Populiarios Biblijos eilutės iš YOHANES 16

Dalintis

Pura-pura etu nitesaku ka komi ala masana rara komi sabana mosaongu rara ante Aku. Riara dunia e'i komi kana rapandasa. Tapi pakaroso rara komi! Kuasa to naja'a riara dunia e'i nidagikumo!”

Tapi ane maratamo Nosa Nagasa etu I'amo to manggeni komi mangginjani pura-pura pepatuduki to nakonona. I'a da'a motesa nantuki dotana mboto. Tapi nuapa to niepena, etumo to ratesana. Pade I'a kana motesa ka komi nuapa to majadi ri eo nggapurina.

Sampe we'i-we'i komi da'apa nomperapi nuapa-nuapa ante manguli sangaku. Tapi perapimo we'i-we'i pade komi kana rawai ala komi mpu'u-mpu'u madamba!”

Tapi naupa iwetu kakono-konona neliu nggabelo ka komi ane Aku malau. Sabana ane Aku da'a malau Topetulungi da'a marata ri ja'i komi. Tapi ane Aku malau Aku kana mompakau I'a marata ri ja'i komi. Ane Topetulungi etu marata I'a kana mompakanoto ka manusia ri dunia ira nasilaka. Pade rapakanotona wo'u ka ira kanoaku, pade rapakanotona natantumo potangara nu Alatala.

Iwetu wo'u ante komi. We'i-we'i nasusamo rara komi. Tapi Aku kana mosirata bali ante komi pade tempo etu komi kana madamba bali. Pade da'a ria samba'a tau mamala mompakalipo kadamba nu rara komi etu. Tempo etu komi da'a mana mekutana nuapa-nuapa ri ja'iku. Aku mpu'u-mpu'u notesa ka komi, nuapa-nuapa raperapi komi nggari ja'i Umaku ante manguli sangaku kana rawaina ka komi.

Aku mpu'u-mpu'u notesa ka komi, komi kana motumangi bo mageo mpajea manggita nuapa to majadi ri ja'iku, tapi baliku ri dunia e'i kana madamba-damba. Komi kana masusa rara manggita etu tapi kasusa rara komi kana mabali majadi kadamba nu rara.