Luuka 11
11
Ɨmanyizyo ɨzya humʼpuute ʉNgʉlʉbhɨ
(Mataayo 6:9-13; 7:7-11)
1Isiku limo ʉYeesu ahali apuute apantu pamo. Lwa waamala apuute, ʉmo mwa bhasundwe bhaakwe ahamʼmʉʉzya ahaga, “Wee Mwɨnɨ, ʉtimanyizye apuute, nanshi ʉYoohani ʉMwozi sha‑ahabhamanyiziizye abhasundwe bhaakwe.”
2ɄYeesu ahabhabhʉʉzya ahaga, “Lwa mupuuta, mugaje,
‘Wee Daada wʉ‑ʉli hu mwanya,#11:2 wʉ‑ʉli hu mwanya Amazwi ɨgo saga galɨɨho mu nsimbo zimo ɨzyɨ mandɨ ɨzyɨ Shiyunaani.
itaawa lyaho limwamihwaje,#11:2 itaawa lyaho limwamihwaje Ɨpa itaawa hwa huje yʉ Ngʉlʉbhɨ yʉʉyo wa‑akhondɨɨye huje amwamihwaje, pɨpo mʼfinjile.
ʉwumwɨnɨ waaho wɨnzaje.
Zyʉ‑ʉzigɨɨne zibhombehaje mu nsi ʉmu,
nanshi sha zibhombeha hu mwanya.#11:2 Zyʉ‑ʉzigɨɨne zibhombehaje mu nsi ʉmu, nanshi sha zibhombeha hu mwanya Amazwi ɨgo saga galɨɨho mu nsimbo zimo ɨzyɨ mandɨ ɨzyɨ Shiyunaani.
3Ʉtipeele ɨshalye sheetu ɨshɨ nsiku zyonti.
4Ʉtikhobhoshelaje ɨmbiibhi zyetu,
nanshi atɨ sha tihubhakhobhoshela bhonti bha bhahutibhombela shibhiibhi.
Ʉtilongozyaje huje, tigandi ahwinjile mu njelo,
leelo ʉtifyʉle afume hwa Mʼmiibhi ʉla ʉSeetano.’ ”#11:4 leelo ʉtifyʉle afume hwa Mʼmiibhi ʉla ʉSeetano Amazwi ɨgo saga galɨɨho mu nsimbo zimo ɨzyɨ mandɨ ɨzyɨ Shiyunaani.
5Ɨpo ahabhabhʉʉzya hu shifwani ahaga, “Amwɨ sɨɨbhaji! Muuhati yeenyu ʉmuntu weeka abhala hwa mʼmanyani waakwe nʉsiku paahati. Ahumʼmʉʉzya aje, ‘Wee mʼmanyani waanɨ, ɨlaabha ʉhopele ɨntogito zitaatu 6hu nongwa ya‑aje, ʉmʼmanyani waanɨ ayɨnzɨle, leelo anɨ saga ɨndi nɨ shalye ɨsha humʼpeele.’ 7Wope ʉmʼmanyani ʉyo, lwa‑ali mu nyumba ahumʼmwamula huje, ‘Leha huntaamye! Ɨngaliiye ʉlyango, nantele anɨ na bhaana bhaanɨ tigonile ʉtulo. Saga ɨmbajiiye adaamule huje, ɨʼpeele hohonti!’ ” 8ɄYeesu ahajendeelela ayanje ahaga, “Ɨhubhabhʉʉzya aje, anza‑adaamule na humʼpeele vya‑ahwanza, hwa saga huhwɨnza hu nongwa yɨ manyani waakwe, lyoli hu nongwa ya‑aje, wajendeelela tee hunʼnaabhe hu jimbiilizu.#11:8 wajendeelela tee hunʼnaabhe hu jimbiilizu Abhamanyiihanyi abhanjɨ abhi‑Ibhangili bhayiga, saga ahwanza aje, itaawa lyakwe linanjishe hwa bhantu.
