Misala ya Bantoma

Banzembo

Barome

1 Bakolinto

Ba-Ebre

Luka

Masese

Tobikisami Mpo Na Kosala | Eteni 3

Makanisi Ya Mpongo | Eteni 1

Makanisi Ya Mpongo | Eteni 2

Biblica® Open Lingala Contemporary Bible™, Audio Edition

Lélé - 1991 TCH (NT) Drama

<div class="version vid1964 iso6393lin" data-vid="1964" data-iso6393="lin">
 <div class="book bkMAT">
 <div class="chapter ch10" data-usfm="MAT.10">
 <div class="label">10</div><div class="s1">Bantoma zomi na mibale</div><div class="r">(Mlk 3.13-19; Lk 6.12-16)</div><div class="p"> 1Yesu abengaki bayekoli na Ye zomi na mibale mpe apesaki bango bokonzi ya kobengana milimo mabe mpe ya kobikisa bokono mpe pasi nyonso.</div><div class="b"></div><div class="li4"> 2Tala bakombo ya bantoma zomi na mibale&#160;:</div><div class="b"></div><div class="li1">liboso, Simona oyo kombo na ye mosusu ezalaki Petelo&#160;;</div><div class="li1">Andre, ndeko ya Petelo&#160;;</div><div class="li1">Jake, mwana mobali ya Zebede&#160;;</div><div class="li1">Yoane, ndeko ya Jake&#160;;</div><div class="li1"> 3Filipo mpe Bartelemi&#160;;</div><div class="li1">Toma mpe Matayo, mofutisi mpako&#160;;</div><div class="li1">Jake, mwana mobali ya Alife, mpe Tade&#160;;</div><div class="li1"> 4Simona oyo azalaki moko kati na bato ya lisanga ya Bazelote, mpe Yuda Isikarioti oyo atekaki Yesu.</div><div class="r">(Mlk 6.7-13; Lk 9.16)</div><div class="p"> 5Ezali bato oyo zomi na mibale nde Yesu atindaki, sima na Ye kopesa bango mitindo oyo&#160;:</div><div class="pi1"> &#8212; Bokende te epai ya bato ya bikolo mosusu, mpe bokota te na bingumba ya bato ya Samari. 6Kasi bokende epai ya bameme oyo ebunga ya bato ya Isalaele. 7Bipai nyonso oyo bokoleka, bosakola ete Bokonzi ya Likolo ekomi pene. 8Bobikisa babeli, bosekwisa bakufi, bokomisa peto bato na maba mpe bobengana milimo mabe. Bopesa na ofele mpo ete bino mpe bozwaki na ofele.</div><div class="pi1"> 9 Kati na mabenga na bino, botia wolo te, palata te, mbongo mpe te. 10Mpo na mobembo na bino, bomema sakosi te, banzambala mibale te, basandale te, lingenda mpe te&#160;; pamba te mosali asengeli kolia na mosala na ye. 11Na engumba to na mboka nyonso oyo bokokota, boluka moto oyo abongi mpo na koyamba bino mpe bovanda na ndako na ye kino tango bokolongwa. 12Mpe tango bokokota na ndako yango, bopesa bavandi na yango mbote na koloba&#160;: &#171;&#160;Tika ete kimia ezala na bino&#160;!&#160;&#187; 13Soki bavandi ya ndako yango babongi na kimia yango, wana tika ete ewumela kati na bango&#160;; soki te, wana tika ete ezonga epai na bino. 14Soki baboyi koyamba mpe koyoka bino, bolongwa na ndako to na engumba yango mpe bopupola putulu ya makolo na bino. 15Nazali koloba na bino penza ya solo&#160;: na mokolo ya kosambisama, etumbu ya bavandi ya engumba to ya mboka wana ekozala makasi koleka etumbu ya mokili ya Sodome mpe Gomore.</div><div class="s1">Minyoko kati na lotomo</div><div class="r">(Mlk 13.9-13; Lk 21.12-19)</div><div class="pi1"> 16 Nazali kotinda bino lokola bameme kati na bambwa ya zamba&#160;; boye, bozala na ekenge lokola banyoka, mpe na boboto lokola bibenga. 17Kasi bosala keba, pamba te bakofunda bino na bisambiselo ya Bayuda mpe bakobeta bino fimbu kati na bandako na bango ya mayangani. 18Likolo na Ngai, bakomema bino na makasi liboso ya bayangeli mpe ya bakonzi. Boye, ekozala mpo na bino libaku malamu ya kotatola solo na tina na Ngai liboso na bango mpe liboso ya bapagano. 19Tango bakofunda bino epai ya bakambi, bomitungisa te mpo na koluka makambo ya koloba to lolenge ya koloba yango, pamba te ekopesamela bino na tango wana. 20Ekozala bino te bato bokoloba, kasi Molimo ya Tata na bino nde akoloba na nzela ya minoko na bino.