1&2 Batesaloniki

Ba-Ebre

1 & 2 Timote

1 & 2 Petelo

Bakolose

Jake

Biblica® Open Lingala Contemporary Bible™, Audio Edition

Lélé - 1991 TCH (NT) Drama

<div class="version vid1964 iso6393lin" data-vid="1964" data-iso6393="lin">
 <div class="book bk1JN">
 <div class="chapter ch3" data-usfm="1JN.3">
 <div class="label">3</div><div class="p"> 1Botala bolingo monene oyo Tata atalisaki biso mpo ete tobengama bana na Nzambe&#160;! Mpe tozali solo bana na Nzambe. Tala tina nini mokili eyebi biso te&#160;: ezali mpo ete eyebi Nzambe te.</div><div class="p"> 2Balingami na ngai, tozali sik&#8217;oyo bana na Nzambe&#160;; kasi oyo tokokoma emonisami nanu te. Nzokande, toyebi solo ete tango Klisto akomimonisa, tokokoma lokola Ye&#160;; pamba te tokomona Ye ndenge penza Ye azalaka. 3Moto nyonso oyo azali na elikya ya ndenge wana kati na Klisto amipetolaka, ndenge Klisto azali peto.</div><div class="p"> 4Moto nyonso oyo asalaka masumu abukaka mibeko ya Nzambe&#160;; pamba te kosala lisumu ezali&#160;: kobuka mibeko ya Nzambe. 5Nzokande, boyebi malamu ete Klisto ayaki mpo na kolongola masumu&#160;; mpe kati na Ye, lisumu ezali te. 6Moto nyonso oyo azali moko na Klisto asalaka masumu te, mpe moto nyonso oyo asalaka masumu atikala nanu te komona mpe koyeba Yesu.</div><div class="p"> 7Bana na ngai, tika ete moto moko te akosa bino. Moto oyo atambolaka na bosembo azali sembo ndenge Ye moko Klisto azali sembo. 8Moto oyo amipesaka na masumu azali ya Satana, pamba te Satana asalaka masumu wuta na ebandeli. Nzokande Mwana na Nzambe ayaki penza mpo na kobebisa misala ya Satana. 9Moto nyonso oyo akoma mwana na Nzambe akobaka te kosala masumu, pamba te nguya ya bomoi ya bonzambe ezali kosala kati na ye&#160;; akoki te kokoba kosala masumu, pamba te azali mwana na Nzambe.</div><div class="p"> 10Tala ndenge nini bana na Nzambe bakeseni na bana ya Satana&#160;: moto nyonso oyo atambolaka te na bomoi ya sembo mpe alingaka ndeko na ye te azali mwana na Nzambe te.</div><div class="s1">Bolingo kati na bandeko</div><div class="p"> 11Pamba te, tala Sango Malamu oyo boyokaki wuta na ebandeli&#160;: Tolinganaka biso na biso. 12Boye tika ete moko te azala lokola Kayina oyo azalaki moto ya Satana mpe abomaki ndeko na ye. Mpo na nini Kayina abomaki Abeli, ndeko na ye&#160;? Ezali mpo ete misala ya Kayina ezalaki mabe, kasi misala ya Abeli, ndeko na ye, ezalaki sembo.</div><div class="p"> 13Bandeko na ngai, bokamwa te soki mokili ezali koyina bino. 14Toyebi ete tosila kolongwa na kufa mpe tokoma na bomoi mpo ete tolingaka bandeko na biso. Moto oyo alingaka ndeko na ye te azali nanu na se ya bokonzi ya kufa. 15Moto nyonso oyo ayinaka ndeko na ye azali mobomi&#160;; mpe boyebi malamu ete mobomi ata moko te azali na bomoi ya seko kati na ye. 16Tala ndenge nini toyebi ndimbola ya bolingo&#160;: Yesu-Klisto akabaki bomoi na Ye mpo na biso. Boye biso mpe tosengeli kokaba bomoi na biso mpo na bandeko na biso.</div><div class="p"> 17Soki moto moko azali na biloko ya mokili oyo, bongo amoni ndeko na ye kokelela mpo na eloko songolo kasi aboyi kosunga ye&#160;; boni, moto wana azali na bolingo ya Nzambe kati na ye&#160;? 18Bana na ngai, tika ete bolingo na biso esukaka kaka te na lolemo to na maloba ya sukali&#160;; kasi tika ete emonisamaka nde na misala mpe na solo.</div><div class="p"> 19Ezali na ndenge wana nde tokoyeba ete tozali kati na solo, mpe mitema na biso ekotonda na elikya liboso ya Nzambe&#160;; 20pamba te soki ata mitema na biso elongisi biso te, toyebi ete Nzambe azali monene koleka mitema na biso mpe ayebi nyonso. 21Balingami na ngai, soki mpe mitema na biso elongisi biso, tokozala kaka na elikya makasi na Nzambe. 22Apesaka biso nyonso oyo tosengaka epai na Ye, pamba te totosaka mibeko na Ye mpe tosalaka makambo oyo esepelisaka Ye. 23Mpe tala mobeko oyo apesa biso&#160;: kondima Yesu-Klisto, Mwana na Ye, mpe kolingana biso na biso, ndenge atindaki biso.</div><div class="p"> 24Moto oyo atosaka mibeko na Ye awumelaka kati na Nzambe, mpe Nzambe awumelaka kati na ye. Bongo ndenge nini toyebaka ete Nzambe azali kowumela kati na biso&#160;? Ezali na nzela ya Molimo Mosantu oyo apesaki biso.</div>
 </div>
 </div>
</div>

Mokanda na Bomoi™ Makomi na se ya bokonzi © 2002, 2020 Biblica, Inc. Esalelami na ndingisa ya Biblica. Makoki nyonso ebatelema kati na mokili mobimba. Lingala Contemporary Bible™ Copyright © 2002, 2020 by Biblica, Inc. Used with permission. All rights reserved worldwide.