9Ɨshi ɨhubhabhʉʉzya huje, laabhaji namwɨ munza hwambɨɨlɨle, anzaji namwɨ munza huvyaje, iguzyaji namwɨ munza hwigulilwe ʉlyango. 10Ɨnjanjile ɨsho, pɨpo ʉmuntu wowonti wa‑alaabha, ahwambɨɨlɨla, wa‑ahwanza, ahuvyaga, wa‑ahwiguzya, ahwigulilwa. 11Weenu ʉyise mwaliimwɨ, nkashele ʉmwana waakwe ahunʼnaabha ɨnswɨ, agamʼpeela ɨnzoha? 12Awe nkashele ahunʼnaabha ijɨnza, agamʼpeela ɨnkoonya? 13Poshe amwɨ muli bhɨ mbiibhi, leelo mumɨɨnye hubhapeele abhaana bheenyu ɨvintu ɨvinza. Lyoli ʉDaada weenyu ʉwa hu mwanya anza hubhapeele ʉMʼpepo ʉMʼfinjile hwa bhaala bha bhahunʼnaabha.”
ɄYeesu ali ni‑ikhone ashile ʉSeetano
(Mataayo 12:22-30; Maalʉko 3:22-27)
14Isiku limo ʉYeesu ahadagaga ipepo mwa muntu ʉmo. Ipepo ɨlyo lya lyahamʼmɨɨshɨle ʉmuntu ʉyo abhe mʼbwibwi. Ipepo lwa lyafuma, pɨnɨɨpo ʉmuntu ʉyo ahanda ayanje. Ɨmpʉga ɨya bhantu ya yahali paala yahaswiga tee. 15Leelo bhamo muuhati yaabho bhahaga, “Ahugadaga amapepo hwi‑ikhone lya Belizebuuli,#11:15 Belizebuuli Ɨli litaawa lyɨnjɨ ɨlya Seetano. ʉnʼgoosi ʉwɨ mapepo. Ʉyo ahumʼpeela ikhone ɨlya hugadaje amapepo mwa bhantu!” 16Bhamo bhahanʼjelaga ʉYeesu huje, abhalolesye ɨshimanyishizyo sha shimanyisya huje, afumile hwa Ngʉlʉbhɨ. 17Leelo ʉYeesu ahamanya ɨnsɨɨbho zyabho. Ɨpo ahabhabhʉʉzya ahaga, “Abhantu abha mu wumwɨnɨ weeka nkashele bhalwa bhɨɨbho hu bhɨɨbho na‑avitilwane, ʉwumwɨnɨ ʉwo wutapuhɨɨne na‑agwe. Nantele abhantu abha mu nyumba yeeka nkashele bhalwa bhɨɨbho hu bhɨɨbho, ɨnyumba ɨyo ɨnanjiha. 18Sha zilɨɨho, nkashele ʉSeetano alwa na mapepo agamwabho, ʉwumwɨnɨ waabho wutapuhɨɨne. Wɨlɨ, ɨshi ʉwumwɨnɨ waakwe wubhajiiye wɨlɨ ajendeelele? Ɨhubhabhʉʉzya amwɨ ɨsho hu nongwa ya‑aje, muyiga ɨhugeefwa amapepo hwi‑ikhone lya Belizebuuli. 19Ɨshi, nkashele muyiga anɨ ɨhugadaga amapepo hwi‑ikhone lya Belizebuuli, wɨlɨ abhasundwe bheenyu bhahugadaga hwi‑ikhone lya naanu? Ɨshi, hu nongwa ɨyo, abhasundwe bheenyu bha bhɨɨbho bhahayihubhalonga amwɨ. 20Lyoli ɨhugadaga amapepo hwi‑ikhone lya Ngʉlʉbhɨ. Ɨshi mumanyaje huje, ʉwumwɨnɨ ʉwa Ngʉlʉbhɨ wubhɨnzɨɨye amwɨ!
21Ʉmuntu ʉwi‑ikhone, nkashele ali nɨ shilwɨlo, alɨndɨɨlɨla ɨnyumba yaakwe huje, asahabhe nkʉ‑ʉmo ʉwa‑afyʉle ɨvintu vyakwe. 22Leelo nkashele ayɨnze ʉmuntu ʉwi‑ikhone ashile ʉmwene, ahumʼmwinjiilila na humʼmene. Ɨpo ahumʼfyʉla ɨvilwɨlo vyakwe vyonti vya‑ahasʉbhɨlaga, na hweje ɨvintu vyonti vya vili mu nyumba na hubhagabhile abhanjɨ. 23Ʉmuntu wowonti wa saga ali peeka naanɨ, ʉyo nʼnʉgʉ waanɨ. Nantele wa saga abhʉngaanya peeka naanɨ, ʉyo apalanganya.”
