Luke 4:9-12

တဖန် မာရ်နတ်သည် ကိုယ်တော်အား ဂျေရုဆလင်မြို့ရှိ ဗိမာန်တော်၏အမြင့်ဆုံးနေရာသို့ ခေါ်ဆောင်သွားပြီး “သင်သည် ဘုရားရှင်၏သားတော်မှန်လျှင် ဤနေရာမှ ခုန်ချပြလော့။ အကြောင်းမူကား ကျမ်းစာ၌ ‘ဘုရားရှင်သည် သင့်ကိုစောင့်ရှောက်ရန် နတ်ဒေဝါတို့ကို မိန့်မှာထားသည့်အတွက် သင်၏ခြေကို ကျောက်နှင့် မထိမခိုက်စေရန် နတ်ဒေဝါတို့သည် သင့်ကို သူတို့၏လက်ဖြင့် ချီပင့်ကြလိမ့်မည်’ ဟူ၍ဖော်ပြထားသည်မဟုတ်လော” ဟုဆိုလေ၏။ ထိုအခါ ကိုယ်တော်ကလည်း “ကျမ်းစာ၌ ‘သင်၏အရှင်သခင်ဖြစ်တော်မူသော ဘုရားရှင်ကို စမ်းသပ်ခြင်းမပြုရ’ ဟုလည်း ဖော်ပြထား၏” ဟုပြန်လည်မိန့်ဆိုလေ၏။