</div><div class="pi1"> 21 Ndeko akokaba ndeko na ye mpo ete baboma ye, tata akokaba mwana na ye, bana bakotombokela baboti na bango mpe bakobomisa bango. 22Bato nyonso bakoyina bino mpo na Kombo na Ngai, kasi moto oyo akoyika mpiko kino na suka akobika. 23Tango bakonyokola bino kati na engumba songolo, bokima na engumba mosusu. Nazali koloba na bino penza ya solo&#160;: bokosilisa te kotambola na bingumba nyonso ya Isalaele liboso ete Mwana na Moto aya.</div><div class="pi1"> 24 Moyekoli alekaka molakisi na ye te, mowumbu mpe alekaka nkolo na ye te. 25Nzokande, ekoki mpo na moyekoli kozala lokola molakisi na ye, mpe mpo na mowumbu kozala lokola nkolo na ye. Soki babengaki Nkolo ndako &#171;&#160;Belizebule,&#160;&#187; ekozala boni mpo na bavandi ya ndako na Ye&#160;?</div><div class="s1">Mpiko mpo na lotomo</div><div class="r">(Lk 12.2-9)</div><div class="pi1"> 26 Yango wana, bobanga bango te&#160;! Pamba te eloko moko te ebombama ekozanga komonisama, mpe eloko moko te ya sekele ekozanga koyebana. 27Makambo oyo nazali koyebisa bino sik&#8217;oyo kati na molili, boloba yango na moyi&#160;; mpe oyo bazali koloba na bino na litoyi, bosakola yango wuta na likolo ya ndako. 28Bobanga te bato oyo bakoki koboma nzoto, kasi bazangi makoki ya koboma elimo&#160;; bobanga nde Ye oyo akoki koboma nzoto mpe elimo kati na lifelo. 29Boni, batekaka te bandeke mike mibale na motuya ya mbongo oyo eleki moke&#160;? Nzokande, moko te kati na yango ekweyaka na mabele soki Tata na bino alingi te. 30Mpo na bino, Nzambe ayebi ata motango ya suki na bino. 31Yango wana, bobanga te, boleki bandeke mike nyonso na motuya.</div><div class="pi1"> 32 Moto nyonso oyo akotatola liboso ya bato ete azali moto na Ngai, Ngai mpe nakotatola liboso ya Tata na Ngai, oyo azali kati na Likolo, ete nazali mpo na ye&#160;; 33kasi ye oyo akowangana Ngai na miso ya bato, Ngai mpe nakowangana ye liboso ya Tata na Ngai, oyo azali kati na Likolo.</div><div class="r">(Lk 12.51-53)</div><div class="pi1"> 34 Bokanisa te ete nayaki mpo na komema kimia na mokili. Nayaki mpo na komema kimia te, kasi mopanga. 35Pamba te, nayaki mpo na kotia bokabwani</div><div class="q1"> kati na mwana mobali mpe tata na ye,</div><div class="q2"> kati na mwana mwasi mpe mama na ye,</div><div class="q2"> mpe kati na mwasi ya libala mpe mama-bokilo na ye&#160;:</div><div class="q1"> 36 banguna ya moto bakozala kaka bato ya libota na ye moko.</div><div class="r">(Mlk 8.34-35; Lk 9.23-24; 14.26-27)</div><div class="pi1"> 37 Moto nyonso oyo alingaka tata na ye mpe mama na ye koleka Ngai abongi te mpo na kozala moto na Ngai. Moto nyonso oyo alingaka mwana na ye ya mobali to mwana na ye ya mwasi koleka Ngai abongi te mpo na kozala moto na Ngai. 38Moto nyonso oyo amemaka ekulusu na ye te mpo na kolanda Ngai abongi te mpo na kozala moto na Ngai. 39Moto oyo akangami na bomoi na ye akobungisa yango&#160;; mpe moto oyo abungisi bomoi na ye likolo na Ngai akozwa yango lisusu.</div><div class="pi1"> 40 Moto oyo ayambaka bino ayambaka nde Ngai, mpe moto oyo ayambaka Ngai ayambaka nde Motindi na Ngai. 41Moto oyo ayambaka mosakoli mpo ete azali mosakoli akozwa lifuti ya ndenge moko na mosakoli, mpe moto oyo ayambaka moto ya sembo mpo ete azali moto ya sembo akozwa lifuti ya ndenge moko na moto ya sembo. 42Moto nyonso oyo apesaka ata kopo moko kaka ya mayi ya malili epai ya moko kati na bana mike oyo, mpo ete azali moyekoli na Ngai, nazali koloba na bino penza ya solo, akotikala kobungisa te lifuti na ye.</div>
 </div>
 </div>
</div>

