2 Bakolinto

1&2 Batesaloniki

Ba-Ebre

1 & 2 Timote

Bagalatia

1,2, & 3 Yoane

Bakolose

1 & 2 Petelo

Ba-Efeso

Bafilipi

Biblica® Open Lingala Contemporary Bible™, Audio Edition

Lélé - 1991 TCH (NT) Drama

<div class="version vid1964 iso6393lin" data-vid="1964" data-iso6393="lin">
 <div class="book bk1CO">
 <div class="chapter ch9" data-usfm="1CO.9">
 <div class="label">9</div><div class="s1">Polo aboyi kosalela makoki na ye</div><div class="p"> 1Boni, nazali nsomi te&#160;? Nazali ntoma te&#160;? Namona te Yesu, Nkolo na biso&#160;? Bozali mbuma ya mosala na ngai te kati na Nkolo&#160;? 2Soki, mpo na bato mosusu, nazali ntoma te, kasi mpo na bino, nazali solo ntoma, pamba te bino bozali kashe ya bontoma na ngai kati na Nkolo.</div><div class="p"> 3Tala eyano na ngai epai ya bato oyo basambisaka ngai&#160;: 4Boni, tozangi makoki ya kolia mpe ya komela&#160;? 5Tozangi makoki ya kotambola elongo na mwasi moklisto, ndenge bantoma mosusu mpe bandeko ya Nkolo mpe Petelo basalaka&#160;? 6Boni, ezali kaka ngai mpe Barnabasi nde tosengeli kosala&#160;? 7Nani asalaka mosala ya soda na mbongo na ye moko&#160;? Nani alonaka elanga ya vino mpo alia mbuma na yango te&#160;? Nani abatelaka etonga mpo amela miliki na yango te&#160;? 8Boni, ezali kaka na bomoto nde nazali koloba bongo&#160;? Boni, mobeko elobi mpe bongo te&#160;? 9Solo, ekomama kati na mobeko ya Moyize&#160;: &#171;&#160;Osengeli te kokanga monoko ya ngombe oyo ezali konika bambuma.&#160;&#187; Boni, bokanisi ete Nzambe azalaki nde komitungisa mpo na bangombe&#160;? 10Ezali te mpo na biso nde alobaki bongo&#160;? Solo, ezali mpo na biso nde ekomamaki bongo&#160;; pamba te moto oyo azali kotimola asengeli kosala yango na elikya, mpe oyo azali kobeta mbuma asengeli kosala yango na elikya ete akozwa eteni na ye. 11Boni, soki tolonaki nkona ya molimo kati na bino, ezali penza mabe soki tobuki kati na bino mbuma ya biloko oyo maboko ekoki kosimba&#160;? 12Soki bato mosusu bazali kosalela makoki wana ya kozwa biloko epai na bino, tosengeli te, biso, kosalela yango koleka&#160;?</div><div class="p">Nzokande, tosalelaki makoki yango te, tokangaka kaka motema na makambo nyonso, mpo ete tozala epekiselo te liboso ya Sango Malamu ya Klisto. 13Boyebi te ete bato oyo basalaka kati na Tempelo baliaka bilei kowuta na Tempelo, mpe ete ba-oyo basalaka na etumbelo bazwaka eteni na bango kati na mbeka oyo ebonzami na etumbelo&#160;? 14Ndenge moko mpe, Nkolo apesaki mitindo ete bato oyo bateyaka Sango Malamu babika bomoi na bango na nzela ya Sango Malamu. 15Kasi ngai, nasaleli makoki na ngai ata moke te, mpe ezali te mpo na kosenga yango nde nakomeli bino mokanda oyo&#160;; pamba te nakosepela kutu kokufa na esika ete moto mosusu abebisa tina ya lokumu na ngai. 16Koteya Sango Malamu ezali likambo oyo ngai nasengeli te komikumisa na yango, pamba te mosala yango epesamelaki ngai na makasi. Mawa na ngai soki nateyi te Sango malamu&#160;! 17Soki mokano ya koteya ewutaki epai na ngai moko, nalingaki solo kozwa lifuti&#160;; kasi lokola mokano yango ewutaki epai na ngai te, nazali kaka kokokisa mosala oyo epesamelaki ngai. 18Bongo lifuti na ngai ezali penza nini&#160;? Ezali nde kokaba na ofele Sango Malamu oyo nazali koteya, na kozanga kozwa lifuti oyo Sango Malamu yango epesi ngai.</div><div class="p"> 19Solo, atako nazali nsomi na miso ya bato nyonso, kasi namikomisa mowumbu ya bato nyonso, mpo ete namema bato ebele koleka epai ya Yesu-Klisto. 20Tango nazalaka elongo na Bayuda, nakomaka lokola Moyuda mpo ete namema bango epai ya Klisto&#160;; tango nazalaka elongo na bato oyo bazali na se ya bokonzi ya Mibeko, nakomaka lokola moto oyo azali na se ya bokonzi ya Mibeko, mpo ete namema bango epai ya Klisto, atako ngai moko nazali na se ya bokonzi ya Mibeko te. 21Tango nazalaka elongo na bato oyo bazali na se ya bokonzi ya Mibeko te, nakomaka mpe lokola moto oyo azali na se ya bokonzi ya Mibeko te, mpo ete namema bango epai ya Klisto&#160;; nzokande natosaka Mibeko ya Nzambe, pamba te natosaka Mibeko ya Klisto. 22Tango nazalaka elongo na bato oyo balenda te na kondima, nakomaka lokola moto alenda te na kondima, mpo ete namema bango kati na kondima epai ya Klisto. Namikomisaka nyonso epai ya bato nyonso, mpo na kobikisa ndambo ya bato kati na bango.</div><div class="p"> 23Mpe nasalaka makambo wana nyonso mpo na Sango Malamu, mpo ete ngai mpe nazwa mapamboli na ngai kati na yango. 24Boni, boyebi te ete bato oyo bakimaka mbangu kati na lisano ya kopota mbangu, bango nyonso bapotaka mbangu, kasi moto moko kaka nde azwaka mbano&#160;? Bino mpe bopota mbangu lokola ye, na lolenge ya kozwa mbano. 25Bato nyonso oyo basalaka masano bamipekisaka makambo ebele&#160;; basalaka bongo mpo na kozwa motole oyo ebebaka&#160;; kasi biso, tosalaka bongo mpo na kozwa motole oyo ebebaka te. 26Yango wana ngai, nazali kopota mbangu na bozoba te, nazali kobeta makofi bibetabeta te. 27Kasi nakonzaka nzoto na ngai, nakomisaka yango lokola mowumbu, pamba te nabangaka kozanga mbano sima na ngai koteya bato mosusu.</div>
 </div>
 </div>
</div>

