Makanisi Ya Mpongo | Eteni 2

Etinda Monene Eteni 1

Makanisi Ya Mpongo | Eteni 1

Etinda Monene Eteni 2

Biblica® Open Lingala Contemporary Bible™, Audio Edition

Lélé - 1991 TCH (NT) Drama

<div class="version vid1964 iso6393lin" data-vid="1964" data-iso6393="lin">
 <div class="book bk1PE">
 <div class="chapter ch4" data-usfm="1PE.4">
 <div class="label">4</div><div class="s1">Kobika mpo na Nzambe</div><div class="p"> 1Lokola Klisto amonaki pasi kati na nzoto na Ye, bino mpe bosengeli kotambola na makanisi ya ndenge wana&#160;; pamba te Ye oyo amonaki pasi kati na nzoto na Ye asilisaki nguya ya lisumu, 2mpo ete botambola te kolanda baposa mabe ya nzoto, kasi kolanda mokano ya Nzambe, na mikolo oyo botikali na yango ya kobika awa na mokili. 3Solo, na kala, bolekisaki tango mingi na kosala makambo oyo Bapagano basalaka&#160;: kindumba, baposa mabe ya nzoto, milangwa, lokoso ya kolia mpe ya komela, mpe kosambela bikeko ya nkele. 4Kasi sik&#8217;oyo, Bapagano bazali kokamwa ete bozali kosangana lisusu te elongo na bango kati na bomoi wana ya kindumba makasi&#160;; yango wana bakomi kobebisa lokumu na bino na nzela ya matongi. 5Kasi bakosamba liboso ya Nzambe oyo akosambisa penza bato ya bomoi mpe bakufi. 6Yango wana mpe kutu Yesu ateyaki Sango Malamu ata epai ya bato oyo bazali sik&#8217;oyo ya kokufa mpo ete basambisama kolanda mibeko ya bato na oyo etali nzoto mpe babika bomoi kolanda mokano ya Nzambe na oyo etali Molimo.</div><div class="ms1">Bomoi kati na Lingomba</div><div class="s1">Kosungana kati na bana na Nzambe</div><div class="p"> 7Suka ya makambo nyonso ekomi pene&#160;; yango wana, botambola na bwanya mpe na mayele mpo ete bokoka kosambela. 8Liboso na nyonso, bolinganaka makasi, pamba te bolingo ezipaka masumu ebele. 9Boyambanaka malamu lokola nde boyambi bapaya kati na bandako na bino, bosalaka bongo na koyimayima te.</div><div class="p"> 10Kati na bino, moto nyonso azwaki likabo kowuta na Nzambe&#160;; boye, mpo na bolamu ya baninga, tika ete asalela yango lokola mobateli malamu ya lolenge nyonso ya ngolu ya Nzambe. 11Tika ete moto oyo azali na likabo ya koloba asakola Liloba na Nzambe&#160;; tika ete moto oyo azali na likabo ya kosunga bato asala yango na makasi oyo Nzambe apesi ye mpo ete, kati na makambo nyonso, Nzambe azwa lokumu na nzela ya Yesu-Klisto. Tika ete nkembo mpe nguya ezonga epai na Ye mpo na libela na libela&#160;! Amen&#160;!</div><div class="s1">Bana ya Nzambe mpe bapasi</div><div class="p"> 12Balingami, bokamwa te bapasi oyo bozali komona, lokola nde likambo ya kokamwa ekomeli bino. 13Bosepela nde, pamba te bozali kosangana na bapasi ya Klisto mpo ete botonda mpe na esengo tango akomonisa nkembo na Ye. 14Soki bafingi bino likolo ya Kombo ya Klisto, bozali bato ya esengo, pamba te Molimo ya nkembo, Molimo ya Nzambe, azali likolo na bino.</div><div class="p"> 15Tika ete moko te kati na bino amona pasi mpo ete azali mobomi to moyibi, moto mabe to moto oyo akotaka makambo ya bato mosusu&#160;; 16nzokande soki azali komona pasi mpo ete azali Moklisto, wana tika ete ayokela yango soni ata moke te, kasi akumisa nde Nzambe mpo na Kombo yango. 17Pamba te tokomi na tango oyo kosambisama ezali kobanda epai ya bato ya Nzambe. Bongo soki ebandi epai na biso, ekosuka ndenge nini epai ya bato oyo batosaka te Sango Malamu ya Nzambe&#160;? 18Pamba te Makomi elobi&#160;: &#171;&#160;Soki ezali na pasi makasi nde moto ya sembo abikisami, ekozala boni mpo na moto mabe mpe mosumuki&#160;?&#160;&#187;</div><div class="p"> 19Boye tika ete bato oyo bazali komona pasi mpo ete batosaka mokano ya Nzambe bamipesa mobimba na Mokeli na bango oyo azali sembo, mpe tika ete basalaka bolamu.</div>
 </div>
 </div>
</div>

Mokanda na Bomoi™ Makomi na se ya bokonzi © 2002, 2020 Biblica, Inc. Esalelami na ndingisa ya Biblica. Makoki nyonso ebatelema kati na mokili mobimba. Lingala Contemporary Bible™ Copyright © 2002, 2020 by Biblica, Inc. Used with permission. All rights reserved worldwide.

1 na 2 ya PeteloMwa ndambo

Makomi

Oyo etali Ebongiseli oyo

Bibongiseli oyo ekokani

Makanisi Ya Mpongo | Eteni 2

Etinda Monene Eteni 1

Makanisi Ya Mpongo | Eteni 1

Etinda Monene Eteni 2