Barome

2 Bakolinto

1 & 2 Timote

1 Bakolinto

1&2 Batesaloniki

Ba-Ebre

Bagalatia

Ba-Efeso

Bakolose

1,2, & 3 Yoane

Biblica® Open Lingala Contemporary Bible™, Audio Edition

Lélé - 1991 TCH (NT) Drama

<div class="version vid1964 iso6393lin" data-vid="1964" data-iso6393="lin">
 <div class="book bkACT">
 <div class="chapter ch17" data-usfm="ACT.17">
 <div class="label">17</div><div class="s1">Polo mpe Silasi na Tesalonika</div><div class="p"> 1Sima na Polo mpe Silasi kolekela na Afipolisi mpe na Apolonia, bakendeki na Tesalonika epai wapi ndako ya mayangani ya Bayuda ezalaki. 2Ndenge momesano na ye ezalaki, Polo akotaki na ndako ya mayangani. Basaba misato, asololaki na bato oyo bazalaki kuna na tina na Makomi. 3Azalaki kotalisa mpe kolakisa bango polele ete Klisto asengelaki komona pasi mpe kosekwa kati na bakufi. Azalaki koloba na bango&#160;:</div><div class="pi1">&#8212; Yesu oyo nazali koteya bino, Ye nde azali Klisto.</div><div class="p"> 4Ndambo ya Bayuda bandimisamaki mpe basanganaki na Polo mpe Silasi&#160;; ndenge moko mpe na bato mingi ya Grese, oyo bazalaki kogumbamela Nzambe, mpe basi ebele ya lokumu.</div><div class="p"> 5Kasi Bayuda mosusu basalaki zuwa&#160;; bakendeki kozwa bato ya mobulu oyo batambolaka pamba-pamba na balabala, basangisaki bango mpe babimisaki mobulu kati na engumba. Bakendeki mbangu na ndako ya Jazoni mpo na koluka Polo mpe Silasi mpo ete bamema bango liboso ya ebele ya bato. 6Kasi lokola bamonaki bango te, bamemaki Jazoni mpe bandeko mosusu liboso ya bakambi ya engumba na koganga&#160;:</div><div class="pi1">&#8212; Bato oyo bazali koningisa mokili mobimba bakomi sik&#8217;oyo awa, 7mpe Jazoni ayambi bango lokola babengami kati na ndako na ye. Bango nyonso bazali kobuka mibeko ya Sezare, pamba te bazali koloba&#160;: &#171;&#160;Mokonzi mosusu azali, Kombo na Ye&#160;: Yesu&#160;!&#160;&#187;</div><div class="p"> 8Tango ebele ya bato mpe bakambi ya engumba bayokaki bongo, batombokaki makasi. 9Boye, bafutisaki Jazoni mpe bandeko mosusu lomande mpe, na sima, batikaki bango.</div><div class="s1">Polo mpe Silasi kati na engumba Bere</div><div class="p"> 10Wana butu ekomaki, bandeko bakimisaki Polo mpe Silasi noki-noki na Bere. Tango bakomaki kuna, bakotaki na ndako ya mayangani ya Bayuda. 11Nzokande, Bayuda ya Bere bazalaki bato ya boboto koleka bato ya Tesalonika, pamba te bayambaki Liloba na motema mobimba mpe, mokolo na mokolo, bazalaki koyekola na mozindo Makomi mpo na kotala soki makambo oyo Polo azali koteya bango ezali ya solo. 12Bayuda ebele kati na bango bandimaki&#160;; ndenge moko mpe, kati na bato ya Grese, basi mingi ya lokumu mpe mibali ebele bandimaki.</div><div class="p"> 13Kasi tango Bayuda ya Tesalonika bayokaki ete Polo azali koteya Liloba na Nzambe na Bere, mingi kati na bango bayaki mpe kuna mpo na kotia songisongi kati na bato mpo ete batomboka. 14Bongo, kaka na tango yango, bandeko basalaki ete Polo akende na ebale mpo na kozwa masuwa, wana Silasi mpe Timote batikalaki na Bere. 15Bato oyo bakendeki kotika Polo bamemaki ye kino na Ateni&#160;; mpe na mitindo ya Polo, bazongaki na Bere koyebisa Silasi mpe Timote ete balanda ye noki na Ateni.</div><div class="s1">Polo kati na Ateni</div><div class="p"> 16Wana Polo azali kozela bango kati na Ateni, motema na ye etungisamaki mingi na komona ete engumba yango etonda na banzambe ya bikeko. 17Boye, azalaki kosolola na Bayuda mpe Bagreki oyo bazalaki kogumbamela Nzambe kati na ndako ya mayangani, mpe na bato oyo azalaki kokuta, mokolo na mokolo, na bisika oyo bato ebele bakutanaka. 