Mokanda na Bomoi™ Makomi na se ya bokonzi © 2002, 2020 Biblica, Inc. Esalelami na ndingisa ya Biblica. Makoki nyonso ebatelema kati na mokili mobimba. Lingala Contemporary Bible™ Copyright © 2002, 2020 by Biblica, Inc. Used with permission. All rights reserved worldwide.

<div class="version vid1964 iso6393lin" data-vid="1964" data-iso6393="lin">
 <div class="book bkLUK">
 <div class="chapter ch10" data-usfm="LUK.10">
 <div class="label">10</div><div class="s1">Yesu atindi bayekoli tuku sambo na mibale</div><div class="r">(Mat 9.37-38; 10.5-16)</div><div class="p"> 1Sima na yango, Nkolo aponaki bayekoli tuku sambo na mibale mpe atindaki bango, mibale-mibale liboso na Ye, na bingumba nyonso mpe na bisika nyonso oyo Ye moko asengelaki kokende. 2Alobaki na bango&#160;:</div><div class="pi1"> &#8212; Bambuma ya kobuka etondi meke kati na elanga, kasi basali bazali moke. Boye bosenga na Nkolo elanga ete atinda basali kati na elanga na Ye. 3Bokende&#160;! Nazali kotinda bino lokola bampate kati na bambwa ya zamba. 4Bomema mbongo te, sakosi te to basandale te, mpe bopesa moto moko te mbote na nzela.</div><div class="pi1"> 5 Na ndako nyonso oyo bokokota, boloba liboso&#160;: &#171;&#160;Tika ete kimia ezala na ndako oyo&#160;!&#160;&#187; 6Soki ezali na moto ya kimia kati na ndako yango, kimia na bino ekovanda likolo na ye&#160;; soki te, kimia yango ekozongela bino. 7Bovanda kuna, bolia mpe bomela nyonso oyo bakopesa bino&#160;; pamba te mosali asengeli kozwa lifuti na mosala na ye. Botambola-tambola na bandako nyonso te.</div><div class="pi1"> 8 Tango bokokota na engumba songolo, soki bayambi bino, bolia bilei oyo bakopesa bino, 9bobikisa babeli oyo bazali kuna mpe boloba na bango&#160;: &#171;&#160;Bokonzi ya Nzambe ekomi pene na bino.&#160;&#187; 10Kasi tango bokokota na engumba songolo, soki baboyi koyamba bino, bokende na babalabala na yango mpe boloba&#160;: 11&#171;&#160;Ezala putulu ya engumba na bino, topupoli yango wuta na makolo na biso, mpo na kokebisa bino. Nzokande, boyeba malamu ete Bokonzi ya Nzambe ekomi pene.&#160;&#187;</div><div class="pi1"> 12 Nazali koloba na bino penza ya solo&#160;: Na mokolo wana, etumbu na yango ekozala makasi koleka etumbu ya Sodome.</div><div class="pi1"> 13 Mawa na yo, Korazini&#160;! Mawa na yo, Betisaida&#160;! Pamba te soki bikamwa oyo esalemaki kati na bino esalemaki kati na bingumba Tiri mpe Sidoni, mbele wuta kala, bavandi na yango babongola mitema, balata basaki mpe bamipakola putulu. 14Kasi, na kosambisama, etumbu na bino ekozala makasi koleka etumbu ya Tiri mpe Sidoni. 15Mpe yo, Kapernawumi, okanisi ete okotombolama kino na Likolo&#160;? Te, okokitisama kino na mboka ya bakufi&#160;!