Populiarios Biblijos eilutės iš Lk 7

Dalintis

Kwoou eka ngũtavye, mũndũ mũka ũũ nĩwaekewa naĩ syake ila syĩĩ mbingĩ, na nĩkyo kyatuma onany'a wendo wingĩvĩte ũu. Ĩndĩ ũla ũekewe o kaindo kanini, onanasya wendo mũnini.” Nĩvo ĩndĩ Yesũ weeie mũndũ mũka ũsu atĩĩ, “Nĩwaekewa naĩ syaku.”

Ĩndĩ Yesũ eea mũndũ mũka ũsu atĩĩ, “Mũĩkĩĩo waku nĩwakũtangĩĩa; enda na mũuo.”

Nĩwaendie aũngama ĩtina wa Yesũ, vakuvĩ na maũũ make. Nĩwaĩĩte na methoi make nĩmetĩkĩaa maũũ ma Yesũ. Nĩwanyaisye maũũ ma Yesũ na nzw'ĩĩ yake, amamumunya na wendo mwingĩ na amavaka ala mauta.

O na ndinona nĩ mwaĩlu kũka vala ũĩ nyie mwene. Ĩndĩ neena o ndeto tũ, na mũthũkũmi wakwa nũkũvoa. Nyie o nakwa nĩ ungu wa anene angĩ, na nĩ na asikalĩ nĩũngamĩe. Nĩnĩaa mũsikalĩ ũmwe nĩathi, na aithi, na ndyĩa ũngĩ nĩoke, na ayũka. O na nĩnĩaa mũthũkũmi wakwa nĩeke ũndũ mũna, na ayĩka.” Yesũ eew'a ũu nĩwaseng'ie mũno, na athyũũkĩa ĩkomano yĩla yamũatĩĩe ayĩa atĩĩ, “Ekai nĩmũtavye, ndyaamba kwona mũĩkĩĩo ta ũũ o na nthĩnĩ wa Ĩsilaeli!”

Kavindanĩ o kau Yesũ nĩwavoisye andũ aingĩ maĩ na mowau ma kĩla mũthemba, na andũ malikĩtwe nĩ maveva mathũku, na atonyethya andũ aingĩ maĩ ilalinda kwona nthĩ. Nĩvo ĩndĩ wasũngĩie ala atũmwa amea atĩĩ, “Endai mũkamũtavye Yoana maũndũ ala mwoona na ala mweew'a: Andũ meĩ ilalinda yu nĩmekwona nthĩ, na ala meĩ athũku maũũ nĩmekũthi nesa; andũ meĩ awau mangũ nĩmavoetw'e makathea, na ala meĩ au matũ nĩmekwĩw'a nthĩ. O ta ũu, andũ manaĩ akw'ũ nĩmasyũkĩtw'e, na ngya nitavĩtw'e Ũvoo Mũseo.