Tobikisami Mpo Na Kosala | Eteni 3

Tobikisami Mpo Na Kosala | Eteni 1

Tobikisami Mpo Na Kosala | Eteni 4

1 Thessalonika

Tobikisami Mpo Na Kosala | Eteni 2

2 Timoteo

Biblica® Open Lingala Contemporary Bible™, Audio Edition

Lélé - 1991 TCH (NT) Drama

<div class="version vid1964 iso6393lin" data-vid="1964" data-iso6393="lin">
 <div class="book bkGAL">
 <div class="chapter ch5" data-usfm="GAL.5">
 <div class="label">5</div><div class="ms1">Bomoi kati na Molimo</div><div class="s1">Tozali na bonsomi kati na Klisto</div><div class="p"> 1Ezali mpo ete tozala bansomi nde Klisto akangolaki biso. Yango wana, botelema ngwi mpe bozonga lisusu na bowumbu te.</div><div class="p"> 2Ngai Polo, nazali koloba na bino ete soki bokatisi ngenga, Klisto akozala lisusu na tina te epai na bino. 3Nazali koyebisa lisusu na moto nyonso oyo akatisi ye moko ngenga ete asengeli kotosa makambo nyonso oyo Mobeko etindaka. 4Bino oyo bolukaka kokoma sembo na nzela ya kotosa mibeko, bozali ya kokabwana na Klisto, bozali lisusu na se ya ngolu ya Nzambe te.</div><div class="p"> 5Kasi biso, na lisungi ya Molimo, tozali kozela na elikya kokoma sembo na nzela ya kondima. 6Pamba te, kati na Yesu-Klisto, likambo ya tina ezali&#160;: kozala na kondima oyo esalaka na nzela ya bolingo&#160;; ezali te&#160;: kokatama ngenga to kokatama ngenga te.</div><div class="p"> 7Bozalaki kopota mbangu malamu&#160;! Bongo nani apengwisi bino mpo ete botika kotosa bosolo&#160;? 8Likanisi ya boye ewuti te epai ya Ye oyo abengaki bino. 9Mwa levire moke evimbisaka potopoto nyonso ya mapa. 10Ngai nandimisami mpo na bino kati na Nkolo ete bokotikala kozala na makanisi mosusu te&#160;; mpe ete moto oyo azali kotia mobulu kati na makanisi na bino akozwa etumbu, ezala ata nani. 11Bandeko na ngai, soki nazalaki nanu koteya tina ya kokatisa ngenga, mpo na nini nanyokolama lisusu&#160;? Soki ezali bongo, mateya ya ekulusu elingaki lisusu kobetisa bato mabaku te. 12Boye tika ete bato oyo bazali kotia mobulu kati na bino bamilongola ata banzoto ya mibali&#160;!</div><div class="s1">Molimo mpe nzoto ya masumu</div><div class="p"> 13Bandeko na ngai, Nzambe abenga bino mpo ete bozala bansomi. Kasi tika ete bonsomi yango ekoma te mpo na bino libaku malamu ya kotambola kolanda baposa ya nzoto. Nzokande, na nzela ya bolingo, bosunganaka bino na bino. 14Pamba te Mobeko nyonso ekokisami kati na liloba kaka moko&#160;: &#171;&#160;Linga moninga na yo ndenge yo moko omilingaka.&#160;&#187; 15Soki bozali kotukana mpe kozokisana, bosala keba ete bobomana te bino na bino.</div><div class="p"> 16Boye, tala makambo oyo nazali koloba na bino&#160;: Botambola kolanda baposa ya Molimo, mpe bokokokisa te baposa ya bomoto na bino. 17Pamba te baposa ya bomoto ebundisaka baposa ya Molimo, mpe baposa ya Molimo ebundisaka baposa ya bomoto. Nyonso mibale ebundisanaka mpo ete bolonga te kosala makambo oyo bolingi kosala. 18Kasi soki Molimo atambolisi bino, bokozala na se ya bokonzi ya Mobeko te.</div><div class="p"> 19Tala misala ya bomoto&#160;: kindumba, misala ya bosoto, pite, 20kosambela bikeko, kindoki, koyinana, koswana, zuwa, kanda, bombanda, bokabwani, koboyana, 21likunya, milangwa, lokoso ya kolia, mpe makambo mosusu ya lolenge oyo. Nazali komiyebisela bino, ndenge nasalaki liboso&#160;: bato oyo basalaka makambo ya lolenge oyo bakokota te na Bokonzi ya Nzambe.</div><div class="p"> 22Kasi mbuma ya Molimo ezali&#160;: bolingo, esengo, kimia, kokanga motema, bondeko, kosala bolamu, kondima, 23boboto mpe komikanga. Mibeko epekisaka te makambo ya lolenge oyo. 24Bato oyo bazali kati na Yesu-Klisto babaka na ekulusu bomoto na bango elongo na baposa mpe bilulela na yango. 25Lokola tozali kobika bomoi na biso na nzela ya Molimo, totambola mpe na lisungi ya Molimo. 26Tozala bato ya lolendo te, totumbolana te mpe toyokelana zuwa te.</div>
 </div>
 </div>
</div>

Mokanda na Bomoi™ Makomi na se ya bokonzi © 2002, 2020 Biblica, Inc. Esalelami na ndingisa ya Biblica. Makoki nyonso ebatelema kati na mokili mobimba. Lingala Contemporary Bible™ Copyright © 2002, 2020 by Biblica, Inc. Used with permission. All rights reserved worldwide.

BaGalatiaMwa ndambo

Makomi