</div><div class="pi1"> 16 Moto oyo atosi bino atosi nde Ngai, moto oyo aboyi bino aboyi nde Ngai, nzokande moto oyo aboyi Ngai aboyi nde Motindi na Ngai.</div><div class="b"></div><div class="p"> 17Tango bayekoli yango tuku sambo na mibale bazongaki, batondaki na esengo mpe balobaki&#160;:</div><div class="pi1">&#8212; Nkolo, ezala milimo mabe etosi biso na Kombo na Yo&#160;!</div><div class="p"> 18Yesu azongisaki&#160;:</div><div class="pi1"> &#8212; Namonaki Satana kokweya longwa na likolo, lokola mikalikali. 19Napesi bino bokonzi ya konyata banyoka mpe bakoto, mpe ya kolonga nguya nyonso ya monguna, mpe eloko moko te ekosala bino mabe. 20Nzokande, bosepela te komona ete milimo mabe ezali kotosa bino&#160;; bosepela nde ete bakombo na bino ekomami kati na Likolo.</div><div class="s1">Bolamu ya bayekoli</div><div class="r">(Mat 11.25-27)</div><div class="p"> 21Kaka na tango yango, awa Molimo Mosantu atondisaki Ye na esengo, Yesu alobaki&#160;:</div><div class="pi1"> &#8212; Oh Tata, Nkolo ya Likolo mpe ya mabele, nakumisi Yo&#160;! Pamba te obombaki makambo oyo, mpo ete bato ya bwanya mpe bato ya mayele bayeba yango te, kasi olakisi yango na bana mike. Iyo, Tata, pamba te yango nde osepelaki kosala.</div><div class="pi1"> 22 Tata na Ngai apesa Ngai biloko nyonso. Moko te ayebi soki Mwana azali nani, longola kaka Tata&#160;; mpe moko te ayebi soki Tata azali nani, longola kaka Mwana mpe ye oyo epai ya nani Mwana asepeli kotalisa Tata.</div><div class="r">(Mat 13.16-17)</div><div class="p"> 23Bongo, abalolaki miso na Ye epai ya bayekoli na Ye mpe alobaki na bango moko kaka&#160;:</div><div class="pi1"> &#8212; Esengo na bato oyo bazali komona makambo oyo bozali komona&#160;! 24Pamba te, nazali koloba na bino&#160;: basakoli mpe bakonzi ebele batondaki na posa ya komona makambo oyo bino bozali komona, kasi bamonaki yango te&#160;; batondaki na posa ya koyoka makambo oyo bino bozali koyoka, kasi bayokaki yango te.</div><div class="s1">Lisese ya moto malamu ya mboka Samari</div><div class="p"> 25Molakisi moko ya Mobeko atelemaki mpe atunaki mpo na komeka Yesu&#160;:</div><div class="pi1">&#8212; Moteyi, nasengeli kosala nini mpo ete nazwa bomoi ya seko&#160;?</div><div class="p"> 26Yesu alobaki na ye&#160;:</div><div class="pi1"> &#8212; Makambo nini ekomama kati na mobeko&#160;? Otangaka yango ndenge nini&#160;?</div><div class="p"> 27Molakisi ya mibeko azongisaki&#160;:</div><div class="pi1">&#8212; Linga Nkolo, Nzambe na yo, na motema na yo mobimba, na molimo na yo mobimba, na makasi na yo nyonso mpe na makanisi na yo nyonso&#160;; mpe linga moninga na yo ndenge yo moko omilingaka.</div><div class="p"> 28Yesu alobaki na ye&#160;:</div><div class="pi1"> &#8212; Opesi eyano ya malamu&#160;; sala bongo mpe okozala na bomoi.