18Ndambo ya bato ya mayele oyo balandaka malakisi ya Epikire mpe ya Zenon bakomaki kotiana tembe na ye. Bamoko batunaki&#160;:</div><div class="pi1">&#8212; Moto oyo ya makelele alingi koloba nini&#160;?</div><div class="p">Bamosusu balobaki&#160;:</div><div class="pi1">&#8212; Tomoni lokola nde azali kolobela banzambe ya bapaya&#160;!</div><div class="p">Balobaki bongo mpo ete Polo azalaki koteya Sango Malamu na tina na Yesu mpe lisekwa kati na bakufi. 19Boye bakamataki ye, bamemaki ye na Areopaje#17.19 Areopaje ezalaki ngomba moko ya mokuse epai wapi Likita-Monene ya bato ya Ateni ezalaki kosangana. mpe balobaki na ye&#160;:</div><div class="pi1">&#8212; Boni, tokoki koyeba soki mateya ya sika oyo ozali koteya elingi koloba nini&#160;? 20Pamba te ozali koloba na biso makambo ya sika. Yango wana, tolingi koyeba soki makambo yango elakisi penza nini. 21(Bato nyonso ya Ateni mpe bapaya oyo bazalaki kovanda kuna bazalaki kolekisa tango mingi mpo na koloba mpe koyoka basango ya sika).</div><div class="p"> 22Polo atelemaki liboso ya bato oyo basanganaki na Areopaje mpe alobaki&#160;:</div><div class="pi1">&#8212; Bato ya Ateni&#160;! Nasosoli ete, na makambo nyonso, bolingaka mingi makambo ya bonzambe. 23Pamba te tango nazalaki kotambola kati na engumba na bino mpe kotala bikeko oyo bosambelaka, namonaki kutu etumbelo moko bakoma na likolo na yango&#160;:</div><div class="pc">Mpo na Nzambe oyo ayebani te.</div><div class="m">Nzokande, ngai nayei koteya bino Nzambe oyo bosambelaka ata boyebi Ye te.</div><div class="pi1"> 24Nzambe oyo asala mokili mpe biloko nyonso oyo ezali kati na yango azali Nkolo ya Likolo mpe ya mokili, avandaka te kati na batempelo oyo maboko ya bato etonga. 25Mpe azalaka na posa te ya masungi ya bato, pamba te akoka na nyonso. Nzokande, Ye nde apesaka bato nyonso bomoi, pema mpe biloko nyonso. 26Wuta na moto moko, asalaki mabota nyonso ya bato, mpo ete bakoka kovanda na mokili mobimba&#160;; mpe akataki tango mpo na moto na moto mpe atiaki bandelo mpo na bisika na bango ya kovanda. 27Nzambe asalaki bongo mpo ete bato bakoka koluka Ye, tango mosusu bakolonga komona Ye na kolukaluka lokola mokufi miso. Nzokande, na bosolo, azali mosika te ya moko na moko kati na biso. 28Pamba te, ezali na nzela na Ye nde tozalaka na bomoi, toninganaka mpe tozalaka oyo tozali, ndenge bakomi na bino mosusu baloba&#160;: &#171;&#160;Tozali bana na ye&#160;!&#160;&#187;</div><div class="pi1"> 29Yango wana, lokola tozali bana na Nzambe, tosengeli te kokanisa ete bonzambe ekokani na elilingi ya wolo, ya palata to ya libanga, lokola nzambe ya ekeko oyo esalemi na maboko mpe mayele ya moto. 30Nzokande, lokola Nzambe atalaka te tango ya kozanga boyebi, kasi azali sik&#8217;oyo kosenga ete bato nyonso, na bisika nyonso oyo bazali, babongola mitema. 31Pamba te akata mokolo oyo akosambisa mokili mobimba na bosembo nyonso, na nzela ya moto oyo Ye asila kopona. Atalisaki bosolo na yango epai ya bato nyonso, na nzela ya kosekwisa moto yango kati na bakufi.</div><div class="p"> 32Tango bayokaki Polo koloba na tina na lisekwa ya bakufi, bamoko basekaki ye, mpe bamosusu balobaki&#160;:</div><div class="pi1">&#8212; Tokoyoka yo mokolo mosusu na tina na likambo oyo.</div><div class="p"> 33Na bongo, Polo atikaki bango. 34Nzokande, bato mosusu balandaki Polo mpe bakomaki bandimi. Kati na bango, ezalaki&#160;: Denisi, moto ya Areopaje&#160;; mwasi moko oyo kombo na ye ezali Damarisi, mpe bato mosusu.</div>
 </div>
 </div>
</div>

