Tika Lisano Ya Kopamela Basusu | Eteni 2Mwa ndambo

Bolimbisi

Bolimbisi ezali na lolenge ya kotelema mpe ya kokita; moto epai na Nzambe mpe moto epai ya moto mosusu. Lokola tozali bato ya masumu, tozalaka masumu epai na Nzambe mpe epai na bazalani na biso. Soki olingi ete Nzambe alimbisa yo, osengeli nano kolimbisa baoyo basali yo mabe. Kobomba nkanda te na bato, motema na yo ezali moke mingi mpo na kobomba ata moto moko na kati na yango mpe moto bobele moko oyo asengeli kozala wana ezali bongo Yesu Klisto.

Esengeli kaka bango baya kosenga yo bolimbisi mpo olimbisa bango, Te. Okoki kolimbisa bango ata soki baye kosenga yo bolimbisi te. Okozanga eloko moko te soki olimbisi bato, nzokande Nzambe akolimbisa yo mpe boyokani na yo na ye ekokoma makasi. Kozanga kolimbisa ebotaka nkanda, mpe ntango ozali na nkanda, makanisi na yo ekokoma mabe mpo na bato, mpe lolenge na yo ya kotalela bomoi mobimba ebebaki. Mpe ntango otelemi mpo na kobondela, soki ozali na likambo na moyo mosusu, limbisa ye, mpo ete Tata na yo ya likolo, alimbisa masumu na yo.

Libondeli: Nazali kolimbisa baoyo nyonso basali ngai mabe na lolenge moko to mosusu. Ata soki mabe na bango ezali monene to moke, nalimbisi bango. Nazali monene mingi mpo na kobokola koyina na motema na ngai mpo na moto songolo to pakala. Nakolinga bato mpamba te bakelama na elilingi mpe lolenge ya Nzambe. Natondi yo botondi tata mpo na kolimbisi na ngai, na nkombo na Yesu nasambeli, AMEN.

Botangi mosusu: Malako 11:25|Bakolosai 3:13|Matayo 6:14-15|Ba Efeso 4:31-32| Yoane 1:9|