Mark 7
7
Gelé go ca hada do moin
(Matié 15:1–9)
1Ga Parisié kang kalang ga gelé so go Kumu koi sai a Jorsalém, ké ’yé yaué gusu Jésu. 2Ké sol anjama gai ga pena wa do wo dang kalndigé kenwa basé pelé main moinderegé ba gelgang kain ’eno.
3Cawa ga Parisié kang ga Juib mam, ké pela kalndigé arin jua ma, ké di do dé, cawa ké maga hada do moinderegé togé. 4Kiddin ga ka jiga a to gasgo na, ké di do ’eno dé, ké pela gusugé jua. Ké maga hada do ddang nain do ké ba ’ya, main pelé go ongerang ga ddarin, dang ga bbaserong, dang ga bbaserong ga julong do yilé, dang ga gasulong kain.
5Ga Parisié kang kalang ga gelé so go Kumu koi ’enger Jésu wa: Anjama gai maga hada do moinderana togé ’enoa cawa ma, ké do doang kalndigé kenwa ga? 6Jésu jogu yégé wa: Go cogelé kebu go Kumu koi Esai cogel kual caigenga kerab, keng kalang ga babé, main ké ba pasuang kain, Kumu yé wa:
Kalang lé bung hormo danga kual go yo go kebegé mera,
Ama ddaindigé suguddong has dang nang.
7Kalang lé melawunga kalin kéd,
Cawa ké gela so go kalang kogé main go Kumu koi kain.
8Jésu jogu yégé wa: Keng ddé so go Kumu koi cong ca kobé gelé go kalang kogé.
9Kardené Jésu yégé com: Cindi keng winjé so go Kumu koia durné, keng maga hada dogeng. 10Cawa Mois yé wa: Ji bu bain kang ’yoin hormo. Kema goni goni goa yé kual go isini ca bai kau ’yoi na, na gad ddi mara. 11Ama keng, keng gel wa: Kema nia yei bai kau ’yoi waldong wang wa: Henga ga ’enungang nagé ga jégenegeng, na Korban, to do poré, na kalin do boi Kumu. 12Keng ddai ddi jegena bai kau ’yoi ’eno. 13Keng belé kual go Kumu koi kalin dang gelé gogeng gusu kalang ga pena. Keng lé henga ga pena combu main nagé kain bu’.
Henga ga belé kema ddisin
(Matié 15:10–20)
14Kardené Jésu té kalang ga yaué combu gusi ddang com, ddi yégé wa: Keng mam ga jageng kual guang bua, ga selageng toi bu’. 15Henga ga a gusu kema dong andong kederei go belei ddisin ’eno, Henga ga andegeng ddainya kema na, na henga ga belei ddisinya ké. [ 16Keng nia dang gesemé ga jo na, ga jageng ddara.]
17Kiddin ga Jésu ba ddé kalang ga yaué combu na, ddi andong gulong, anjama gai ’engeri ca kual go kera lé toi. 18Ddi ’engergé wa: Keng kau bbala solé kual lé toi ’eno bu’ ga? Henga ga a gusu kema dong go andong kederei go belei ddisin ’eno. 19Cawa ké go andong duro ddaindi ’eno, ama na kederei, kardené ké andong gusi dong. (Jésu yé kual lé kua ca belanga henga ga do mam carara.) 20Ddi yégé com: Henga ga andegang dong a gusu kema, na go belei ddisin. 21’Eremé go isini saga a kema ddaindi go ddei lo béli, dang koié, dang deddé go temai. 22Dang podelo, dang kédi, dang bandu, dang segeldé, dang lamé, dang ddéngi, dang guarsin, dang pidé go gusu, dang henga ga lo ga isini gani mam. 23Henga ga isini lé kua mam na, andeganga ddainya kema, na ga belei ddisin.
Tama do toa ddang bu cindi ca Jésu
(Matié 15:21–28)
24Kardené Jésu sai a kiddin lé ’yé ca gesong ga Tir dang ga Sidon. Ddi andong duro kulu go pena, ddi dar ca kema pena solei ’eno, ama ddi bbal ca wosé gusi ’eno. 25Kuabapadda tama do pena do turma dang habé ga isini na, to jé kual go Jésu koi, to ’yé aserong tumoi. 26Toa tama do toa ddang, ké wa a Pénisi gesong ga Siri. To ol Jésu dang ’elé ca kondia taia habé ga isini a kederé turma cong. 27Ama Jésu ya wa: Dda karang ké aidang tumu jua, ca aié wo go karang kogé bo gaié na ddara ’eno. 28To jogu yei wa: Na cindi Bagulong, wia gaié kau na, ké woida dugu kiddin ga do gang ca goldé do go suaderang a kebu karang. 29Kardené Jésu ya wa: Ca kual gué go mé ba jogu yei lé na, ’era té, habé ga isini lé durong a gusu turmé lé cong ’enda. 30To jogu ’yé ta. To wai turma dang woié ca gasulong, habé ga isini lé durong guso cong.
Jésu bi kema go dduguré go yo kualang duro ’eno labia
31Jésu biga cai a Tir, ddi ai giyong go Sidon, ddi dal kebu tagu do Galali, dang gulong go gemdong go moac. 32Ké gol kema go dduguré go yo kualang duro ’eno ’yang gusi, ké oli ca kondia si kobi cai. 33Jésu goli a gusu kalang ga yaué combu ’yang nai waldong kaindi, ddi si tebeni gesemei, ddi tibé kalu cili kema lé kelendi. 34Kardené ddi ai cindi dang, ddi dor habé subbuk, ddi yei wa: Epata, to do poré, hangang. 35Kobipadda kema lé gesemei hangdong bua, kelendi porong bu’, ddi yé kual ddar carara. 36Jésu sigang dono mam ca kandia yoi kema pena ’eno, ama so go ddi ba sigé nain kain lé kau na, ké tor kual goi lé toi dang nain cainé. 37Kalang sol kagelokemo bbani ’eno. Ké yé wa: Ddi lé henga mam ddar, ddi si ga dduguré jé kual, ga yo kualang duro ’eno kau na, ké yé kual.
Currently Selected:
Mark 7: TNG1978
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© Alliance biblique universelle (United Bible Societies) 1978.