Mokanda na Bomoi™ Makomi na se ya bokonzi © 2002, 2020 Biblica, Inc. Esalelami na ndingisa ya Biblica. Makoki nyonso ebatelema kati na mokili mobimba. Lingala Contemporary Bible™ Copyright © 2002, 2020 by Biblica, Inc. Used with permission. All rights reserved worldwide.

<div class="version vid1964 iso6393lin" data-vid="1964" data-iso6393="lin">
 <div class="book bk1CO">
 <div class="chapter ch10" data-usfm="1CO.10">
 <div class="label">10</div><div class="s1">Ndakisa ya botomboki ya Isalaele</div><div class="p"> 1Bandeko, nalingi boyeba malamu likambo oyo&#160;: Bakoko na biso bazalaki bango nyonso na se ya lipata, bakatisaki bango nyonso ebale monene, 2babatisamaki bango nyonso mpo na Moyize kati na lipata mpe kati na ebale monene, 3baliaki bango nyonso bilei ya molimo ya ndenge moko, 4mpe bamelaki bango nyonso mayi ya molimo ya ndenge moko&#160;; pamba te bazalaki komela na libanga ya molimo, oyo ezalaki kotambola elongo na bango&#160;; mpe libanga yango ezalaki Klisto. 5Nzokande, Nzambe asepelaki te na mingi kati na bango&#160;; solo, babomaki bango kati na esobe.</div><div class="p"> 6Ezali bandakisa mpo na biso, mpo ete tolula makambo mabe te ndenge bango balulaki. 7Bozala basambeli ya banzambe ya bikeko te, ndenge bamosusu kati na bango bazalaki, kolanda ndenge ekomama&#160;: &#171;&#160;Bato bavandaki mpo na kolia mpe mpo na komela, mpe batelemaki mpo na kosakana.&#160;&#187;</div><div class="p"> 8Tosengeli te kosala pite, ndenge bamosusu kati na bango basalaki&#160;; mpe, na mokolo moko, bato nkoto tuku mibale na misato bakufaki.</div><div class="p"> 9Tosengeli mpe te komeka Klisto, ndenge bamosusu kati na bango basalaki&#160;; mpe banyoka ebomaki bango mpo ete eswaki bango.</div><div class="p"> 10Boyimaka-yimaka te ndenge bamosusu kati na bango bayimaki-yimaki, mpe anjelu mobebisi abomaki bango.</div><div class="p"> 11Makambo wana nyonso ekweyelaki bango mpo ete ezala ndakisa mpo na biso, mpe ekomamaki mpo na kokebisa biso oyo tokomi na tango ya suka. 12Yango wana, tika ete moto oyo azali kokanisa ete azali ya kotelema asala keba ete akweya te&#160;!</div><div class="p"> 13Komekama oyo ekomelaki bino ekomelaka bato nyonso&#160;; mpe Nzambe azali Moyengebene&#160;; akotika te ete bomekama koleka makasi na bino. Kasi na tango ya komekama, akobongisela bino nzela ya kobima na komekama yango, mpe akopesa bino makasi ya kotelemela yango.</div><div class="s1">Kozala moko te elongo na banzambe ya bikeko</div><div class="p"> 14Yango wana, balingami na ngai, bokima kosambela banzambe ya bikeko.</div><div class="p"> 15Nazali koloba na bino lokola na bato ya mayele&#160;; botala bino moko soki makambo oyo nazali koloba ezali malamu to mabe. 16Boni, kopo ya elambo oyo, mpo na yango, tozongisaka matondi epai ya Nzambe, ekomisaka biso te moko na makila ya Klisto&#160;? Lipa oyo tokataka ekomisaka biso te moko na nzoto ya Klisto&#160;? 