<div class="version vid1964 iso6393lin" data-vid="1964" data-iso6393="lin">
 <div class="book bk1JN">
 <div class="chapter ch4" data-usfm="1JN.4">
 <div class="label">4</div><div class="s1">Basakoli ya solo mpe ya lokuta</div><div class="p"> 1Balingami na ngai, bondimaka te bato nyonso oyo babetaka tolo mpo na koloba ete batondisami na Molimo ya Nzambe&#160;; kasi bomeka bango mpo na koyeba soki bazali penza ya Nzambe, pamba te basakoli ebele ya lokuta basili kopanzana na mokili. 2Tala ndenge nini bokoyeba soki bazali na Molimo ya Nzambe&#160;: moto nyonso oyo azali kondima ete Yesu-Klisto akomaki moto azali na Molimo ya Nzambe. 3Moto nyonso oyo azali kondima Yesu te azali na Molimo ya Nzambe te, kasi azali na molimo ya monguna ya Klisto, oyo boyokaki na tina na ye ete azali koya mpe azali sik&#8217;oyo kati na mokili.</div><div class="p"> 4Bino, bana na ngai, bozali ya Nzambe mpe bosili kolonga basakoli yango ya lokuta, pamba te Ye oyo azali kati na bino azali na nguya koleka ye oyo azali kati na mokili. 5Basakoli ya lokuta bazali ya mokili&#160;; balobaka kolanda elobeli ya mokili, mpe mokili eyokaka bango. 6Biso, tozali ya Nzambe&#160;; mpe moto nyonso oyo ayebi Nzambe ayokaka biso. Kasi moto oyo azali ya Nzambe te ayokaka biso te. Ezali ndenge wana nde toyebaka Molimo ya solo mpe molimo ya libunga.</div><div class="s1">Nzambe azali bolingo</div><div class="p"> 7Balingami na ngai, tolinganaka biso na biso, pamba te Nzambe azali bolingo. Moto nyonso oyo azali na bolingo azali ya Nzambe mpe ayebi Nzambe. 8Moto oyo azangi bolingo ayebi Nzambe te, pamba te Nzambe azali bolingo.</div><div class="p"> 9Botala ndenge nini Nzambe atalisaki biso bolingo na Ye&#160;: atindaki Mwana na Ye se moko kati na mokili mpo ete tozala na bomoi ya solo na nzela na Ye. 10Bolingo yango emonani na likambo oyo&#160;: ezali biso te bato tolingaki Nzambe, kasi Ye nde alingaki biso mpe atindaki Mwana na Ye mpo ete azala mbeka mpo na bolimbisi masumu na biso.</div><div class="p"> 11Balingami na ngai, lokola Nzambe alingaki biso mingi penza, biso mpe tosengeli kolingana biso na biso. 12Moto moko te asila komona Nzambe&#160;; nzokande soki tozali kolingana biso na biso, Nzambe azali kati na biso mpe bolingo na Ye ezali ya kokoka kati na biso.</div><div class="p"> 13Tala ndenge nini toyebaka ete tozali kati na Nzambe, mpe Nzambe azali kati na biso&#160;: ezali na nzela ya Molimo na Ye, oyo apesa biso. 14Tosilaki komona Ye mpe totatolaka ete Tata atinda Mwana na Ye mpo ete azala Mobikisi ya mokili.</div><div class="p"> 15Moto oyo andimaka ete Yesu azali Mwana na Nzambe, Nzambe azali kati na ye, mpe ye azali kati na Nzambe. 16Mpe biso toyebi mpe tozali na kondima kati na bolingo oyo Nzambe azali na yango mpo na biso. Nzambe azali bolingo, mpe moto oyo abikaka kati na bolingo abikaka kati na Nzambe, mpe Nzambe abikaka kati na ye. 17Tala mpo na nini bolingo ezali ya kokoka kati na biso&#160;: ezali mpo ete tozala na elikya ya kokoka na mokolo ya kosambisama&#160;; pamba te kati na mokili oyo, ndenge Klisto azali, ndenge biso mpe tozali.</div><div class="p"> 18Kati na bolingo, kobanga ezalaka te&#160;; kasi bolingo oyo ezali ya kokoka elongolaka bobangi, pamba te bobangi ebendaka etumbu. Mpe moto oyo abangaka azali nanu ya kokoka te kati na bolingo. 19Biso, tolingaka mpo ete Nzambe alingaki biso, ya liboso.</div><div class="p"> 20Soki moto alobi ete alingaka Nzambe, kasi azali lisusu koyina ndeko na ye, azali mokosi. Pamba te moto oyo alingaka te ndeko na ye, oyo amonaka akoki kolinga te Nzambe oyo amonaka te.</div><div class="p"> 21Kutu, Klisto apesaki biso mobeko oyo&#160;: moto oyo alingaka Nzambe asengeli mpe kolinga ndeko na ye.</div>
 </div>
 </div>
</div>

1,2, & 3 YoaneMwa ndambo

Makomi