ᒨᓯᓯ ᓯᕗᓪᓖᑦ 3
3
ᐃᓅᑉ ᓈᓚᖏᓐᓂᖓ ᒎᑎᒥᒃ
1 #
ᑕᑯᑎ 12:9; 20:2. ᖁᒡᓗᒋᐊᕐᓕ ᓯᓔᕐᕆᒃᓯᒃᑲᐅᓂᖅᐸᐅᓚᐅᖅᐳᖅ ᐆᒪᔪᓕᒫᓂᑦ ᓄᔪᐊᖅᑐᓂᑦ ᐊᑕᓂᐅᑉ ᒎᑎᐅᑉ ᐱᓐᖑᖅᑎᓯᒪᔭᖏᓐᓂᑦ. ᖁᒡᓗᒋᐊᓪᓗ ᐊᕐᖕᓇᖅ ᐊᐱᕆᕚ, “ᒎᑎ ᐅᖃᓚᐅᖅᐹ, ᓇᐹᖅᑐᓂᑦ ᓇᓪᓕᐊᓐᓂᑐᐃᓐᓇᖅ ᓂᕆᔪᒃᓴᐅᓐᖏᓚᓯᒃ ᐱᕈᖅᓰᕕᖕᒦᑦᑐᓂᒃ?”
2ᐊᕐᖕᓇᐅᑉ ᑭᐅᕚ, “ᓇᐹᖅᑐᑦ ᐸᐅᕐᖓᖏᓐᓂᒃ ᓂᕆᔪᓐᓇᖅᑐᒍᑦ ᐱᕈᖅᓰᕕᖕᒦᑦᑐᓂᒃ; 3ᒎᑎᓕ ᐅᖃᓚᐅᖅᐳᖅ, ‘ᓇᐹᖅᑑᑉ ᐸᐅᕐᖓᖏᓐᓂᒃ ᐱᕈᖅᓰᕕᐅᑉ ᕿᑎᖓᓃᑦᑐᒥᒃ ᓂᕆᔪᒃᓴᐅᓐᖏᓚᓯᒃ, ᐊᒃᑐᕐᖕᓂᐊᕐᖕᓇᒍᓘᓐᓃᑦ, ᑐᖁᖁᓇᓯᒃ.’”
4ᖁᒡᓗᒋᐊᕐᓕ ᐊᕐᖕᓇᒧᑦ ᐅᖃᖅᐳᖅ, “ᑐᖁᓂᐊᓐᖏᓚᓯᒃ. 5ᒎᑎ ᖃᐅᔨᒪᖕᒪᑦ ᑕᕝᕙᓐᖓᑦ ᓂᕆᒍᑦᓯᒃ ᐃᔨᓯᒃ ᐅᐃᓐᓂᐊᕐᖕᒪᑎᒃ, ᒎᑎᑐᑦ ᑍᒤᓕᖅᓗᓯᒃ, ᖃᐅᔨᒪᓕᖅᓗᓯᒃ ᐱᐅᔪᒥᒃ ᐱᐅᖏᑦᑐᒥᒡᓗ.”
6ᐊᕐᖕᓇᐅᓪᓗ ᐅᑦᔨᕆᑦᓯᐊᓕᖅᐹ ᓇᐹᖅᑑᑉ ᐸᐅᕐᖓᖏᑕ ᓂᕆᔪᒥᓇᕐᖕᓂᖏᑦ, ᑕᑯᒥᓇᕐᖕᓂᖓᓗ, ᓯᓚᑐᓂᖅᑖᕈᒪᓐᓇᖅᓗᓂᓗ, ᑕᕝᕙ ᐸᐅᕐᖓᖏᑕ ᐃᓚᖓᓐᓂᒃ ᑎᒍᓯᓪᓗᓂ ᓂᕆᕗᖅ; ᐅᐃᒥᓄᓪᓗ ᐃᓚᖓ ᑐᓂᓪᓗᒍ, ᑖᑦᓱᒪᓗ ᓂᕆᒋᕚ. 7ᑕᕝᕙ ᐃᔨᖏᒃ ᐅᐃᑎᑕᐅᓕᖅᐴᒃ, ᖃᐅᔨᓕᖅᓗᑎᒡᓗ ᐊᓐᓄᕌᖃᖏᓐᓂᕐᖕᒥᖕᓂᒃ; ᐱᒋᓖᓪᓗ ᐅᖃᐅᔭᖏᓐᓂᒃ ᒥᖅᓱᖅᓗᑎᒃ ᓵᓕᓴᓕᐅᖅᐴᒃ.
