṉi nyi ga yônye.

J’aṉw’apenjavenj’isômbyi sam̃, gambèṉè aṉwè be dwaṉa gw’itondi sam̃, ga nt’are myè penjavenja p’isômbya sa Reri yam̃, alwaṉa gw’itondi sè.

Mi sômbya ṉwè isam̃u yiṉo inè, rondaṉaṉi.

Arwe nè, aṉw’aṉaga wi ntye yiṉo, gavoṉo ntye y’atô tond’aṉagi wèmè; ndô gô re nè, aṉwè arang’aṉaga wi ntye yiṉo, na inè, my’avinji ṉwè avila gô ntye yiṉo, yeṉo ntye yi bika ṉwè.