Luke 6
6
1ဥပုသ်နှိုပ်နှိုပ်ဟှတ်တောလ် ကိုယ်တော်ယေရှုလားအတပည့်လှီ့ ဂျုံခင်းဖြတ်အယ်နားအာမ်ဈာတ်ဟိုဝေါလ် အတပည့်လှီ့နား ဂျုံစေ့လှီ့ကွာထေ့နား အဟိုပ်လှီ့ ကွတ်တောလ်ပွာထေ့နား ဂျူံစေ့လှီ့အာမ်အေ။ 2ဖာရိရှဲလှီ့နား ကိုယ်တော်ယေရှုအောလ် "နာ(င်)မီးနား ဥပုသ်နှိုပ်ပါလ် ပညတ်တော်ဓေါလ် ညီညွတ်ယတိ ဟီဘော်ဟိုင်ရိုးနာမ်စိုင်း" တိရို အာမ်ဟောင်။ 3ကိုယ်တော်ယေရှုနား ဖာရိရှဲလှီ့အောလ် အဟောင်ဘွာလ်ခေါမ်စေ့ "ဒါဝိဒ်နား အင်(မ်)နောက်လိုက်လှီ့ ဘုနားအဓီဝေဟိုဝေါလ် အင်(မ်)နား ဟီဘော်အစိုင်းဟိလ့်နောက်ခေါမ် နာ(င်)မီးနား နာဖတ်ဖူဝိုက်။ 4အင်(မ်)နား aဓမ္မာရုံဒုလ်ကာလ်ဝင်ထေ့နား ပုရောဟိတ်တွက် သီးသန့် ဆွမ်းအာမ်ကပ်ခေါမ် ဘု အပုန်းဟို့နားခါအေထေ့နား အတပည့်လှီ့ခါအပက်ဟိလ့်" တိရို ဟောင်ပါလ်နောလ် ဆက်ကာလ်နား 5"ခေါင်စိုး ဝေါလ်ထောလ်တိ ကေး ဥပုသ်နှိုပ်အရှင်သခင်ငေါလ် ကေထောလ်" တိရို အမိန့်။ 6အစွာဥပုသ်နှိုပ်နှိုပ်ဟှတ်တောလ်b ကိုယ်တော်ယေရှုနား ဓမ္မာရုံငေါလ် အသင်ပြဟိုဝေါလ် ခစ်လာမ်းကွတ်ပွန်ယတိ ပွလ်ဟှတ်အမယ်။ 7အင်(မ်)ဟိုဝေါလ် ဖာရိရှဲလား ကျမ်းတက်ဆလော်အချို့လှီ့နား ကိုယ်တော်ယေရှုနား ဥပုသ်နှိုပ်ပါလ် ပွလ်ဟှတ်ဟှတ် အကုသပက်နားစေး စွပ်စွဲဟိုင်အကြောင်းပြချက် လောဒ့်ခွတ်ဟိုင်တွက်ကာလ် အနီးကပ်အာမ်ဓေါ့်။ 8အင်(မ်)ဘော်နားခါ အင်(မ်)လှီ့နား ဟိဘော်အာမ်ခိန်နောက်ခေါမ် အစုတ်(င်)ခန်းနောလ် ကိုယ်တော်ယေရှုနား အင်(မ်)ကွတ်ပွလ်ယတိ ခေါင်ငေါလ် "ခေါင်လှီ့မော်ဝေါလ် ထုလ်ထေ့နား တုလ်ငါး" တိရို အဟောင်ဟိုဝေါလ် အင်(မ်)ခေါင် အင်(မ်)ဓိလ်နောလ် အတုလ်။ 9အင်(မ်)ပါလ်နောလ် ကိုယ်တော်ယေရှုနား အင်(မ်)လှီ့အောလ် "နာ(င်)မီရိုး ကေဟိ့ရိုက်။ နီဘော်ဥပုသ်နှိုပ်ပါလ် ပွန်တိစိုင်းခေါမ် ပညတ်တော်တောလ် အညီယာ။ ဆီးယနား တုနှိုပ်ပါလ် ပွလ်ဟှဟှတ် ကယ်လောဒ့်အိုက်ယာ။ ပွလ်ဟှဟှတ် ဖျက်စီးလောဒ့်အိုက်ယာ"တိရို အဟိ့။ 10အင်(မ်)ပါလ်နောလ် ခစ်လာမ်ကွတ်ပွန်ယတိအောလ် "နာ(င်)ကွတ်တာလူးဝြား" တိရို အဟောင်ဟိုဝေါလ် အင်(မ်)ခေါင်နား ဟောင်ဘော်တိုင်ငေါလ် အကွတ်အတာဟိုဝေါလ် အကွတ်ခေါမ် ပကတိတိုင် အမယ်ဘွာလ်လှာလ်။ 11အင်(မ်)ဟိုဝေါလ် ဖာရိရှဲလှီ့ အာမ်လုန်ဆုလ့်ထေ့နား ပွလ်ဟှတ်ဟွန်းဓိလ် ပွလ်ဟှတ် ဓေါ်ဝေးတောင်ဗာန် ယေရှု ဟိဘော် အရေးယူလောဒ့်အိုက်နောက်ခေါမ် အချင်းချင်း အာမ်တိုင်ပင်။ 12အင်(မ်)ဟိုဝေါလ် ဖာရိရှဲလှီ့ အာမ်လုန်ဆုလ့်ထေ့နား ပွလ်ဟှတ်ဟွန်းဓိလ် ပွလ်ဟှတ် ဓေါ်ဝေးတောင်ဗာန် ယေရှု ဟိဘော် အရေးယူလောဒ့်အိုက်နောက်ခေါမ် အချင်းချင်း အာမ်တိုင်ပင်။ 13ခူဝြာဟိုဝေါလ် အတပည့်တော်လှီ့စုဝေးထေ့နား အင်(မ်)လှီ့ဒုလ်ကာလ်ကိ ကုလာနှိသာဝကအဖြစ် အလူ။ 14အင်(မ်)လှီ့စေ့ ပေတရု တိရို ကိုယ်တော်နား အမိန်ပက်ဟိလ့်ခေါမ် ရှေမုန်။ ကျန်တိလှီ့စေ့ ပေတရုနား အနောင်(င်) 'အန္ဒြေ'၊ 'ယာကုပ်'၊ 'ယောဟန်'၊ ဖိလိပ္ပု'၊ 'ဗာသောလမဲ'၊ 15'မဿဲ'၊ 'သောမ' အာလဖဲနားအစိုး 'ယာကုပ်' မျိုးချစ်ပုဂ္ဂိုလ်တိရို အာမ်ဟောင်ခေါမ်ရှိမုန်'၊ 16ယာကုပ်နားအစိုး 'ယုဒ' နား ဆားဝေါလ် ကိုယ်တော်ဝေါလ် ဆစ္စော ဖောက်ဟိုင်ခေါင် ရုဒရှာကာရုတ်တိအောလ် အာမ်ထောလ်။ 17အင်(မ်)ပါလ်နောလ် ကိုယ်တော်ခေါမ် သာဝကလှီ့ဓေါလ်ဟှတောလ် ကုမ်း(မ်)ဟြှလ်နောလ်ကိ မြေပြန့်အောလ် အာမ်ကမ်း(မ်)လူး။ အင်(မ်)ဓိလ်နောလ် အတပည့်လှီ့ဓေါလ်ဟှတောလ် ယုဒဘီ၊ ဂျေရုရှလင်၊ ဇိဒုန်လား တုရုဒေသအောလ်ကိ ခေါင်လှီ့ အင်(မ်)ဓိလ်နောလ် အာမ်ခိုက်လူး။ 18အင်(မ်)လှီ့နား ကိုယ်တော်ယေရှုဟောင်ခေါမ်လှီ့ငေဟိုင်နား ရောဂါမို့လှီ့ ဒူပက်ဟိုင်အာမ်လီခန်းနောလ်အာမ်လူး။ နတ်ဆီး ပူးကပ်တိခေါင်လှီ့ခါ ပကတိတိုင် အာမ်မယ်ဘွာလ်။ 19ကိုယ်တော်စငေါလ် အနာရောဂါလှီ့ ခိလ်ဘွာလ်ခွတ်နောက်ဟိုင် တန်ခိုးလှီ့အမယ်ခန်းနောလ် အင်(မ်)လှီ့ကိမ်ကိမ် ကိုယ်တော်ယေရှု ထိဟိုင်အာမ်ကြိုးစားကြ။ 20အင်(မ်)ပါလ်နောလ် ကိုယ်တော်ခေါမ် အတပည့်တော်လှီ့ လာမ်းမယ်မောင်(င်)ထေ့နား "ဖုလော်ရှင်သာသနာတော်နောက်ခေါမ် စက်ကယ်တိလှီ့တွက်ကာလ် အထောလ်ခန်းနောလ် ပျော်ရွှင်ဘွတ်စူး။ 21တုအောလ် မိဟာတ်တိနာ(င်)မီးရိုးခါ ဟို့ဟွမ်နောလ် နာအေလောဒ့်အိုက်ခန်းနောလ် ပျော်ဘွတ်စူး။ တုအောလ် ကာပ်တိနာ(င်)မီးလှီ့ခါ နာမ်နူလောဒ့်အိုက်ခန်းနောလ် ပျော်ရွှင်ဘွတ်စူး။ 22အစွာခေါင်လှီ့နား နာ(င်)မီး 'ခေါင်စိုး' ကြောင်းငေါလ် အမုန်းနာမ်ခါမ်လောဒ့်နားခါ၊ အပစ်ပယ်ခါမ်နားခါ၊ နာ(င်)မီးနား ဆာတ်ဆီခါမ်လောဒ့်ထေ့နား ခေခေါဆီးခါမ်လောဒ့်နားခါ ပျော်ရွှင်ဘွတ်စူး။ 23အင်(မ်)ဘော် ထောလ်လူးနားစေ့ ဝမ်းသာဘွတ်စူး။ ဘော်ဟိုင်ရိုနောက်ဟိုဝေါလ်စေ့ ဟြားလုအောလ်မယ်တိ နာ(င်)ဆုလာဒ်နောက်ခေါမ် အကြီးမြတ်။ ဟမာလ်ကထု အင်(မ်)လှီ့ ဆွာကိုင်လှီ့နားခါ ပရောဖက်လှီ့ အင်(မ်)ဘော်တိုင်ငေါလ် အာမ်စိုင်း။" 24အင်(မ်)ဘော်နားခါဘိုလ်တိလှီ့၊ နာ(င်)မီး ဘဝသက်တောင်းသက်တာ နာမ်မယ်ဟိလ့်လောဒ့်ခန်းနောလ် နာ(င်)မီးတွက် အဆိုးဝါး။ 25တုအောလ် အေပွန်အောတ်ပွန် အေလောဒ့်တိလှီ့ မိတ်(တ်)ဟခေါမ် ကြုံလောဒ့်အိုက်။ တုအောလ် နူခွတ်တိလှီ့ ဝမ်းနည်းပူဆွေးထေ့နား အာမ်ကာပ်လောဒ့်အိုက်။ 26ခေါင်လှီ့နား နာ(င်)မီးပွန်ခေါမ်အကြောင်း အာမ်ဟောင်ဟိုဝေါလ် နာ(င်)မီးဆိတ်နာမ်ခမ်းမိုက်။ ဘော်ဟိုင်ရိုးနောက်ဟိုဝေါလ်စေ့ အင်(မ်)လှီ့ ဆွာကိုင်လှီ့လားခါ အယောင်ဆောင်ပရောဖက်လှီ့ သွန်သင်ချက်ဘော်တိုင်ငါလ် အာမ်ဟောင်ဟိလ့်ခန်းနောလ်။ 27"နာ(င်)မီး