Mateeocha Laenai 28
28
Oo caje ichanaa Jesosone
(Mr 16.1-8; Lc 24.1-12; Jn 20.1-10)
1Inae situha nebetacanaa cojoanonaane jana, inae ena janohajiha semana nunuhene jana jetaote, Jesoso jaberoco rucuhecuruhane jaan ajeri jachu coaraa cuure Maadala bene Mariha aina leeocha Mariha. 2Nii jana dede caje fauha anjerane jana jetaote, luhecotariin uhe jataain mijiaainetiin carora. Nitohaneein fauhin jetaote, nii Jesoso jaberoco rucuhecuruhane jaan ajeri jachu fuuruhane jaan ajeri jaberoco raain nichoae laujuae nii anjera. 3Nii anjera jetaote, aiha jiacanene tocohaneein jiquihacoha rai jaberocone jana, jataain somajae rai cajione aiha dede sacarine tocohaneein. 4Nii coaraain jetaote, coasina caaun rijijijianeein onaa rijiinanaain nedaaure nii beraihurera soondarooru. 5Nii jana jetaote, nii coaraa cunacaauru enecuru rai jetao:
“Jiaonriha casiichene. Inae, nii coroso que teein niicha ateinaauri Jesoso ariha aaichene coitucuhanura. 6Inae cau nihei. Inae nii aitoroaetohane tocohaneein oo caje ichanaa. Chajaauchete, nii teeuruhane jaan jelai coarae”, naain acaauru que nii Jesoso jaberoco teeuruhane jaan jelai coaarate nii anjera. 7Niritiin jetaote: “Chajaain erojoeein cuhin aina nerelanacauru rai: ‘Inae jetao oo caje ichanaa. Calileea cuhin jetaote, inara ajiniha turureein. Ecu jetaote coaariquicheein’, nanichuche. Inara rai bihanune coinane cau turuun”, naain jetao, nii enecuru letoae anjera.
8Nii jaun jetaote, jataain casihuruhane saijieein rachoojoeein nii Jesoso atane bana jelai caje erojoeein uhin biha uure nii enecuru, aina nerelanaa nichaanune rai. 9Nii jana jetaote, uujueeuruha nii enecurune jana acaauru rohan neeoritiin acaauru rai iriha Jesosone jana rohan nichuuntaain, rai tijia que nebalurucaain cutujuaain jetao coroaecure nii enecuru. 10Nii jana jetaote:
“Jiaonriha casiichenera. Chajaain canejeraneein nenacaauru rai benichuchete, Calileea cuuruhine. Ecune ita coaarichaanuhi”, nae jetao, nii enecuru rai Jesoso.
Niicha coarai beeuruha soondaroorune
11Nitohaneein biha cuuruha enecurune nainiha jetaote, saseredotecuru curuaanaacuru curuaanaa rai jetao, neseu cuhin jitariin niicha coaracuri biha cuure nii atane banau Jesoso jaberoco beraiha nenacaauru soondarooru tabaauru. 12Nii jaun jetaote, ita suujuau tacaauruhane coina Jorioocuru bichauhenaauru coaraa cuure saseredotecuru curuaanaacuru curuaanaacuru. Nitohaneein inae ita suujuau tacaain jetaote, jataain arajiin soondarooru rai coriqui teein jetao:
13“ ‘Janotiin sinihacaanune tonohanaute, turuhin Jesoso jaberoco amaaure aina nerelanacauru’, naauche. 14Nii jana coitucuhin, chatohaneein inara tenaa coaauca coberenadoro Filatonena, ita suujua tacaain caohaterichaanuhi, nabana baasoneein inara tihane coataa”, naain jetao, nii soondarooru suujuateeure saseredotecuru curuaanaacuru curuaanaacuru aina Jorioocuru bichauhenaauru.
15Nii jaun jetaote, nii coriqui raain jerichanetojoeein nii suujuatenajaauruhane rijitojoeein jetao, aitocure nii soondarooru. Nii jaun jetaote, niritiin acaauru coritaauruhane jaun, enanetojoeein nii esenetaaure Jorioocuru.
Niicha icharatei ichacuruhane coina aina nerelanacauru rai aitoha Jesosone
(Mr 16.14-18; Lc 24.36-49; Jn 20.19-23)
16Nitohaneein canacaanu rai beratiha Jesosone jaunne, Calileea nii naitoonjoa ichatane ucuunno cuhacaanu lechoonca leinjiin Jesoso aina nerelanaa nichaanune. 17Ecu turuhacaanune janate, ecu canacaanu ajiniha niha Jesosone jaun, rohan turuhin jaiti acanihane esenetaaureniha tabaaurune saijieein coroaecaanu.
18Nii janate canacaanu rohan nichuuntaain:
“Canu Inaca Cana Coaunerate, chauratane, dede, naaonjoainuri rai cocoainacaineein nihanune coina caeteein ne. 19Aihane jaun, chajaain satiin caa chauratane sacutaain lauri lauri nenacaauru cachaauru relanichuche inara relaanune rijijieeinte, canu ere tonoraera neeuruhine. Chaaen, Canu Inaca, canu- rai calaohinichaaunne, Cana Coaunera Suujue, naaonjoain nichaanune rai canacaanu cachaneein nenaa jereraauru coujunacateein baotisanajaauche. 20Chaaen inara rai aitonajaaocaaunne rijijieein, nii caitoonjoan tonoraain ichaaoruhane coina relanajaauche. Jerichanejeeinne besautiaa cana cojoanonaane reeintiaaojoaain itolere bana inara aina nereeunni”, naain necoe Jesoso.
Currently Selected:
Mateeocha Laenai 28: URA
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2005, 2024, Wycliffe Bible Translators, Inc.