</div><div class="p"> 29Kasi molakisi ya Mobeko alingaki kolakisa ete azali sembo, boye atunaki na Yesu&#160;:</div><div class="pi1">&#8212; Nani azali moninga na ngai&#160;?</div><div class="p"> 30Yesu azongisaki&#160;:</div><div class="pi1"> &#8212; Moto moko azalaki kokende na Jeriko, wana awutaki na Yelusalemi. Na nzela, miyibi babetaki ye, babotolaki ye bilamba na ye, babetaki ye mpe bakendeki na bango, batikaki ye pene ya kokufa. 31Nzokande, na tango yango kaka, esalemaki ete Nganga-Nzambe moko akende mpe azwa nzela yango kaka&#160;; tango kaka amonaki moto yango, akatisaki na ngambo mosusu ya nzela mpe akobaki mobembo na ye. 32Ndenge moko mpe Molevi moko akomaki na esika yango&#160;; tango kaka amonaki moto yango, akatisaki na ngambo mosusu ya nzela mpe akobaki mobembo na ye. 33Kasi moto moko ya Samari, wana azalaki kokende mobembo, akomaki na esika oyo moto yango azalaki&#160;; tango kaka amonaki ye, ayokelaki ye mawa, 34apusanaki pene na ye, asopelaki bapota na ye mafuta mpe vino, mpe akangaki yango. Bongo amatisaki moto yango na likolo ya mile na ye moko, amemaki ye na ndako ya bapaya, mpe akobaki kosunga ye kuna. 35Mokolo oyo elandaki, abimisaki mbongo ya bibende mibale mpe apesaki yango na nkolo ndako ya bapaya&#160;; alobaki na ye&#160;: &#171;&#160;Salisa moto oyo malamu&#160;; tango nakozonga, nakozongisela yo mbongo nyonso oyo okobakisa&#160;!&#160;&#187;</div><div class="p"> 36Yesu atunaki&#160;:</div><div class="pi1"> &#8212; Mpo na yo, nani kati na bango misato azalaki moninga ya moto oyo akweyaki na maboko ya miyibi&#160;?</div><div class="p"> 37Molakisi ya mibeko azongisaki&#160;:</div><div class="pi1">&#8212; Ezali moto oyo ayokelaki ye mawa.</div><div class="p">Yesu alobaki na ye&#160;:</div><div class="pi1"> &#8212; Kende mpe sala bongo&#160;!</div><div class="s1">Yesu epai ya Marte mpe Mari</div><div class="p"> 38Wana Yesu mpe bayekoli na Ye bazalaki kokende, Yesu akotaki na mboka moko, mpe mwasi moko oyo kombo na ye ezali Marte ayambaki Ye kati na ndako na ye. 39Mari, ndeko mwasi ya Marte, ayaki kovanda na makolo ya Nkolo, mpe azalaki koyoka makambo oyo Nkolo azalaki koloba. 40Kasi, na tango yango, Marte amipesaki na misala nyonso ya ndako&#160;; ayaki na lombangu mpe alobaki&#160;:</div><div class="pi1">&#8212; Ah Nkolo, ozali komona te ete ndeko na ngai atiki ngai kosala ngai moko misala&#160;? Loba na ye ete asunga ngai&#160;!</div><div class="p"> 41Nkolo azongiselaki ye&#160;:</div><div class="pi1"> &#8212; Marte, Marte, ozali komitungisa mpe kominyokola mpo na makambo ebele, 42kasi likambo moko kaka ezali na tina. Mari aponi oyo eleki malamu, mpe moto ata moko te akobotola ye yango.</div>
 </div>
 </div>
</div>