8ᐊᑕᓂᐅᓪᓗ ᒎᑎᐅᑉ ᕿᑭᕐᕋᖓ ᐱᕈᖅᓰᕕᒃᑯᑦ ᐱᓱᒃᑐᖅ ᑐᓴᕋᒥᒃᑯᒃ ᐅᓪᓗᖅ ᐅᖅᑰᓗᐊᕈᓐᓃᖅᑎᓪᓗᒍ, ᑖᒃᑯᐊᒃ ᓄᓕᐊᕇᒃ ᐃᔨᖅᐴᒃ ᐊᑕᓂᐅᑉ ᒎᑎᐅᑉ ᓇᔪᕐᖕᓂᖓᓂᑦ, ᐱᕈᖅᓰᕕᖕᒥ ᓇᐹᖅᑐᐃᑦ ᐊᑯᕐᖓᓐᓄᑦ. 9ᐊᑕᓂᐅᓪᓕ ᒎᑎᐅᑉ ᐊᖑᑦ ᓂᓪᓕᐅᑎᕚ, ᐅᖃᖅᓗᓂ, “ᓇᓃᑉᐲᑦ?”
10ᐊᖑᓪᓗ ᑭᐅᕗᖅ, “ᑐᓴᕋᒪ ᐱᕈᖅᓰᕕᖕᒦᓐᓂᕐᖕᓂᒃ, ᑲᑉᐱᐊᓱᒧᑦ ᐊᓐᓄᕌᖃᖏᓐᓂᓐᓂᒃ; ᐃᔨᖅᓯᒪᕗᖓ.”
11ᑖᑦᓱᒪ ᐊᐱᕆᕚ, “ᑭᐊ ᐊᓐᓅᕋᖃᖏᓐᓂᕋᖅᓗᑎᑦ ᐅᖃᐅᑎᖕᒪᑎᑦ, ᓂᕆᓚᐅᕋᕖᑦ ᓇᐹᖅᑐᒥᑦ ᓂᕆᖁᓇᒃ ᐃᓂᖅᑎᕈᑎᒋᓚᐅᖅᑕᓐᓂᒃ?”
12ᐊᖑᓪᓗ ᐅᖃᖅᐳᖅ, “ᐊᕐᖕᓇᐅᑉ ᐂᑉᐸᖅᑖᕆᑎᓚᐅᖅᑕᕕᑦ ᐂᑦᑐᕐᖕᒪᖓ ᓇᐹᖅᑑᑉ ᐸᐅᕐᖓᖓᓂᒃ, ᓂᕆᓚᐅᖅᐳᖓ.”
13 #
2 ᑯᕆᓐᑎ 11:3; 1 ᑎᒧᑎ 2:14. ᐊᑕᓂᐅᓪᓗ ᒎᑎᐅᑉ ᐊᕐᖕᓇᖅ ᐊᐱᕆᕚ, “ᓱᖕᒪᑦ ᑍᒤᓕᐅᓚᐅᖅᐲᑦ?”
ᐊᕐᖕᓇ ᐅᖃᖅᐳᖅ, “ᖁᒡᓗᒋᐊᑉ ᓯᓔᕐᕆᖕᒪᖓ, ᓂᕆᓚᐅᖅᐳᖓ.”
