Ba-Ebre

1 Bakolinto

2 Bakolinto

1&2 Batesaloniki

1 & 2 Timote

Ba-Efeso

Bagalatia

Bakolose

Bafilipi

1 & 2 Petelo

Biblica® Open Lingala Contemporary Bible™, Audio Edition

Lélé - 1991 TCH (NT) Drama

<div class="version vid1964 iso6393lin" data-vid="1964" data-iso6393="lin">
 <div class="book bkROM">
 <div class="chapter ch5" data-usfm="ROM.5">
 <div class="label">5</div><div class="s1">Kimia elongo na Nzambe</div><div class="p"> 1Yango wana, lokola tokomi bato ya sembo na nzela ya kondima, tozali na kimia elongo na Nzambe na nzela ya Nkolo na biso, Yesu-Klisto 2oyo na nzela na Ye, tozwi ndingisa, na nzela ya kondima, ya kozwa ngolu oyo kati na yango tozali kowumela mpe tozali komikumisa kati na elikya ete tokobika nkembo ya Nzambe. 3Tozali mpe komikumisa kati na pasi, pamba te toyebi ete pasi ebotaka koyika mpiko, 4koyika mpiko ememaka elonga kati na komekama, mpe elonga kati na komekama ebotaka elikya. 5Nzokande, elikya ekosaka te, pamba te Nzambe asopaki bolingo na Ye kati na mitema na biso na nzela ya Molimo Mosantu oyo Ye Nzambe apesaki biso.</div><div class="p"> 6Solo, wana tozalaki nanu bato na bolembu, Klisto akufaki mpo na bato ya masumu, na tango oyo Nzambe abongisaki. 7Ezali pasi komona moto kondima kokufa mpo na moto ya sembo&#160;; tango mosusu, moto akoki kondima kokufa mpo na moto ya malamu. 8Kasi tala ndenge nini Nzambe alakisi biso bolingo na Ye&#160;: wana tozalaki nanu bato ya masumu, Klisto akufelaki biso.</div><div class="p"> 9Lokola tokomi sik&#8217;oyo bato ya sembo na nzela ya makila na Ye, Klisto akobikisa biso mpe na kanda ya Nzambe. 10Solo, wana tozalaki nanu banguna ya Nzambe, Ye moko Nzambe azongisaki boyokani na biso elongo na Ye na nzela ya kufa ya Mwana na Ye. Boye lokola azongisi boyokani yango, akobikisa biso mpe na nzela ya bomoi ya mwana na Ye. 11Yango kaka te&#160;! Tozali mpe komikumisa kati na Nzambe na nzela ya Yesu-Klisto, Nkolo na biso, oyo azongisi boyokani na biso elongo na Nzambe.</div><div class="s1">Adamu mpe Yesu-Klisto</div><div class="p"> 12Yango wana, ndenge lisumu ekotaki na mokili na nzela ya moto moko, mpe kufa na nzela ya lisumu, ndenge wana mpe kufa ekangaki bato nyonso na nzela ya lisumu, pamba te bato nyonso basalaki masumu.</div><div class="p"> 13Solo, liboso ete Nzambe apesa Mobeko, lisumu ezalaki kati na mokili, kasi lisumu ekoki kotangama te soki Mobeko ezali te. 14Nzokande, wuta na tango ya Adamu kino na tango ya Moyize, kufa ezalaki na bokonzi ata epai ya bato oyo basalaki masumu te, na lolenge ya Adamu oyo abukaki mobeko mpe azali elilingi ya moto oyo asengelaki koya.</div><div class="p"> 15Kasi ezali na bokeseni monene kati na likabo ya ofele ya Nzambe mpe lisumu&#160;! Pamba te soki lisumu ya moto moko ememelaki bato ebele kufa, ngolu ya Nzambe mpe likabo ya ofele oyo eyaki na nzela ya ngolu ya moto moko, Yesu-Klisto, efulukaki meke mpo na bato ebele. 16Likabo ya Nzambe ezali na motuya makasi koleka mabe ya lisumu ya moto moko&#160;: likolo ya lisumu moko, kosambisama eyei mpe ememi etumbu&#160;; kasi likolo ya masumu ebele, likabo ya ngolu eyei mpe elongoli etumbu. 17Pamba te soki na nzela ya mabe ya moto moko, kufa ezwaki bokonzi likolo ya moto wana se moko, ndenge nini bato oyo bazwaka bomengo ya ngolu ya Nzambe mpe likabo ya bosembo bazala na bokonzi te kati na bomoi na nzela ya Yesu-Klisto Ye moko&#160;!</div><div class="p"> 18Na mokuse, ndenge mabe ya moto moko ememelaki bato nyonso etumbu, ndenge wana mpe mosala ya moto moko mpo na kokokisa bosembo ememeli bato nyonso bonsomi mpe bomoi. 19Pamba te ndenge kozanga botosi ya moto moko ekomisaki bato ebele bato ya masumu, ndenge wana mpe botosi ya moto moko ekomisi bato ebele bato ya sembo.</div><div class="p"> 20Mobeko eyaki mpo ete lisumu ebotana. Kasi epai lisumu ebotanaki, ngolu efulukaki koleka 21mpo ete, ndenge lisumu elakisaki bokonzi na yango na nzela ya kufa, ngolu mpe elakisa bokonzi na yango na nzela ya bosembo mpo na komema na bomoi ya seko na nzela ya Yesu-Klisto, Nkolo na biso.</div>
 </div>
 </div>
</div>

Mokanda na Bomoi™ Makomi na se ya bokonzi © 2002, 2020 Biblica, Inc. Esalelami na ndingisa ya Biblica. Makoki nyonso ebatelema kati na mokili mobimba. Lingala Contemporary Bible™ Copyright © 2002, 2020 by Biblica, Inc. Used with permission. All rights reserved worldwide.