Mokanda na Bomoi™ Makomi na se ya bokonzi © 2002, 2020 Biblica, Inc. Esalelami na ndingisa ya Biblica. Makoki nyonso ebatelema kati na mokili mobimba. Lingala Contemporary Bible™ Copyright © 2002, 2020 by Biblica, Inc. Used with permission. All rights reserved worldwide.

<div class="version vid1964 iso6393lin" data-vid="1964" data-iso6393="lin">
 <div class="book bkACT">
 <div class="chapter ch18" data-usfm="ACT.18">
 <div class="label">18</div><div class="s1">Polo kati na Kolinto</div><div class="p"> 1Sima na yango, Polo atikaki Ateni mpe akendeki na Kolinto. 2Kuna, akutanaki na Moyuda moko, kombo na ye ezalaki &#171;&#160;Akilasi.&#160;&#187; Azalaki moto ya mboka Ponti. Akilasi awutaki koya kala te longwa na Itali, elongo na mwasi na ye, Prisile, pamba te mokonzi Klode apesaki mitindo ete Bayuda nyonso balongwa na Rome. Boye, Polo akendeki kotala bango&#160;; 3mpe lokola Polo azalaki kosala mosala moko na bango, mosala ya kosala bandako ya kapo, avandaki epai na bango mpe akomaki kosala elongo na bango. 4Mikolo nyonso ya Saba, Polo azalaki koteya kati na ndako ya mayangani mpe azalaki koluka kondimisa Bayuda mpe bato ya Grese.</div><div class="p"> 5Tango Silasi mpe Timote bayaki wana wuta na Masedwane, Polo akomaki kolekisa tango na ye nyonso kaka na koteya Liloba mpe kotalisa solo epai ya Bayuda ete Yesu azali Klisto. 6Kasi tango Bayuda bakomaki kotelemela Polo mpe kofinga ye, apupolaki bilamba na ye mpe alobaki&#160;:</div><div class="pi1">&#8212; Tika ete makila na bino etangama likolo ya mito na bino moko&#160;! Ngai nazali lisusu na ngambo te. Kobanda lelo, nakokende na ngai epai ya bato ya bikolo ya bapaya.</div><div class="p"> 7Boye, Polo atikaki bango mpe akendeki na ndako ya Titisi Yusitusi, mogumbameli ya Nzambe, oyo ndako na ye ezalaki pembeni ya ndako ya mayangani. 8Krispisi, mokambi ya ndako ya mayangani, elongo na libota na ye mobimba bazalaki na kondima epai ya Nkolo&#160;; mpe bato mingi ya Kolinto oyo bazalaki koyoka Polo bakomaki bandimi ya Nkolo mpe bazwaki libatisi.</div><div class="p"> 9Mokolo moko, na butu, Nkolo alobaki na Polo kati na emoniseli&#160;: Kobanga te, koba kaka koloba, kokanga monoko te. 10Nazali na yo elongo, mpe moto moko te akolonga kobundisa yo mpe kosala yo mabe, pamba te nazali na bato mingi kati na engumba oyo.</div><div class="p"> 11Boye, Polo avandaki na Kolinto, mobu moko na ndambo, mpe azalaki koteya bango Liloba na Nzambe.</div><div class="p"> 12Wana Galioni azalaki moyangeli ya Akayi, Bayuda bayokanaki mpo na kokanga Polo, mpe bamemaki ye na esambiselo 13mpe bafundaki ye boye&#160;:</div><div class="pi1">&#8212; Moto oyo azali koluka kondimisa bato ete bagumbamela Nzambe na lolenge oyo mibeko epekisa.