ပွလ်ဟှတ်ချင်းငေါလ် ကဟောင်ဝိုက်။ ဆုန်ပွီလှီ့အောလ် မေတ္တာတောဘွတ်စူး။ ပုန်းဟိုး မုဓေါင်တိလှီ့ခေါင်အပေါ်ဝေါလ်ခါ ကောင်းကျိုးစိုင်းပက်ဘွတ်စူး။ 28နာ(င်) ထိုင်းဆတ်နိုးတိလှီ့ခါ ဖုလော်နား ကောင်းချီးပက်ဟိုင် ဆုတောင်းပက်ဘွတ်စူး။ နာ(င်) ဆဆ္ဆီနိုးတိလှီ့တွက်ခါ ဆုတောင်းပက်ဘွတ်။ 29နာ(င်) ထိုင်းဆတ်နိုးတိလှီ့ခါ ဖုလော်နား ကောင်းချီးပက်ဟိုင် ဆုတောင်းပက်ဘွတ်စူး။ နာ(င်) ဆဆ္ဆီနိုးတိလှီ့တွက်ခါ ဆုတောင်းပက်ဘွတ်။ 30နာ(င်)စငေါလ် တောင်းငယ်လူးတိလှီ့အောလ် ပေးကမ်းဘွတ်ယား။ နာ(င်) ပစ္စည်းဥစ္စလှီ့ ပူတိလှီ့စငေါလ်ကိ တောင်းငယ်ဘွာလ်ကော့။ 31ပုန်းဟို့အပေါ်ဝေါလ်ပွန်ရိုဆက်ဆံယေဆောက်ဟိုင်လီဘော် ခေါင်လှီ့အပေါ်ဝေါလ်ခါ ပွန်ရိုး ဆက်ဆံပက်ဘွတ်။ 32ပုန်းဟိုးဝေါလ် မေတ္တာတောတိယောင် ခစ်ဘွာလ်ဝိုက်နောက်ဟိုစေ့ အင်(မ်)ခေါင်ခေါမ် ဖုလော်ရှင်နား ဟိဘော်အချီးမွမ်းခွတ်ကိုက်။ အဆီးလုပ်တိလှီ့ကုံးနားခါ အပုန်းဟို့ခစ်တိခေါင်လှီ့ အာမ်ခစ်ဘွာလ်။ 33ပုန်းဟို့အပေါ်ဝေါလ် ပွန်းတိလှီ့အောလ်ယောင် နာပွန်ဘွာလ်ဝိုက်ဟိုဝေါလ်စေ့ ဖုလော်ရှင်နစငေါလ်ကိ ဆုလာဒ် မျော်လင့်ကော့။ အပြစ်ဒုစရိုက်ဆော်လှီ့နားယောင် အင်(မ်)ဘော် အာမ်စိုင်း ခွတ်။ 34နာ(င်)မီးရို ပက်ဘွာလ်ဟိုင်လှီ့အောလ်ယောင် နာမ်ပူဟိုဝေါလ်စေ့ နာ(င်)မီးနောက်ခေါမ် ဟအီ ကောင်းချီးမင်္ဂလာ နာမ်လောဒ့်သင့်။ အဆီးလုပ်တိလှီ့နားယောင် အပူခေါမ်ဘော်တိုင် ပမာဏတူ လောဒ့်ဘွာလ်ဟိုင်ရိုး အာမ်ပူဝေးတောင်ငိုက်။ 35အင်(မ်)အစား နာမ်ဆုန်ပွီယောင် ခစ်ထေ့နား အင်(မ်)လှီ့အပေါ်ဝေါလ် ပွန်တိလှီ့ယောင် စိုင်းဘွတ်စူး။ တစ်စုံတရာ လောဒ့်ဘွာလ်ဟိုင်လှီ့ ခိလ်ကော ဘူဘွတ်စူး။ အင်(မ်)ဘော်နာစိုင်းဟိုစေ့ နာ(င်)မီးလောဒ်ဟိုင် လက်ဆောင်နောက်ခေါမ် ကြီးမားထေ့နား