<div class="version vid1964 iso6393lin" data-vid="1964" data-iso6393="lin">
 <div class="book bkROM">
 <div class="chapter ch6" data-usfm="ROM.6">
 <div class="label">6</div><div class="s1">Kufa mpo na lisumu mpe bomoi kati na Klisto</div><div class="p"> 1Boye, toloba nini&#160;? Tosalaka na biso masumu mpo ete ngolu efuluka koleka&#160;? 2Soki moke te&#160;! Biso oyo tosila kokufa mpo na lisumu, ndenge nini tozongela lisusu kotambola kati na masumu&#160;? 3Boni, boyebi te ete biso nyonso oyo tosila kobatisama kati na Yesu-Klisto tozwaki nde libatisi kati na kufa na Ye&#160;? 4Bakundaki biso elongo na Ye na nzela ya libatisi kati na kufa na Ye mpo ete, lokola Klisto asekwaki kati na bakufi na nzela ya nkembo ya Tata, biso mpe totambola na bomoi ya sika.</div><div class="p"> 5Pamba te soki tosanganaki elongo na Ye kati na kufa na Ye, solo tokosangana mpe elongo na Ye kati na lisekwa na Ye. 6Pamba te toyebi malamu ete bomoto ya kala ebakamaki na ekulusu elongo na Klisto mpo ete nzoto na biso lokola esalelo ya lisumu ekufa mpe tozala lisusu bawumbu ya lisumu te. 7Moto nyonso oyo asilaki kokufa atangamaki lokola moto ya sembo&#160;: azali lisusu te na se ya bokonzi ya lisumu. 8Nzokande, lokola tosila kokufa elongo na Klisto, tozali kondima ete tokozala mpe na bomoi elongo na Ye. 9Pamba te toyebi malamu ete Klisto oyo asekwaki kati na bakufi akokufa lisusu te&#160;; kufa ezali lisusu na bokonzi te likolo na Ye. 10Akufaki mpo na lisumu mbala moko mpo na libela&#160;; kasi sik&#8217;oyo azali na bomoi, mpe azali na bomoi mpo na Nzambe.</div><div class="p"> 11Boye bino mpe, bomimona lokola bakufi mpo na lisumu, kasi lokola bato ya bomoi mpo na Nzambe kati na Yesu-Klisto. 12Yango wana, tika ete lisumu ezala lisusu na bokonzi te kati na banzoto na bino, oyo ekokufa&#160;; mpe bosengeli lisusu te kotosa baposa na yango ya mabe. 13Bokaba biteni ya banzoto na bino te na lisumu lokola bisalelo mpo na mabe, kasi bomikaba bino moko epai na Nzambe lokola bato oyo basekwa kati na bakufi mpe bazali na bomoi&#160;; mpe bokabela Ye biteni ya banzoto na bino lokola bisalelo mpo na bosembo. 14Pamba te lisumu ekozala lisusu na bokonzi te likolo na bino, pamba te bozali lisusu na se ya bokonzi ya Mobeko te, kasi na se ya ngolu.</div><div class="p"> 15Boye toloba nini&#160;? Tokoba kosala masumu mpo ete tozali na se ya bokonzi ya Mobeko te kasi na se ya ngolu&#160;? Soki moke te&#160;! 16Boni, boyebi te ete soki bomikabi epai ya moto lokola bawumbu mpo na kotosa ye bokomi nde bawumbu ya moto oyo bozali kotosa to bawumbu ya lisumu oyo ememaka na kufa to bawumbu ya botosi oyo ememaka na bosembo&#160;? 17Kasi tika ete tozongisa matondi epai ya Nzambe&#160;! Soki na kala bozalaki bawumbu ya lisumu, kasi sik&#8217;oyo bokomi kotosa na motema mobimba mateya oyo bateyaki bino, 18bosili kokangolama na bowumbu ya lisumu mpe bokomi bawumbu ya bosembo.</div><div class="p"> 19Nazali koloba awa lokola moto mpo na bolembu na bino ya bomoto. Ndenge na kala, bokabaki biteni ya banzoto na bino na bowumbu ya misala ya mbindo mpe ya mabe mpo na kosala mabe, ndenge wana mpe bokaba yango sik&#8217;oyo na bowumbu ya bosembo mpo na kotambola na bomoi ya bosantu. 20Tango bozalaki nanu bawumbu ya lisumu, bozalaki na bonsomi liboso ya bosembo. 21Nzokande, litomba nini bozwaki na tango wana oyo bozalaki kosala makambo oyo ezali koyokisa bino lelo soni, pamba te ememaka na kufa&#160;? 22Kasi awa bolongwe sik&#8217;oyo na se ya bowumbu ya lisumu mpe bokomi na se ya bowumbu ya Nzambe, litomba oyo bozwi ezali bomoi ya bosantu, mpe suka na yango ezali bomoi ya seko. 23Pamba te lifuti ya lisumu ezali kufa, kasi likabo ya ofele ya Nzambe ezali bomoi ya seko kati na Yesu-Klisto, Nkolo na biso.</div>
 </div>
 </div>
</div>

BaromeMwa ndambo

Makomi

Oyo etali Ebongiseli oyo

Bibongiseli oyo ekokani