Ɨmanyizyo hu nongwa yɨ mapepo
(Mataayo 12:43-45)
24ɄYeesu ahayanga nantele ahaga, “Ipepo lwa lyafuma mwa muntu, lihweleela shaaha hwa saga huli na mɨnzɨ, ahwanze apa‑atʉʉye. Leelo saga lihupalola apa‑atʉʉye, ɨpo lihwiyanjila huje, ‘Ɨmbala‑aweele mu nyumba yaanɨ mwa nahafumile.’ 25Lwa liweela, lihuyaaga ɨnyumba ɨla ɨyʉsɨɨlwe, na‑adonwe shinza. 26Ɨpo libhala hweje amapepo aganjɨ pʉnga (7) amabhiibhi tee ashile ɨlyene. Gatʉʉha mwa muntu ʉyo na‑akhale. Ɨpo ʉmuntu ʉyo atonta tee ashile sha‑ahali hu wandilo.”
Ɨnsayo ɨzyɨ lyoli
27ɄYeesu lwa‑ali ayanje ɨzyo, ʉnʼshɨ ʉmo mu mpʉga ɨla ahabwaga ibwago hwi‑izwi igoosi ahaga, “Asayiiwe wa‑ahaʼpɨɨpe aawe na huhwonsye!” 28ɄYeesu ahayanga ahaga, “Lyoli! Bhasayiiwe tee bha bhahulyʉmvwa izwi lya Ngʉlʉbhɨ na hulibhombele ɨmbombo!”
ABhafalisaayo bhahwanza ɨshimanyishizyo afume hwa Yeesu
(Mataayo 12:38-42)
29Abhantu lwa bhahwonjeelela abhʉngaane, ʉYeesu ahabhabhʉʉzya ahaga, “Abhantu abhɨ habhaazyo ɨha bhɨ mbiibhi tee, pɨpo bhahwanza ɨshimanyishizyo ɨsha‑aje, anɨ ɨmfumile hwa Ngʉlʉbhɨ. Leelo anɨ saga ɨnza hubhalolesye ɨshimanyishizyo, lyoli shɨ shimanyishizyo sha Yoona lwene. 30Nanshi ʉYoona sha‑ahali shimanyishizyo hwa bhantu abha hwi‑ibooma ɨlyɨ Ninaawi, anɨ nɨMwana wa Muntu nanɨ nahayibha shimanyishizyo hwa bhantu abhɨ habhaazyo ɨha. 31Nantele, pi‑isiku liila ɨlya‑alongwe, ʉmwɨnɨ ʉwɨ shishɨ ʉwa hu nsi ɨyɨ Sheeba ahayɨmɨɨlɨla na hubhalonje abhantu abhɨ habhaazyo ɨha huje bhali nɨ mbiibhi. Ɨnjanjile ɨsho, pɨpo ʉmwene ahashʉʉlɨle afume hutali, huje ayɨnze atejeelezye amazwi agɨ tengamazu aga mwɨnɨ ʉSolomooni. Ɨshi ɨhubhabhʉʉzya huje, ɨpa alɨɨho ʉmo wa‑ali nʼgoosi ashile ʉSolomooni. Leelo amwɨ mukhaana humʼmwʉmvwe!#Bhaazya 1 aBhamwɨnɨ 10:1-10; 2 ɨMbalilo 9:1-12. 32Isiku ɨlya‑alongwe, abhantu abha hwi‑ibooma ɨlyɨ Ninaawi bhope bhahayifumila hu habhaazyo ɨho abhantu abhɨ habhaazyo ɨha lwa bhahayilongwa. Abheene bhahayisimishizya aje, abhantu abhɨ habhaazyo ɨha bhali nɨ mbiibhi, pɨpo abheene bhahalambile na huzileshe ɨmbiibhi zyabho, ʉYoona lwa wabhalʉmbɨɨlɨla izwi lya Ngʉlʉbhɨ.#Bhaazya Yoona 3:5. Ɨshi enyi, ɨpa pali nʉ nʼgoosi ashile ʉYoona!”