<div class="version vid1964 iso6393lin" data-vid="1964" data-iso6393="lin">
 <div class="book bkJHN">
 <div class="chapter ch10" data-usfm="JHN.10">
 <div class="label">10</div><div class="s1">Yesu, Mobateli malamu ya bameme</div><div class="pi1"> 1 Nazali koloba na bino penza ya solo&#160;: moto oyo akotaka na lopango ya bameme na nzela ya ekuke te, kasi amataka na likolo ya lopango, na esika mosusu, azali moyibi mpe mobomi. 2Kasi ye oyo akotelaka na ekuke azali mobateli bameme.</div><div class="pi1"> 3 Mokengeli afungolelaka mobateli bameme ekuke, bameme eyokaka mongongo na ye. Mobateli abengaka bameme na ye na kombo na yango mpe abimisaka yango na libanda. 4Soki abimisi bameme na ye nyonso na libanda, alekaka liboso na yango&#160;; mpe bameme elandaka ye na sima, pamba te eyebi mongongo na ye. 5Ekotikala ata mokolo moko te kolanda mopaya&#160;; kasi ekokima ye mosika, pamba te eyebi mongongo na ye te.</div><div class="p"> 6Yesu ayebisaki bango lisese yango, kasi basosolaki te tina ya makambo oyo azalaki koyebisa bango. 7Mpo na yango, Yesu alobaki na bango lisusu&#160;:</div><div class="pi1"> &#8212; Nazali koloba na bino penza ya solo&#160;: Ngai nazali ekuke ya bameme. 8Bato nyonso oyo bayaki liboso na Ngai bazali miyibi mpe babomi&#160;; bameme eyokelaki bango te. 9Ngai nde nazali ekuke&#160;; moto nyonso oyo akokotela na nzela na Ngai akobika&#160;; akokota mpe akobima, mpe akozwa bilei. 10Moyibi ayaka kaka mpo na koyiba, koboma mpe kobebisa&#160;; kasi Ngai, nayei mpo ete bameme ezwa bomoi mpe ezwa yango na bofuluki penza.</div><div class="pi1"> 11 Nazali mobateli malamu ya bameme. Mobateli malamu ya bameme apesaka bomoi na ye mpo na bameme na ye. 12Mosali oyo azali mobateli bibwele te, oyo azali nkolo bameme te, asalaka kaka mpo na lifuti. Soki kaka amoni mbwa ya zamba koya, asundolaka bameme mpe akimaka. Bongo mbwa ya zamba ekangaka bameme mpe epanzaka yango. 13Mosali yango akimaka, pamba te asalaka kaka mpo na lifuti mpe atiaka makanisi na ye na bameme te.</div><div class="pi1"> 14 Ngai, nazali mobateli malamu ya bibwele&#160;; nayebi bameme na Ngai, mpe bameme na Ngai eyebi Ngai 15&#8212;ndenge kaka Tata ayebi Ngai, mpe Ngai nayebi Tata&#8212; Nazali kokaba bomoi na Ngai mpo na bameme na Ngai. 16Nazali na bameme mosusu oyo ezali ya lopango oyo te. Nasengeli komema yango&#160;; ekoyoka mongongo na Ngai. Etonga ekozala kaka moko, mpe mobateli bibwele akozala kaka moko. 17Tata alingaka Ngai mpo ete nazali kokaba bomoi na Ngai&#160;; kasi nakozwa yango lisusu. 18Moto moko te azali kobotola Ngai bomoi yango, kasi Ngai moko nde nazali kokaba yango, na mokano na Ngai moko. Nazali na bokonzi ya kopesa mpe ya kozwa yango lisusu. Yango nde mitindo oyo Tata na Ngai apesaki Ngai.</div><div class="p"> 19Bayuda bakabwanaki lisusu likolo ya maloba yango. 20Mingi kati na bango bazalaki koloba&#160;:</div><div class="pi1">&#8212; Azali na molimo mabe&#160;! Azali na liboma&#160;! Mpo na nini bozali koyoka ye&#160;?</div><div class="p"> 21Bamosusu bazalaki kozongisa&#160;:</div><div class="pi1">&#8212; Maloba wana ezali te ya moto oyo azali na se ya bokonzi ya molimo mabe&#160;! Boni, molimo mabe ekoki penza kofungola miso ya bakufi miso&#160;?