မြင့်မြတ်ဆုံးတိ ဖုလော်စိုးနောင်ဝေါလ် နာမ်ထောလ်နိုက်။ ဘော်ဟိုင်ရို နောက်ဟိုဝေါလ်စေ့ ဖုလော်ရှင်နား ကျေးဇူးစူးယတိလှီ့နား ပွန်ယတိလှီ့ခါ အခစ်။ 36နာ(င်)မီးအပေါ်ဝေါလ် နာ(င်)ဖုလော်ရှင်နား ဂရုဏာအတောဒ့်ဘော် အစွာခေါင်လှီ့အပေါ်ဝေါလ်ခါ ကရုဏာတောဘွတ်စူး။ 37"အင်(မ်)အပြင် အစွာခေါင်လှီအောလ် စစ်ကြောစီရင်ခေါမ်စိုင်းကော့။ အင်(မ်)ဘော်ဟိုဝေါလ်ယောင် ဖုလော်ရှင်နားခါ နာ(င်)မီးရိုး စစ်ကြောစီရင်ခေါမ်စိုင်းဟိုင် ဆီးယော်။ ပွလ်ဟှဟှတ် ခက်ခဲဟနောလ် စိုင်းကော။ အင်(မ်)ဘော်ဟိုဝေါလ်ယောင် ဖုလော်ရှင်နား နာ(င်)ခက်ခဲဟနောလ်စိုင်းဟိုင်ဆီးယော်။ အစွာခေါင်လှီ့ ခွင့်နာလွတ်ပက်ဟိုဝေါလ်စေ့ ဖုလော်ရှင်နားခါ နာ(င်)ခွင့်အလွတ်ပက်တိုက်။ 38အစွာခေါင်လှီ့အင်(မ်) နာပေးကမ်းဟိုဝေါလ်စေ့ နာ(င်)မီးခါ ပေးကမ်းခေါမ် နာမ်ခံလောဒ့်အိုက်။ နာ(င်)နား အစွာခေါင်လှီ့အောလ် နာပက်ဟော့ ဖုလော်ရှင်နားခါ အပက်ဘွာလ်ဝိုက်" တိရို အမိန့်။ 39အင်(မ်)ပါလ်နောလ် ကိုယ်တော်ယေရှုနား အင်(မ်)လှီ့အင်(မ်) ပုံဥပမာ(ခွီး)ပုဒ်ဟှတ် အဟောင်။ "မိတ်မုယတိခေါင်ပွလ်ဟှတ်နား အစွာမိတ်မုယတိပွလ်ဟှတ် လာမ်းအဓေါင်ပက်ခွတ်ကိုက်ယာ။ ပနှိစလုံး လော်ဒုလ်ကာလ် ကိုးခွတ်ဟိုင်ဆီးယော်ဟွဒ့်ယာ။ 40တပည့်နောက်ခေါမ် ဆရာထက်ကာလ် အတော်ခွတ်ယော်။ အင်(မ်)ဘော်နားခါ အင်(မ်)လှီ့ပွန်ရို လေ့ကျင့်ပက်ဟိုစေ့ အာမ်ဆရာဘော် အာမ်ထောလ်လူးဝိုက်။ 41နာ(င်)နားနောက်ခေါမ် နာခီပွီ မိတ်ဒုလ်ကာလ်ကိ မိတ်အက်စေ့နာမုခွတ်။ အင်(မ်)ဘော်နားခါ နာမိတ်ဟို့ဒုလ်ကာလ်ကိ ထိင့်တုံးတိဘောင်မယ်တိ မိတ်အက်ခေါမ် သတိတေားခွက်ယော်တိ။ 42နာမိတ်ဟို့ဝေါလ်ကိ ထိင့်တုံးတိဘောင်လန်တိ မိတ်အက် နာမုအယ်ကော "နာခီပွီ မိတ်ဒုလ်ကာလ်ကိ မိတ်အက် ကေလို့ပက်တိုက်" တိရို