Ʉlukhozyo ʉlwɨ mʼbɨlɨ
(Mataayo 5:15; 6:22-23)
33ɄYeesu ahonjela ayanje ahaga, “Saga alɨɨho ʉmuntu wa‑akhozya ɨkolobooyi na huyibhɨɨshe hu mfiso awe akwinshile nɨ nsonta. Lyoli, abhɨɨha pa mwanya pa mbeeje huje, abhantu lwa bhatʉʉha, bhalolaje ʉlulabho lwakwe. 34Amaaso gaaho kolobooyi yɨ mʼbɨlɨ gwaho. Amaaso gaaho nkashele galola shinza, ʉmʼbɨlɨ gwaho gwonti gubha nʉ lukhozyo. Leelo nkashele amaaso gaaho gafwiye, ʉmʼbɨlɨ gwaho gubha nɨ hiisi. 35Ɨshi, ʉbhe maaso ʉlukhozyo lwa luli muuhati yaaho lusahabhe hiisi! 36Nkashele ʉmʼbɨlɨ gwaho gwonti gubha nʉ lukhozyo, sinta abhe nɨ hiisi poponti, ɨpo ʉmʼbɨlɨ gwonti gubha nʼzelu, nanshi ɨkolobooyi shɨ‑ɨkhozya.”
Ɨnsundo zya Yeesu hu Bhafalisaayo na hu bhamanyizyi abhɨ ndajizyo zya Moose
(Mataayo 23:1-36; Maalʉko 12:38-40)
37ɄYeesu lwa waamala ayanje amazwi ɨgo, ʉMʼfalisaayo ʉmo ahamʼmwana huje, abhale alye ɨshalye hu khaaya yaakwe. Ɨpo ʉYeesu ahabhala, ahatʉʉha, ahakhala na hwande alye. 38Leelo ʉMʼfalisaayo ʉla lwa‑ahunʼnola ʉYeesu alya ɨshalye sinta asamvye ɨnyoobhe nanshi shɨ‑ɨhwanziwa mu miiho gaabho, ahaswiga tee. 39Ɨpo ʉMwɨnɨ ʉYeesu ahamʼmʉʉzya ahaga, “Amwɨ muBhafalisaayo muhwibhɨɨha bhagolosu, leelo muuhati mu mooyo geenyu mumemile ʉpafu nʉ bhiibhi ʉwinji. Ʉhwo hulɨngaana nanshi ahwozye hwʉnzɨ yɨ mpɨndɨ nɨ ntandwa lwene. 40Amwɨ muli bhakwesu! Wɨlɨ, wa‑ahapelile hwʉnzɨ, saga yʉʉyo wa‑ahapelile na muuhati? 41Ɨshi, mubhavwaje abhapɨɨna hu mwoyo gwenyu gwonti, ɨpo vyonti vinza‑abhe vinza huliimwɨ.
42Leelo lwenyu amwɨ muBhafalisaayo! Amwɨ muhumʼfumizya ʉNgʉlʉbhɨ ɨshilʉndɨlo sheeka mu vilʉndɨlo ishʉmi hwope na hu vintu ɨvidoodo lwene nanshi ɨnyenyi ɨzyɨ vilemba, ɨvilʉnjɨlo nɨ vyɨnjɨ vyɨ‑ɨsho. Leelo mupootwa abhe nʉ golosu nʉ kʉndwa hwa Ngʉlʉbhɨ. Mwahanziwaaga hugabhombe gope ɨga, peeka na‑afumye ɨshilʉndɨlo sheeka mu vilʉndɨlo ishʉmi. 43Lwenyu amwɨ muBhafalisaayo! Amwɨ muhwanza akhale mu matengo aga pilongolela mu nyumba ɨzya‑apuutile na‑amanyiilile. Nantele, musʉngwa aje, abhantu bhabhalamuhaje hu nshɨnshɨ mu lembuka. 44Lwenyu! Amwɨ mulɨngɨɨne nanshi ɨnkʉngwa zya saga zili nɨ shimanyishizyo, nantele abhantu bhajenda pa mwanya sinta amanye.”#11:44 Hu Bhayahuudi yahali mwiho ajende pa mwanya pa nkʉngwa. Ʉmuntu nkashele wabhomba ɨsho, hwahamʼmɨɨhaga abhe mwavu. Mu shimanyishizyo ɨshi, aBhafalisaayo bhahali nanshi ɨnkʉngwa zya saga zyahali nɨ shimanyishizyo, bhahalolehaga nkati bhagolosu, leelo mu mooyo gaabho, bhaavu.
