Populiarios Biblijos eilutės iš YOHANES 15

Dalintis

Aku e'imo walaa anggur pade komi etumo rangga-ranggana. Ane komi maroo mosaongu rara ante Aku pade Aku maroo mosaongu rara ante komi, komi kana mowua madea. Tapi ane komi moga'a nggari ja'iku komi da'a mamala mompowia nuapa-nuapa.

Komi kana maroo mosaongu rara ante Aku pade Aku wo'u maroo mosaongu rara ante komi. Rangga-rangga to noga'a nggari batana da'a mamala mowua. Aga rangga-rangga to nasintaka ri bata kayu etu to mowua. Iwetu wo'u komi da'a mamala mowua ane komi da'a maroo mosaongu rara ante Aku.

Ane komi maroo mosaongu rara ante Aku pade tesaku maroo riara nta'i komi, perapimo nuapa-nuapa to nipodota komi pade etu kana rawai ka komi.

Da'a komi to nompelisi Aku, tapi Aku to nompelisi komi pade nompakau komi malau mowua madea, etumo wua to da'a maopu-opu. Ane komi mowua iwetu nuapa-nuapa raperapi komi nggari ja'i Umaku ante manguli sangaku kana rawaina ka komi.

Iwe'imo jonjo tau mpu'u-mpu'u nompotowe wegana: i'a nombawai katuwuna manjaliku wegana.

Rangga-ranggaku to da'a nowua nikoto nitajiakana. Tapi rangga-rangga to nowua nipegasana mpakabelo-belo ala mantambai kadea nu wuana.

Iwe'imo parentaku kuuli ka komi: posipotowemo samba'a bo samba'a nasimbayu ewa Aku nompotowe komi.

Ane komi mowua madea manotomo komi mpu'u-mpu'u anaguruku. Pade ante iwetu Umaku kana ratoiya bo rabila.

Nanguli wo'umo Yesus ka ira, “Aku e'imo walaa anggur to nakonona, pade Umaku pue ntinalu anggur etu.

Tau da'a naroo nosaongu rara ante Aku kana ratajiaka nasimbayu ewa rangga kayu ratajiaka sampe majadi mangau. Rangga-rangga ewa etu aga rapasiromu ratajiaka riara apu pade rapalabu.

Pura-pura e'i niuliku ka komi ala kadamba nu raraku mamala wo'u rarasai komi pade ala komi mpu'u-mpu'u madamba rara.

Ane komi mantuki parenta-parentaku, komi mpu'u-mpu'u maroo mosaongu rara ante Aku pade mombarasai pepotoweku nasimbayu ewa Aku wo'u nantuki parenta Umaku pade naroo nosaongu rara ante I'a pade nombarasai pepotowena.

Jadi iwe'imo parentaku ka komi: posipotowemo samba'a bo samba'a.”

Ane rapana komi nosimporoa ante tau da'a nomparasaya Aku, natantumo ira kana mompotowe komi sabana komi roa ira mboto. Tapi komi da'a nosimporoa ante ira sabana Aku nompelisi komi ala malai nggari ja'i ira. Jadi etu sampe ira nomporau rara komi.