Populiarios Biblijos eilutės iš Lk 8

Dalintis

Ĩndĩ nasyo mbeke ila syavalũkile mũthanganĩ mũseo, asu nĩ andũ ala mamina kwĩw'a ĩla ndeto na ngoo nzeo na yĩna ũw'o, mamĩlũmasya na kwa kũmĩĩsya mayĩthĩwa na ũsyao.

Mbeke ila syavalũkile mĩw'anĩ nasyo nĩ andũ ala mew'aa ĩla ndeto, ĩndĩ maendee mainyitwa nĩ kwĩmakĩa na kwenda ũthwii na motanu ma nthĩ ĩno, ũyĩthĩa mayumya ũsyao o na ũmwe.

Nasyo mbeke ila syavalũkile mavianĩ nĩ andũ ala mew'aa ĩla ndeto na maimyosa na ũtanu. Ĩndĩ ti ndiku mathayũnĩ moo. Maĩkĩĩaa o kwa kavinda kanini, na malika matatwanĩ mayĩkya ngoo.

Nĩvo ĩndĩ Yesũ wakũlilye amanyĩw'a make atĩĩ, “Inyw'ĩ mũviĩte mũĩkĩĩo wenyu va?” Ĩndĩ mo me na w'ĩa mwingĩ na maseng'ete nĩmakũlanilye atĩĩ, “Mũndũ ũũ nĩ wa mũthemba mwaũ ũkwĩaĩa o na iuutani na itulumo na iimwĩw'a?”

Mbeke ila syavalũkile nzĩanĩ nĩ andũ ala mew'aa ndeto ya Ngai, ĩndĩ Satani ayũka na aimĩvulya kuma ngoonĩ syoo, nĩ kana maikaĩkĩĩe na kũtangĩĩwa.

“Maũndũ onthe ala mavithe makaumĩlw'a ũtheinĩ, na syĩmbithĩ syonthe ikamanyĩka na kumbũanw'a.

Yĩla ũla mũndũ mũka wamanyie kana ndatonya kwĩvithĩkya, nĩweeyumĩlilye athĩlĩĩte atulya ndu mbee wa Yesũ. Vau mbee wa andũ onthe nĩwatavanisye kĩla kyatuma amũkwata, na ũndũ wavow'a o vau kwa vau. Yesũ nĩwamwĩie atĩĩ, “Mwĩĩtu wakwa, nĩwavow'a nũndũ wa mũĩkĩĩo waku; enda na mũuo.”

Amanyĩw'a nĩmaendie vala ve Yesũ na mamũamũkya mamwĩĩte atĩĩ, “Mwĩai, Mwĩai, twĩ vakuvĩ kũkw'a!” Yesũ nĩwookĩlile eeaĩa kĩuutani na itulumo na syausya kwavindya ki.