45Ʉmʼmanyizyi ʉmo ʉwɨ ndajizyo zya Moose ahamʼmʉʉzya ʉYeesu ahaga, “Mʼmanyizyi, lwʉ‑ʉyanga ɨsho, ʉhutiliga naatɨ, tibhamanyizyi abhɨ ndajizyo zya Moose.” 46ɄYeesu ahamʼmwamula ahaga, “Namwɨ mubhamanyizyi bhɨ ndajizyo zya Moose, lwenyu! Ɨnjanjile ɨsho, pɨpo muhubhakhajiilizya abhantu akhate ɨndajizyo zya zili nyinji. Abhombe ɨsho huli nanshi hubhatwinshe abhantu amazigo amamwamu ga saga ganyʉmʉlɨha. Hwope, amwɨ mwɨmwɨ saga mubhajiiye hubhatwinshe nka hu hayoobhe heeka!
47Lwenyu! Amwɨ muzenga ɨnkʉngwa hubhatinishe abhakuwi bha Ngʉlʉbhɨ abhɨ mandɨ, ɨbho abhamaama bheenyu bhahabhagojile! 48Ɨpo musimishizya na hwɨtɨshe ɨnjendo zya bhahabhombile abhamaama bheenyu. Abheene bhahabhagojile abhakuwi bha Ngʉlʉbhɨ, namwɨ muzenga ɨnkʉngwa zyabho!
49Ɨshi, hu nongwa ɨyo, ʉNgʉlʉbhɨ hu tengamazu waakwe, ahayanjile ahajile, ‘Nahayihubhasonteelezya abhakuwi bhaanɨ na bhasontwa bhaanɨ hwa bheene, leelo bhamo mwɨ‑ɨbho bhahayihubhabuda, bhamo bhahayihubhalavya.’ 50Ɨshi, abhantu abhɨ habhaazyo ɨha bhahayilongwa hu nongwa ya bhakuwi bhonti bha bhahabudiilwe, afume hu wandilo wɨ nsi lwa yahapelwaga, 51nantele afume abudwe hwa Aabeli, afishe abudwe hwa Zakaliya.#11:51 afume abudwe hwa Aabeli, afishe abudwe hwa Zakaliya Ilagano ɨlyɨ Mandɨ ɨlya Bhayahuudi lyahali nɨ mbaatiho shɨnjɨ ɨzyɨ vitaabu. Mu mbaatiho zyabho ʉmuntu ʉwa hwande abudwe ahali yʉ Aabeli, nʉ wa hu malishilo ahali yʉ nʼkuwi wa Ngʉlʉbhɨ ʉZakaliya. Bhaazya ʉWandilo 4; 2 ɨMbalilo 24:20-22. ɄZakaliya ahabudiilwe paahati yɨ shipuuto nɨ nyumba ɨmfinjile ɨya Ngʉlʉbhɨ. Lyoli, ɨhubhabhʉʉzya huje, abhantu abhɨ habhaazyo ɨha bhahayilongwa hwɨ‑ɨzyo zyonti.
52Lwenyu amwɨ mubhamanyizyi bhɨ ndajizyo zya Moose! Ɨnjanjile ɨsho hu nongwa ya‑aje, muzijile idala ɨlya bhantu ɨlya humʼmanye ʉNgʉlʉbhɨ, pɨpo namwɨ saga mumʼmɨɨnye. Nantele mubhazijiiye na bhantu bha bhali nɨ nyoota ɨya humʼmanye ʉNgʉlʉbhɨ.”
53ɄYeesu lwa waamala ayanje amazwi ɨgo, ahasogola pa nyumba ya Mʼfalisaayo ʉla. Ahwande ɨpo, aBhafalisaayo na bhamanyizyi abhɨ ndajizyo zya Moose bhahabha bhalʉgʉ bha Yeesu. Ɨpo bhahanda humʼmʉzɨɨlɨzye amabhʉzɨɨlɨzyo aminji. 54Bhahanzaga idala ɨlya humʼmwʉbhɨle huje, ayanje lyolyonti, nka bhalyaje idala ɨlya hunʼtaake.
Currently Selected:
Luuka 11: SBK
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2022, Wycliffe Bible Translators, Inc. All rights reserved.