ဟိဘော် ဟောင်ခွတ်ကိုက်။ အယောင်ဆောင်တိလှီ့အာ၊ နာမ်မိတ်ဟို့ဒုလ်ကာလ်ကိ ထိင့်တုံးတိဘောင်မယ်တိ နာမိတ်အက်ခေါမ် လို့ဝေးမိုဘွတ်။ အင်(မ်)ဘော်ဟိုဝေါလ်ယောင် နာ(င်)ခီပွီ မိတ်ဒုလ်ကာလ်မယ်တိ မိတ်အက်ခေါမ် ဟအီဘော် လို့လောဒ့်အိုက်နောက်ခေါမ် စုတ်ခွတ်ကိုက်။" 43"အထိင့်ပွန်တိနား ပွန်ယတိ အဌေ့ ဌေးယော်။ အထိင့်ပွန်ယတိရိုးခါ အဌေ့ပွန်တိ ဌေးခွတ်ယော်နောက်ခေါမ် ခေါင်တိုင်နား အာမ်စုတ်(င်)။ 44နာ(င်)မီးနား လှိန်သူဒုလ်ကာလ်ကိ ဆပိဌေ့ ဆီးယနား စပျစ်ဌေ့ ဆိပ်ကာလ်လောဒ့်ခွတ်ယော်။ 45ပွန်တိခေါင်နား အလုန်ဒုလ်ကာလ်ကိ ပွန်တိလှီ့ယောင် အဖော်ပြထေ့။ ပွန်ယတိနား အလုန်ဒုလ်ကာလ်ကိ ပွန်ယတိယောင် အဖော်ပြထေ့။ နာ(င်)မီးခင်ခေါလှီ့နား နာ(င်)မီး လုန်ဟိဘော်မယ်နောက်ခါ အဓေါင်။ 46"နာ(င်)မီးနား ကေးခေနာငေးကော ဟိဘော်ဟိုင်ရို ကေး 'အရှင်'၊ 'အရှင်' တိရို နာဗာန်နယ်။ 47ကေးစငေါလ်လူးထေ့နား ကေးခေခေါငေတိလှီ့ကိမ်ကိမ် ဟအူဓေါလ် တူဝေးနာက်ခေါမ် ကေးနား ကဟောင်ဝိုက်။ 48အင်(မ်)ခေါင်ခေါမ် သပ့်ထုဟနောလ်စာလ်ထေ့နား လုံးလှီ့ဓေါလ် အုတ်မြစ်ချထေ့နား အိမ်ဆောက်တိဓေါလ် တူဝေး။ ခူအိုးထေ့နား ဒွီအလန်လူးဟိုဝေါလ်ခါ အင်(မ်)အိမ် ပွန်ပွန်အဆောက်ကယ်ခန်းနောလ် လှုပ်ခါမှုမယ်ကော ကြံ့ကြံ့အခံ။ 49အင်(မ်)ဘော်နားခါ ကေးတရားလှီ့ ငေထေ့နား လိုက်နာယတိ ခေါင်လှီ့စေး အုတ်မြစ်ချကော သပ့်ခုံငေါလ် အိမ်ဆောက်တိဓေါလ် အတူဝေး။ ခိုယို့ အိုးလူးထေ့နား ဒွီအလန်လူးဟိုဝေါလ် အင်(မ်)အိမ်ခေါမ် ချက်ချင်း အပျက်စီးရိုက်" တိရိုအဟောင်။
Currently Selected:
Luke 6: ctpv-rv
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
This translation of the Chin-Songlai Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.