</div><div class="p"> 14Tango kaka Polo alingaki koloba, Galioni alobaki na Bayuda&#160;:</div><div class="pi1">&#8212; Bino Bayuda, soki moto oyo asalaki mabe to likambo moko ya sembo te, nalingaki solo koyokela bino. 15Kasi lokola ezali kaka likambo ya tembe na tina na makambo oyo etali maloba, bakombo mpe mibeko na bino, wana etali kaka bino moko&#160;; ngai naboyi kozala mosambisi ya makambo ya boye.</div><div class="p"> 16Boye, abenganaki bango na esambiselo. 17Mpe bango nyonso bakangaki Sositeni, mokambi ya ndako ya mayangani, mpe babetaki ye liboso ya esambiselo. Kasi Galioni atalaki yango se pamba.</div><div class="s1">Polo alekeli na Antioshe</div><div class="p"> 18Polo avandaki lisusu mwa mikolo na Kolinto. Bongo, atikaki bandeko, akotaki na masuwa mpe akendeki na Siri elongo na Prisile mpe Akilasi. Liboso na Polo kolongwa na libongo ya Sankresi, akokolisaki suki ya moto na ye, pamba te alapaki ndayi. 19Tango bakomaki na Efeso, Polo atikaki Akila mpe Prisile. Akendeki ye moko na ndako ya mayangani mpo na kosolola na Bayuda. 20Basengaki ete awumela mwa mikolo elongo na bango, kasi Polo aboyaki. 21Atikaki bango na koloba&#160;:</div><div class="pi1">&#8212; Nakozongela bino lisusu, soki Nzambe alingi.</div><div class="p">Wuta na Efeso, azwaki masuwa mpe akendeki. 22Tango akomaki na Sezarea, amataki na Yelusalemi mpo na kopesa Lingomba mbote&#160;; sima, akendeki na Antioshe.</div><div class="p"> 23Sima na Polo kovanda mwa mikolo na Antioshe, alongwaki kuna mpe alekaki na etuka ya Galatia mpe ya Friji, na kolendisa bayekoli nyonso.</div><div class="s1">Apolosi kati na Efeso mpe Kolinto</div><div class="p"> 24Moyuda moko ayaki na Efeso, kombo na ye ezalaki &#171;&#160;Apolosi.&#160;&#187; Abotamaki na Alekizandri, ayebaki koloba malamu mpe ayebaki bozindo ya Makomi. 25Bateyaki ye nzela ya Nkolo&#160;; mpe, lokola azalaki molende, azalaki koloba mpe kolakisa na bosolo makambo oyo etali Yesu atako ayebaki kaka libatisi ya Yoane. 26Abandaki koloba na molende nyonso kati na ndako ya mayangani. Kasi tango Prisile mpe Akilasi bayokaki ye, babengisaki ye na ndako na bango mpe balimbolelaki ye malamu penza nzela ya Nzambe.</div><div class="p"> 27Lokola Apolosi azalaki na likanisi ya kokende na Akayi, bandeko balendisaki ye mpe bakomelaki bayekoli ya Kolinto ete bayamba ye malamu. Tango akomaki kuna, na ngolu na Nzambe, azalaki lisungi monene mpo na bato oyo bakomaki bandimi, 28pamba te maloba na ye ezalaki kosukisa tembe ya Bayuda na miso ya bato nyonso, mpe azalaki kotalisa na polele, na nzela ya Makomi, ete Yesu azali Klisto.</div>
 </div>
 </div>
</div>

Misala ya BantomaMwa ndambo

Makomi

Oyo etali Ebongiseli oyo

Bibongiseli oyo ekokani