</div><div class="s1">Yesu azali Mwana na Nzambe to motioli</div><div class="p"> 22Ekomaki tango ya kosepela feti ya Kobulisa Tempelo ya Yelusalemi. Feti yango esalemaki na tango ya malili makasi. 23Yesu azalaki kotambola kati na lopango ya Tempelo, na veranda ya Salomo. 24Bayuda bazingelaki Ye mpe batunaki Ye&#160;:</div><div class="pi1">&#8212; Kino tango nini okotika mitema na biso likolo-likolo&#160;? Soki ozali Klisto, yebisa biso yango polele&#160;!</div><div class="p"> 25Yesu azongiselaki bango&#160;:</div><div class="pi1"> &#8212; Nayebisaki bino yango, kasi boboyi na bino kondima. Makamwisi oyo nazali kosala na Kombo ya Tata ezali kotatola na tina na Ngai&#160;; 26kasi bino, boboyi na bino kondima, pamba te bozali bameme na Ngai te. 27Bameme na Ngai eyokaka mongongo na Ngai. Nayebi bameme na Ngai, mpe yango elandaka Ngai. 28Napesi yango bomoi ya seko&#160;: ekokufa soki moke te, mpe moto ata moko te akobotola yango na loboko na Ngai. 29Tata na Ngai, oyo apesaki Ngai bameme yango, aleki bato nyonso na monene, mpe moto moko te akoki kobotola yango na loboko ya Tata na Ngai. 30Ngai mpe Tata tozali se moko.</div><div class="p"> 31Na bongo, Bayuda balokotaki lisusu mabanga mpo na koboma Ye, 32kasi Yesu alobaki na bango&#160;:</div><div class="pi1"> &#8212; Nalakisi bino bikamwa mingi ya minene oyo esalemaki na nguya ya Tata&#160;; mpo na likamwisi nini bolingi koboma Ngai na mabanga&#160;?</div><div class="p"> 33Bayuda bazongiselaki Ye&#160;:</div><div class="pi1">&#8212; Ezali te mpo na likamwisi moko boye ya malamu nde tolingi koboma yo, kasi ezali mpo ete ozali kofinga Nzambe. Lisusu, ezali mpo ete, yo oyo ozali moto, ozali koloba ete ozali Nzambe.</div><div class="p"> 34Yesu alobaki na bango&#160;:</div><div class="pi1"> &#8212; Ekomama te kati na mibeko na bino&#160;: &#171;&#160;Nalobi&#160;: &#8249;&#160;Bozali banzambe&#160;?&#160;&#8250;&#160;&#187;</div><div class="pi1"> 35 Nzokande, batiaka tembe na Makomi te. Boye, soki abengaki &#171;&#160;banzambe,&#160;&#187; bato oyo epai banani Liloba na Nzambe eyaki, 36mpo na nini koloba na tina na Ngai oyo Tata abulisa mpe atinda kati na mokili&#160;: &#171;&#160;Ozali kofinga,&#160;&#187; mpo nalobaki&#160;: &#171;&#160;Nazali Mwana na Nzambe&#160;?&#160;&#187;</div><div class="pi1"> 37 Soki nasalaka te misala ya Tata na Ngai, wana bondima na bino Ngai te. 38Kasi soki nasalaka yango, ezala soki boboyi na bino kondima Ngai, bondima ata misala yango, mpo boyeba mpe bososola ete Tata azali kati na Ngai, mpe Ngai nazali kati na Tata.</div><div class="p"> 39Mpo na yango, balukaki lisusu kokanga Ye, kasi Yesu akimaki bango. 40Akendeki lisusu na ngambo mosusu ya Yordani, kaka na esika oyo Yoane azalaki kobatisa bato, mpe atikalaki kuna. 41Bato mingi penza bayaki epai na Ye&#160;; bazalaki koloba&#160;: &#171;&#160;Yoane asalaki likamwisi ata moko te, kasi makambo nyonso oyo alobaki na tina na moto oyo ezali ya solo&#160;!&#160;&#187;</div><div class="p"> 42Mpe kuna, bato mingi bandimaki Yesu.</div>
 </div>
 </div>
</div>

Sango malamuMwa ndambo

Makomi

Oyo etali Ebongiseli oyo

Bibongiseli oyo ekokani