17Lokola lipa ezali kaka moko, biso nyonso tozali kosala nzoto kaka moko atako tozali ebele, pamba te biso nyonso tokabolaka lipa yango kaka moko.</div><div class="p"> 18Bokanisa nanu Isalaele&#160;! Boni, bato oyo baliaka banyama oyo epesami lokola mbeka bazalaka moko te na etumbelo&#160;? 19Nalingi koloba nini&#160;? Nalingi koloba ete misuni ya banyama oyo ebonzami lokola mbeka epai ya banzambe mosusu, mpe yango moko nzambe ya ekeko, ezali na tina&#160;? 20Te&#160;! Kasi lokola babonzaka bambeka na bango epai ya milimo mabe mpe epai ya oyo ezali Nzambe te, naboyi ete bozala moko na milimo mabe. 21Bokoki te komela oyo ezali kati na kopo ya Nkolo mpe komela lisusu oyo ezali kati na kopo ya milimo mabe&#160;; bokoki te kolia na mesa ya Nkolo mpe kolia lisusu na mesa ya milimo mabe. 22Boni, tolingi nde kotumbola zuwa ya Nkolo&#160;? Boni, tozali makasi koleka Ye&#160;?</div><div class="s1">Tosala nyonso mpo na lokumu ya Nzambe</div><div class="p"> 23Bolobaka&#160;: &#171;&#160;Nazali na ndingisa ya kosala nyonso,&#160;&#187; nzokande nyonso ezali na litomba te&#160;; &#171;&#160;Nazali na ndingisa ya kosala nyonso,&#160;&#187; nzokande nyonso elendisaka te.</div><div class="p"> 24Tika ete moto moko te aluka bolamu na ye moko kaka, kasi aluka mpe bolamu ya moto mosusu&#160;!</div><div class="p"> 25Boliaka nyonso oyo etekamaka na zando, na komipesa mituna te na tina na yango, noki te bobebisa mitema na bino. 26Pamba te mabele mpe nyonso oyo ezali kati na yango ezali ya Nkolo.</div><div class="p"> 27Soki moto oyo azali mondimi te abengisi yo, mpe ondimi kokende epai na ye, lia nyonso oyo bakopesa yo, na komipesa mituna te, noki te obebisa motema na yo. 28Kasi soki moto moko alobi na yo&#160;: &#171;&#160;Mosuni oyo ebonzamaki lokola mbeka epai ya nzambe ya ekeko,&#160;&#187; kolia yango te, likolo ya moto oyo akebisi yo mpe mpo ete obebisa te motema na yo. 29Awa, nazali koloba te na tina na motema na yo, kasi na tina na motema ya moto yango, pamba te mpo na nini motema ya moto mosusu elandela bonsomi na ngai&#160;? 30Soki naliaka na kozongisa matondi epai ya Nzambe, mpo na nini kopamela ngai na tina na oyo, ngai, nazongiselaka matondi epai ya Nzambe&#160;?</div><div class="p"> 31Boye, ezala kolia to komela, nyonso oyo bokoki kozala kosala, bosalaka nyonso mpo na lokumu ya Nzambe.</div><div class="p"> 32Bozalaka libaku te, ezala mpo na Bayuda, mpo na Bagreki to mpo na Lingomba ya Nzambe. 33Yango wana, ngai, kati na makambo nyonso, nasalaka makasi mpo na kosepelisa bato nyonso&#160;; nalukaka litomba na ngai moko te, kasi nalukaka bolamu ya bato ebele, mpo ete babika.</div>
 </div>
 </div>
</div>

1 BakolintoMwa ndambo

Makomi

Oyo etali Ebongiseli oyo

Bibongiseli oyo ekokani