ᒎᑎᐅᑉ ᓇᓗᓁᖅᓯᓂᖓ ᓱᒋᐊᖅᓯᓂᕐᖕᒥᓂᒃ
14ᐊᑕᓂᕐᓗ ᒎᑎ ᐅᖃᖅᐳᖅ ᖁᒡᓗᒋᐊᒧᑦ, “ᑍᒤᑎᑦᓯᓂᕐᖕᓄᑦ, ᓇᕐᕈᓇᕐᖕᓂᖅᐹᖑᓕᖅᐳᑎᑦ ᓂᕐᔪᑎᓕᒫᓂᑦ ᓄᔪᐃᑦᑐᓂᑦ ᓄᔪᐊᖅᑐᓂᓪᓗ; ᓈᕐᖕᓄᑦ ᐹᕐᖑᖅᐸᖕᓂᐊᓕᖅᐳᑎᑦ, ᐃᑦᔪᕐᖕᒥᒡᓗ ᓂᕿᖃᕐᖕᓂᐊᓕᖅᓗᑎᑦ ᐃᓅᓂᓕᒫᕐᖕᓂ. 15#ᑕᑯᑎ 12:17.ᐊᕐᖕᓇᕐᓗ ᐊᑭᕋᕇᒃᑎᓐᓂᐊᓕᖅᐸᑦᓯᒃ, ᑭᖑᕚᑎᓪᓗ ᑭᖑᕚᖏᓪᓗ ᐊᑭᕋᕇᒃᓗᑎᒃ; ᑖᑦᓱᒪ ᑭᖑᕚᖓᑕ ᓂᐊᖁᐃᑦ ᑎᒡᓘᔭᖅᑎᑦᓱᒫᖅᐹ, ᐃᕝᕕᓪᓕ ᑭᖑᕚᖓ ᑭᖕᒥᖓᒍᑦ ᑎᒡᓘᔭᖅᑎᑦᓱᒫᖅᐸᑦ.”
16ᐊᕐᖕᓇᒧᓪᓗ ᐅᖃᖅᐳᖅ, “ᐋᓐᓂᐊᕐᔪᐊᖃᑦᑕᕈᒫᓕᖅᐳᑎᑦ ᐃᕐᖕᓂᓱᓕᕌᖓᕕᑦ; ᐋᓐᓂᐊᖅᓗᑎᑦ ᕿᑐᕐᖓᖅᑖᖃᑦᑕᕈᒫᓕᖅᐳᑎᑦ, ᑍᒤᒃᑲᓗᐊᖅᑎᓪᓗᒍ ᐅᐃᖕᓄᑦ ᐱᔪᒪᓂᕾᓐᓇᕐᖕᓂᐊᖅᐳᑎᑦ, ᐅᐃᓪᓗ ᐊᖓᔪᖅᑳᖑᓂᐊᖅᐳᖅ ᐃᓕᖕᓄᑦ.”
17 #
ᐄᑉᕈᐃᓄᑦ 6:8. ᐊᖑᒻᒧᓪᓗ ᐅᖃᕆᕗᖅ, “ᓄᓕᐊᕐᖕᓂᒃ ᓈᓚᓚᐅᕋᕕᑦ, ᓇᐹᖅᑐᒥᓪᓗ ᓂᕆᓪᓗᑎᑦ ᐃᓂᖅᑎᕈᑎᒋᓚᐅᖅᑕᓐᓂᒃ ᐃᒫᒃ, ‘ᑖᓐᓇ ᓂᕆᕕᒋᑦᑍᓕᓯᐅᒃ,’ ᓄᓇᑦᑕᐅᖅ ᓇᕐᕈᓇᖅᓯᑎᑕᐅᓂᐊᓕᖅᐳᖅ ᐱᑦᔪᑎᒋᓪᓗᑎᑦ; ᐊᒃᓱᕈᖅᓗᑎᑦ ᓂᕿᒃᓴᖅᓯᐅᖅᐸᖕᓂᐊᓕᖅᐳᑎᑦ ᓄᓇᒥ ᐃᓅᓯᓕᒫᕐᖕᓂ. 18ᑲᑭᓪᓚᕐᖕᓇᖅᑐᑦ ᐅᖅᐱᒊᑦ ᐊᓯᖏᓪᓗ ᑲᑭᓪᓚᕐᖕᓇᖅᑐᑦ ᓄᓇᖕᓂ ᐱᕈᖃᑦᑕᕈᒫᓕᖅᐳᑦ; ᓇᑎᕐᖕᓇᒥᑦ ᐱᕈᖅᑐᓂᒃ ᓂᕿᖃᖅᐸᖕᓂᐊᓕᖅᐳᑎᑦ. 19ᐊᐅᒃᑲᕐᖕᓂᖓᕙᖕᓂᐊᓕᖅᐳᑎᑦ ᓂᕿᒃᓴᒥᒃ ᐱᓇᓱᐊᖅᓗᑎᑦ ᐅᑎᓚᐅᖏᓐᓂᕐᖕᓂ ᓄᓇᒧᑦ, ᑕᒫᓐᖓᑦ ᓴᓇᔭᐅᕕᒋᓚᐅᖅᑕᕐᖕᓄᑦ; ᐃᑦᔪᒥᑦ ᐱᓯᒪᒐᕕᑦ ᐃᑦᔪᒧᑦᑕᐅᖅ ᐅᑎᕈᒫᕆᕗᑎᑦ.”
20ᐊᖑᑎᐅᓪᓗ ᓄᓕᐊᓂ ᐊᑦᓯᖅᐹ ᐄᕕᒥᒃ; ᐊᓈᓇᒋᔭᐅᓕᕐᖕᒪᑦ ᐃᓅᔪᓕᒫᓄᑦ. 21ᐊᑕᓂᐅᓪᓗ ᒎᑎᐅᑉ ᐊᑕᒥᒃᑯᒃ ᓄᓕᐊᕇᒃ ᐊᓐᓄᕌᓕᐅᖅᐹᒃ ᐆᒪᔫᑉ ᐊᒥᕕᓂᖏᓐᓂᒃ ᐊᓐᓄᕌᖅᑎᓪᓗᒋᒡᓗ ᑖᒃᑯᓂᖓ.
ᐋᑕᒥᐅᓪᓗ ᐄᕕᐅᓪᓗ ᐱᕈᖅᓰᕕᖕᒥᑦ ᐊᐅᓪᓚᖅᑎᑕᐅᓂᖓᒃ
22 #
ᑕᑯᑎ 22:14. ᐊᑕᓂᕐᓗ ᒎᑎ ᐅᖃᖅᐳᖅ, “ᑕᑯᒋᑦ, ᐊᖑᒃ ᐅᕙᑦᑎᑐᑦ ᑍᒤᓕᕐᖕᒪᑦ, ᖃᐅᔨᒪᓕᖅᓗᓂᓗ ᐱᐅᔪᒥᒃ ᐱᐅᖏᑦᑐᒥᒡᓗ; ᑎᒍᓯᑐᐃᓐᓇᕆᐊᖃᓕᕐᖕᒪᑦ ᓇᐹᖅᑑᑉ ᐃᓅᓯᖃᕐᖕᓇᖅᑑᑉ ᐸᐅᕐᖓᖓᓂᒃ ᓂᕆᓗᒍᓗ, ᐃᓅᓕᖅᓗᓂᓗ ᐃᓱᖃᖏᑦᑐᒧᑦ.” 23ᑍᒤᒻᒪᑦ ᐊᑕᓂᐅᑉ ᒎᑎᐅᑉ ᐱᕈᖅᓰᕕᖕᒥᑦ ᐄᑕᓂᒥᒃ ᐊᐅᓪᓚᖅᑎᑉᐹᒃ, ᓄᓇᒥᑦ ᓂᕿᒃᓴᓂᒃ ᐱᕈᖅᓰᖁᓪᓗᒍ ᐱᓐᖑᖅᑎᑕᐅᕕᒋᓚᐅᖅᑕᒥᓂᑦ. 24ᐊᖑᓪᓗ ᐊᓂᑎᑉᐹ ᑕᕝᕙᓐᖓᑦ; ᐂᖏᓕᓗ ᓯᕈᐱᒻ ᑕᕝᕗᓐᖓᖅᑎᑉᐹ ᐱᕈᖅᓰᕕᐅᑉ ᐄᑕᓂᐅᑉ ᖃᐅᓕᕐᕕᐊᑕ ᓇᓛᓄᑦ, ᓴᕕᒡᔪᐊᕐᖕᒥᒡᓗ ᐃᑯᐊᓚᔪᒥᒃ ᓇᒧᑐᐃᓐᓇᖅ ᓵᖃᑦᑕᖅᑐᒥᒃ ᑕᕝᕗᓐᖓᖅᓯᒋᓪᓗᓂ, ᐊᖅᑯᑦ ᓴᐳᒻᒥᓪᓗᒍ ᓇᐹᖅᑐᒧᐊᖓᔪᖅ ᐃᓅᓯᖃᕐᖕᓇᖅᑐᒧᑦ ᐃᓱᖃᖏᑦᑐᒧᑦ.
Currently Selected:
ᒨᓯᓯ ᓯᕗᓪᓖᑦ 3: EAIB
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Eastern Arctic Inuktitut Bible © Canadian Bible Society, 2012, 2021-2023.